రాళ్లపై నడిచెళ్లి ఓట్లేసేదెలా?

నిజాంపట్నం మండలంలో గుర్నాథనగర్‌ నుంచి హారిస్‌పేట వెళ్లే రహదారి పూర్తిగా రూపురేఖలు మారి అధ్వానంగా ఉంది. రాళ్లు లేచి ప్రయాణికులకు నడకా పరీక్షలా మారింది. రానున్న ఎన్నికల్లో గుర్నాథనగర్‌, ఎడ్లంక నుంచి సుమారు 200మంది ఓటర్లు 2 కి.మీ దూరంలో ఉన్న అంజనాపురం పోలింగ్‌ కేంద్రంలో ఓటేసేందుకు ఈ రహదారిపై నడిచి వెళ్లాల్సి ఉంది. రాళ్లు తేలిన దారిలో ఎండలో ఎలా నడవాలని కనీసం ఎన్నికల సమయానికైనా రహదారి నిర్మించాలని ప్రజలు కోరుతున్నారు. ఈ విషయమై ఆర్‌అండ్‌బీ ఏఈ విద్యాసాగర్‌ వద్ద ప్రస్తావించగా రహదారి తమ శాఖ పరిధిలోనిదని గతంలో పంచాయతీరాజ్‌ శాఖ స్వాధీనం చేసుకుందని నాలుగేళ్ల క్రితమే అప్పగించాలని కోరామని వారు ఆ ప్రక్రియ పూర్తి చేస్తే పనులు చేయిస్తామన్నారు.

న్యూస్‌టుడే, నిజాంపట్నం (రేపల్లె అర్బన్‌)