Mukesh Ambani: ముకేశ్‌ అంబానీ ఇంటికి ఐఓసీ అధ్యక్షుడు

ముంబయి: అంతర్జాతీయ ఒలింపిక్ కమిటీ సెషన్‌ కోసం భారత్‌కు విచ్చేసిన ఐఓసీ (IOC) అధ్యక్షుడు థామస్‌ బచ్‌కు రిలయన్స్‌ ఇండస్ట్రీస్‌ అధినేత ముకేశ్‌ అంబానీ, ఆయన సతీమణి నీతా అంబానీ సాదర స్వాగతం పలికారు. ముంబయిలోని ముకేశ్‌ నివాసానికి ఆయన మంగళవారం విచ్చేశారు. ఈ సందర్భంగా భారత సంప్రదాయం ప్రకారం.. బచ్‌కు బొట్టు పెట్టి, హారతిచ్చి నీతా అంబానీ ఆహ్వానం పలికారు. అనంతరం ముకేశ్‌, నీతాతో బచ్‌ ఫొటోలు దిగారు. అంతర్జాతీయ ఒలింపిక్ కమిటీ సెషన్ ముంబయిలో జరగబోతోంది. అక్టోబరు 15 నుంచి 17 వరకు ఈ సెషన్‌ నిర్వహించనున్నారు. 40 ఏళ్ల తర్వాత భారత్‌లో ఈ సెషన్‌ నిర్వహిస్తుండడం గమనార్హం. నీతా అంబానీ ఐఓసీ సభ్యులుగా ఉన్న సంగతి తెలిసిందే.