Tarun: పెళ్లి వార్తలపై తరుణ్ క్లారిటీ

హైదరాబాద్‌: నటుడు తరుణ్‌ (Tarun) త్వరలో పెళ్లి పీటలెక్కనున్నారంటూ గత కొన్నిరోజుల నుంచి వార్తలు వస్తోన్న విషయం తెలిసిందే. ఇటీవల ఆయనకు పెళ్లి ఫిక్స్ అయ్యిందంటూ సోషల్‌మీడియాలో ప్రచారం జరుగుతోంది. దీనిపై తాజాగా తరుణ్‌ స్పందించారు. ఆ వార్తల్లో ఎలాంటి నిజం లేదని చెప్పారు. నిజంగానే పెళ్లి ఫిక్స్ అయితే తానే స్వయంగా ఆ శుభవార్తను అందరితో పంచుకుంటానని స్పష్టం చేశారు.

‘ఆమె’గా మారి.. నవ్వులు పంచి.. లేడీ గెటప్‌ వేసిన హీరోలు వీరే!

‘మనసు మమత’తో బాలనటుడిగా ఇండస్ట్రీలోకి అడుగుపెట్టారు తరుణ్‌. బాలనటుడిగా పలు చిత్రాలకు నంది అవార్డులు సొంతం చేసుకున్నారు. 2000లో విడుదలైన ‘నువ్వేకావాలి’తో హీరోగా ఎంట్రీ ఇచ్చారు. ఆ తర్వాత వరుస ప్రేమకథల్లో నటించి లవర్‌బాయ్‌ ఇమేజ్‌ను సొంతం చేసుకున్నారు. 2018లో విడుదలైన ‘ఇది నా లవ్‌స్టోరీ’ తర్వాత యాక్టింగ్‌ నుంచి బ్రేక్‌ తీసుకున్నారు.