Looop Lapeta Review: రివ్యూ: లూప్ లపేట
Looop Lapeta Review: తాప్సీ కీలక పాత్రలో నటించిన ‘లూప్ లపేట’ సినిమా ఎలా ఉందంటే?
చిత్రం: లూప్ లపేట; నటీనటులు: తాప్సీ, తాహిర్ రాజ్ భాసిన్, దివ్యేందు భట్టాచార్య, శ్రేయా ధన్వంతరి, రాజేంద్ర చావ్లా తదితరులు; సంగీతం: సిద్ధాంత్ మాగో, మయాంక్ మెహ్రా, శంతను, రాహుల్ పైస్, నారిమన్; సినిమాటోగ్రఫీ: యశ్ ఖన్నా; ఎడిటింగ్: ప్రియాంక ప్రేమ్ కుమార్; రచన: డాక్టర్ వినయ్ చావ్లా, కేతన్ పెడ్గోంకర్, ఆకాశ్ భాటియా, అర్నవ్ వేపా నండూరి; దర్శకత్వం: ఆకాశ్ భాటియా; విడుదల: నెట్ఫ్లిక్స్
గతకొంత కాలంగా అన్ని చిత్ర పరిశ్రమలోనూ టైమ్ ట్రావెల్, టైమ్ లూప్ కాన్సెప్ట్తో సినిమాలు తెరకెక్కుతున్నాయి. ఇటీవల శింబు ‘మానాడు’తోనూ అలరించారు. ఇప్పుడు బాలీవుడ్లో తాప్సి కీలక పాత్రలో తెరకెక్కిన చిత్రం ‘లూప్ లపేట’. జర్మన్ చిత్రం రన్ లోలా రన్ నుంచి స్ఫూర్తి పొంది ఈ సినిమాను తెరకెక్కించారు. మరి ‘లూప్ లపేట’ కథ ఏంటి? టైమ్ లూప్లో ఇరుక్కుపోయిన తాప్సీకి ఎలాంటి కష్టాలు ఎదురయ్యాయి? వాటి నుంచి ఎలా బయటపడింది?
కథేంటంటే: సావి(తాప్సీ) అథ్లెట్. చిన్నప్పటి నుంచి బంగారు పతకం సాధించాలనేది ఆమె కల. కానీ, ఒక రేసులో కిందపడిపోవటంతో మోకాలికి దెబ్బ తగిలి ఆస్పత్రి పాలవుతుంది. ఇక జీవితంలో ట్రాక్ ఎక్కలేనని తీవ్ర మానసిక ఒత్తిడికి గురైన సావి ఆత్మహత్య చేసుకోవాలనుకుంటుంది. ఆస్పత్రి బిల్డింగ్పైకి ఎక్కి దూకుదామనే సమయానికి సత్యజిత్(తాహిర్ రాజ్ భాసిన్) వచ్చి కాపాడతాడు. గ్యాంబ్లింగ్ ఆడి జీవితాన్ని ఒక్కసారిగా మార్చుకోవాలనుకునే వ్యక్తిత్వం కలవాడు సత్యజిత్. తనని కాపాడటంతో సావి అతడిని ఇష్టపడుతుంది. ఇద్దరూ ప్రేమలో మునిగి తేలుతారు. ఒకరోజు సత్యజిత్ బాస్ అతడికి రూ.50లక్షలు తీసుకొచ్చే బాధ్యతను అతడికి అప్పగిస్తాడు. అనుకోకుండా సత్యజిత్ ఆ డబ్బును పోగొడతాడు?మరి సత్యజిత్ ఆ డబ్బును ఎలా తిరిగి తెచ్చాడు? ఈ విషయంలో సావి అతడికి ఏవిధంగా సాయం చేసింది? టైమ్లూప్లో ఇరుక్కుపోయిన సావి ఎలా బయట పడింది? అనేది కథ.
ఎలా ఉందంటే: ఇతర భాషల్లో విజయవంతమైన చిత్రాలను తెలుగులో రీమేక్ చేయడం కొత్తేమీ కాదు. విదేశీ భాషల్లో విడులైన చిత్రాలను స్ఫూర్తిగా తీసుకుని మన తెలుగు దర్శకులు ఎన్నో చిత్రాలను తెరకెక్కించారు. అలా 1998లో విడుదలైన జర్మన్ చిత్రం ‘రన్ లోలా రన్’ భారతీయ నేటివిటీకి అనుగుణంగా మార్చుకుని తెరకెక్కించడంలో దర్శకుడు ఆకాశ్ భాటియా విజయం సాధించారు. టైమ్లూప్ కాన్సెప్ట్ చిత్రాలను తీర్చిదిద్దడంలో ఏ మాత్రం తేడా వచ్చిన ప్రేక్షకుడు సహనానికి పరీక్షపెడతాయి. ఈ విషయంలో ఆకాశ్ తెలివిగా వ్యవహరించాడు. ముఖ్యంగా మన ప్రేక్షకులకు ఈ కథ అర్థం కావటం కోసం పురాణగాథ ‘సతీ సావిత్రి’ ఇతివృత్తాన్ని నాయకనాయికలతో చెప్పించడం బాగుంది.
సావి లక్ష్యంతో కథను ప్రారంభించిన దర్శకుడు ఆమెకు దెబ్బ తగలడం, ఆత్మహత్య చేసుకోవాలనుకోవడం, సావి-సత్యజిత్ల ప్రేమ ఇలా ఆరంభ సన్నివేశాలన్నీ రొటీన్గా సాగుతాయి. అంతేకాదు, సావి-సత్యలు ప్రేమలో పడిన తర్వాత వచ్చే సన్నివేశాల్లో రొమాన్స్ డోస్ కాస్త ఎక్కువగానే ఉంది. ఎప్పుడైతే సత్యజిత్ డబ్బు బ్యాగ్ను పోగొట్టుకుంటాడో అప్పుడే అసలు కథ మొదలవుతుంది. అక్కడి నుంచి సావితో పాటు సినిమా కూడా పరుగులు పెడుతుంది. తన ప్రియుడిని సావి ఎలా కాపాడిందన్నదే అసలు కథ. ఆద్యంతం ఉత్కంఠ కలిగిస్తూనే నవ్వులు పంచుతుంది. కథానాయకుడి పాత్రకు చిత్తూరు యాసతో డబ్బింగ్ చెప్పించారు. సినిమా ప్రారంభమైనప్పుడు వినటానికి కాస్త ఇబ్బందికరంగా ఉన్నా, సన్నివేశాలు నడుస్తున్న కొద్దీ బాగానే ఉంది. అప్పు, గప్పు పాత్రలను 5స్టార్ చాక్లెట్ యాడ్ ‘రమేశ్-సురేశ్’ల నుంచి స్ఫూర్తి పొంది ఉంటారు. ఆ రెండు పాత్రలు కడుపుబ్బా నవ్విస్తాయి. తాప్సీ తప్ప తెలిసిన వాళ్లెవరూ లేకపోయినా ప్రతి పాత్రా ప్రేక్షకుడికి కనెక్ట్ అవుతుంది. టైమ్ ట్రావెల్ కథలను ఇష్టపడేవాళ్లకే కాదు, సాధారణ ప్రేక్షకులకు ‘లూప్ లపేట’ నచ్చుతుంది.
ఎవరెలా చేశారంటే: విభిన్న కథలను, పాత్రలను ఎంచుకుంటూ బాలీవుడ్లో దూసుకుపోతోంది తాప్సీ. ‘లూప్ లపేట’లో తాప్సీ పోషించిన సావి పాత్ర ఆమెను మరో మెట్టు ఎక్కించింది. మోడ్రన్ గర్ల్గా నటన, స్టైల్గా కనిపించిన విధానం కొత్తగా ఉంది. ఓటీటీలో విడుదల కావటంతో రొమాన్స్, అసభ్యపదజాలాన్ని అలాగే వదిలేశారు. తాప్సీకి దీటుగా తాహిర్ రాజ్ భాసిన్ నటన కూడా మెప్పిస్తుంది. ముఖ్యంగా తెరపై అతడు పలికించే హావభావాలు అలరిస్తాయి. మిగిలిన వాళ్లు పరిధి మేరకు నటించారు. అప్పు, గప్పులుగా చేసిన మాణిక్, రాఘవరాజ్ల తమదైన కామెడీ టైమింగ్తో నవ్వించారు. రాహుల్ పైజ్, నారిమన్ సంగీతం సినిమాకు అదనపు బలాన్ని చ్చింది. ఈ సినిమాకు ప్రధాన ఆకర్షణ యశ్ ఖన్నా సినిమాటోగ్రఫీ. గోవా సరికొత్తగా చూపించారు. సినిమాకు తగినట్లు ఎంచుకున్న థీమ్, కలర్స్ అన్నీ బాగున్నాయి. ప్రియాంక్ ప్రేమ్ ఎడిటింగ్ షార్ప్గా ఉంది. తికమక లేకుండా టైమ్లూప్ సన్నివేశాలను కూర్చిన విధానం బాగుంది. రన్ లోలా రన్ను భారతీయ ప్రేక్షకులకు అర్థమయ్యేలా తీర్చిదిద్దడంలో దర్శకుడు ఆకాశ్ భాటియా విజయం సాధించారు. అయితే, ఎందుకు తాప్సీ టైమ్లూప్లో ఇరుక్కుపోతోందో అనే విషయాన్ని మాత్రం ఎక్కడా చెప్పలేదు.
బలాలు
+ తాప్సీ, తాహిర్ రాజ్ల నటన
+ కథ, స్క్రీన్ప్లే
+ సాంకేతిక బృందం పనితీరు
బలహీనతలు
- నెమ్మదిగా సాగే ఆరంభ సన్నివేశాలు
చివరిగా: సరదాగా సినిమా చూడాలనుకుంటే లూప్ లపేట చూడొచ్చు!
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ హీరామండి: ది డైమండ్ బజార్.. సంజయ్లీలా భన్సాలీ ఫస్ట్ వెబ్సిరీస్ ఎలా ఉంది?
భారీ తారాగణంతో సంజయ్లీలా భన్సాలీ దర్శకత్వంలో రూపొందిన వెబ్సిరీస్ మెప్పించిందా? -
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
విద్యుత్ జమ్వాల్ నటించిన స్పోర్ట్స్ యాక్షన్ మూవీ ‘క్రాక్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే?