Keerthy suresh: ముంబయి వీధుల్లో ఆటోరైడ్‌ చేస్తున్న కీర్తి సురేశ్‌.. వీడియో వైరల్‌

ముంబయి: నటీనటులకు సంబంధించిన చిన్న విషయమైనా క్షణాల్లో వైరల్‌గా మారుతుంది. తాజాగా అగ్ర కథానాయిక కీర్తి సురేశ్‌కు (Keerthy Suresh) సంబంధించిన ఓ సరదా వీడియో సోషల్‌మీడియాలో తెగ షేర్‌ అవుతోంది. బాలీవుడ్‌ స్టార్‌ హీరో వరుణ్‌ ధావన్‌తో (Varun Dhawan)కలిసి ఈ అమ్మడు ముంబయి వీధుల్లో ఆటోలో షికారుకు వెళ్లింది. దీంతో ఇది వైరల్‌ కావడంతో పాటు ఇండస్ట్రీలో కొత్త చర్చకు కూడా దారితీసింది.

ఈ మహానటి భామ త్వరలోనే బీటౌన్‌ ప్రేక్షకులను అలరించనున్న సంగతి తెలిసిందే. వరుణ్‌ ధావన్‌ హీరోగా అట్లీ దర్శకత్వంలో రానున్న ఓ సినిమాలో (VD 18) కీర్తి సురేశ్‌ హీరోయిన్‌. ఇది ఆమె తొలి హిందీ సినిమా కావడం విశేషం. ప్రస్తుతం దీని షూటింగ్‌ శరవేగంగా జరుగుతోంది. ‘జవాన్‌’తో సూపర్‌ హిట్‌ను అందుకున్న అట్లీ.. ఇప్పుడు అదే జోష్‌తో ఈ సినిమా చిత్రీకరణ చేస్తున్నారు. షూటింగ్‌లో భాగంగానే వరుణ్‌, కీర్తి ఇద్దరూ ఇలా ఆటోలో ప్రయాణించినట్లు తెలుస్తోంది. అయితే ఎటువంటి సమాచారం లేకుండా సడెన్‌గా ఈ స్టార్లు ఇద్దరూ ఆటోలో కనిపించేసరికి జనాలంతా వాళ్లని చూసి మాట్లాడేందుకు ఉత్సాహం చూపారు. ఈ వీడియోలో వరుణ్‌ ధావన్‌ షర్ట్‌ లేకుండా బనియన్‌పై కనిపించగా.. కీర్తి క్యూట్‌గా నవ్వుతూ కనిపిస్తోంది. 

సెన్సార్‌ పూర్తి చేసుకున్న ‘చంద్రముఖి-2’.. రన్‌టైమ్‌ ఎంతంటే?

ఇక ఈ సినిమా విషయానికొస్తే.. ఇది మాస్‌ ఎంటర్‌టైనర్‌గా రానుంది. ప్రస్తుతం హీరో, హీరోయిన్ల మధ్య ఎమోషనల్‌ సన్నివేశాలు తెరకెక్కిస్తున్నట్లు సమాచారం. మరోవైపు తమిళంలో హిట్‌ అయిన తేరి (Theri) సినిమాకు రీమేక్‌గా ఇది రూపొందుతుందని కూడా టాక్.