Hero: రాజమౌళి పరిచయం చేసిన ‘హీరో’ కథ.. సందడి చేస్తున్న ట్రైలర్‌!

ఇంటర్నెట్‌ డెస్క్: కొత్త ‘హీరో’ కథని తెలుగు ప్రేక్షకులకి పరిచయం చేశారు ప్రముఖ దర్శకుడు రాజమౌళి. ఆ హీరో ఎవరో కాదు గుంటూరు ఎంపీ గల్లా జయదేవ్‌ కుమారుడు అశోక్‌. ఈయన కథానాయకుడిగా పరిచయమవుతున్న చిత్రం ‘హీరో’. సంక్రాంతి కానుకగా జనవరి 15న విడుదలకానుంది. ఈ సందర్భంగా ‘హీరో’ ట్రైలర్‌ను సామాజిక మాధ్యమాల వేదికగా రాజమౌళి సోమవారం విడుదల చేశారు. చిత్ర బృందానికి శుభాకాంక్షలు తెలిపారు.

‘‘కలల్లో బిర్యానీ వండుకుంటే వాస్తవంలో కడుపు నిండదురా’’ అని సీనియర్‌ నటుడు నరేశ్‌ చెప్పిన డైలాగ్‌తో ఈ ట్రైలర్‌ ప్రారంభమైంది. లవ్‌, కామెడీ, యాక్షన్‌ సన్నివేశాలతో ఆద్యంతం ఆసక్తిగా సాగింది. అన్ని కమర్షియల్‌ హంగులతో ఈ సినిమా రూపొందినట్టు ట్రైలర్‌ చూస్తే అర్థమవుతోంది. సంభాషణలను బట్టి కథానాయకుడి పాత్ర ‘హీరో’ అవ్వాలనుకుంటుందని తెలుస్తోంది. జిబ్రాన్‌ అందించిన నేపథ్య సంగీతం బాగుంది. అశోక్‌ లుక్స్‌, నటన అందరినీ ఆకట్టుకునేలా ఉన్నాయి. శ్రీరామ్‌ ఆదిత్య దర్శకత్వం వహించిన ఈ సినిమాలో నిధి అగర్వాల్‌ కథానాయిక. జగపతిబాబు, వెన్నెల కిషోర్‌ తదితరులు కీలక పాత్రలు పోషించారు. అమరరాజా మీడియా అండ్‌ ఎంటర్‌టైన్‌మెంట్‌ పతాకంపై పద్మావతి గల్లా ఈ చిత్రాన్ని నిర్మించారు.

► Read latest Movies News and Telugu News

► Follow us on Facebook, Twitter, Instagram, Koo, ShareChat, and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.