Siddharth: అప్పుడు వెక్కి వెక్కి ఏడ్చా: సిద్ధార్థ్‌

ఇంటర్నెట్‌డెస్క్‌: నటుడు సిద్ధార్థ్‌ (Siddharth) కీలక పాత్రలో నటించిన ఫ్యామిలీ ఎంటర్‌టైనర్‌ ‘చిత్తా’ (Chithha). ఇదే చిత్రాన్ని ‘చిన్నా’ (Chinna) పేరుతో అక్టోబర్‌ 6న తెలుగులో విడుదల చేయనున్నారు. ఈ నేపథ్యంలో సిద్ధార్థ్‌ తాజాగా ఓ ఇంటర్వ్యూలో పాల్గొన్నారు. ఓ స్టార్‌ హీరో సినిమా చూసి తాను వెక్కి వెక్కి ఏడ్చానని అన్నారు.

శ్రీదేవి మరణం.. డైట్‌ వల్ల ఎన్నో ఇబ్బందులు ఎదుర్కొంది: బోనీ కపూర్‌

‘‘నేను కమల్‌ హాసన్‌ సర్‌కు వీరాభిమానిని. ఇటీవల ఆయన్ని కలిశా. ఎన్నో విషయాల గురించి మేము మాట్లాడుకున్నాం. ముఖ్యంగా ‘విచిత్ర సోదరులు’ చిత్రీకరణ నాటి అనుభవాలను ఆయన నాతో పంచుకున్నారు. ఆయన మాటలు విని నేను భావోద్వేగానికి గురయ్యా. ‘సర్‌.. నాకెందుకో బాధగా ఉంది. మీరు మాట్లాడుతుంటే ఆ సినిమా చూసిన క్షణాలు నాకు గుర్తుకువస్తున్నాయి. తొమ్మిదేళ్ల వయసులో మా అమ్మతో కలిసి ఆ సినిమా చూశా. సినిమాలోని రిజిస్టర్‌ ఆఫీస్‌ సీన్‌ చూసి నేను వెక్కి వెక్కి ఏడ్చా. ఇప్పుడు మాట్లాడుతుంటే ఆ సీన్‌ గుర్తుకువచ్చింది’ అని చెప్పా’’ అని సిద్ధార్థ్‌ తెలిపారు.