యువతి అదృశ్యం

పీఎంపాలెం: పీఎంపాలెం ప్రాంతంలో ఓ యువతి అదృశ్యంపై బుధవారం కేసు నమోదు చేసినట్లు సీఐ వై.రామకృష్ణ తెలిపారు. క్రికెట్ స్టేడియం ఎదురు కాలనీకి చెందిన యువతి హైదరాబాద్‌లోని సాఫ్ట్‌వేర్‌ సంస్థలో పని చేస్తోంది. ప్రస్తుతం ఇంటి వద్ద ఉంటూ ఆన్‌లైన్‌లో విధులు నిర్వహిస్తోంది. మంగళవారం ఉదయం యువతి తల్లిదండ్రులు పనిమీద విజయనగరం వెళ్లి తిరిగి సాయంత్రం వచ్చే సరికి కుమార్తె ఇంట్లో కనిపించలేదు. తనకోసం వెతకవద్దని కుమార్తె రాసిన లేఖ ఇంట్లో లభ్యమైంది. పలుచోట్ల వెదికినా ఆచూకీ లభించక పోవడంతో తల్లిదండ్రులు పోలీసులను ఆశ్రయించారు.