India Corona : 2500 దిగువకు కొత్త కేసులు..

క్రమంగా తగ్గుతోన్న క్రియాశీల కేసులు..

దిల్లీ : దేశంలో కరోనా కేసులు క్రమంగా తగ్గుముఖం పడుతున్నాయి. గత కొన్ని రోజులుగా మూడు వేల లోపే నమోదువుతున్న కొత్తకేసులు తాజాగా 2500 దిగువకు చేరాయి. మరోవైపు క్రియాశీల కేసులు కూడా తగ్గుతుండటం సానుకూలాంశం. కేంద్ర ఆరోగ్య శాఖ వెల్లడించిన గణాంకాల ప్రకారం..

* నిన్న 4,05,156 కరోనా నిర్ధారణ పరీక్షలు నిర్వహించగా.. కొత్తగా 2,487 కేసులు వెలుగులోకి వచ్చాయి.

* శనివారం కరోనాతో 13 మంది ప్రాణాలు కోల్పోగా.. ఇప్పటి వరకూ మృతి చెందిన వారి సంఖ్య 5,24,214కు చేరింది.

* నిన్న 2878 మంది కోలుకోగా.. ఇప్పటి వరకూ వైరస్‌ను జయించిన వారి సంఖ్య 4.25 కోట్లు  (98.74%) దాటింది.

* ఇక గత కొన్ని రోజులుగా కొత్త కేసుల కంటే రికవరీలే ఎక్కువగా ఉంటుండటంతో.. క్రియాశీల కేసులు క్రమంగా తగ్గుతున్నాయి. ప్రస్తుతం దేశంలో యాక్టివ్‌ కేసుల సంఖ్య 17,692 (0.04%)కు చేరాయి.

* ఇక దేశవ్యాప్తంగా వ్యాక్సినేషన్‌ నిరంతరాయంగా కొనసాగుతోంది. నిన్న 15,58,119 మంది టీకాలు తీసుకోగా.. ఇప్పటి వరకూ పంపిణీ చేసిన డోసుల సంఖ్య 191.32 కోట్లు దాటింది.