ఈ నెల 11న సాహితీ దినోత్సవం : మంత్రి శ్రీనివాస్‌ గౌడ్‌

హైదరాబాద్‌ : దేశంలో ఏ పథకమైనా తెలంగాణ నుంచే అందుబాటులోకి వస్తోందని.. స్వయంగా కవి అయిన తెలంగాణ ముఖ్యమంత్రి కేసీఆర్‌  సాహిత్యానికి ఎంతో ప్రాధాన్యత ఇస్తున్నారని మంత్రి శ్రీనివాస్‌ గౌడ్‌ అన్నారు. తెలంగాణలో కవులు లేరని ఎద్దేవా చేసిన వారికి చెంప పెట్టులా.. కేసీఆర్‌ ఎన్నో కార్యక్రమాలు నిర్వహించి ఘన చరిత్రను చాటి చెప్పారని పేర్కొన్నారు. ఈ నెల 11న రాష్ట్రంలో సాహితీ దినోత్సవంగా నిర్వహిస్తున్నామని చెప్పారు. ఈ సందర్భంగా రవీంద్రభారతిలో సాహితీవేత్తలకు సన్మానం చేయనున్నట్లు వెల్లడించారు. దశాబ్ది ఉత్సవాల్లో భాగంగా సాహితీవేత్తలకు పోటీలు పెట్టనున్నట్లు చెప్పారు. ఉత్తమ ప్రతిభ చూపిన వారికి బహుమతులు అందిస్తామని తెలిపారు.