Nayanthara: సినిమా ప్రమోషన్‌కు అందుకే నయన్‌ దూరం: విఘ్నేశ్‌ శివన్‌

ఇంటర్నెట్‌డెస్క్‌: నటి నయనతార (Nayanthara), ఆమె భర్త విఘ్నేశ్‌ శివన్‌ (Vignesh Shivan) తాజాగా వ్యాపార రంగంలోకి అడుగుపెట్టిన విషయం తెలిసిందే. ‘9స్కిన్‌’ (9Skin) పేరుతో స్కిన్‌ కేర్‌ ఉత్పత్తులను అందుబాటులోకి తీసుకొచ్చారు. ఈ బ్రాండ్‌ ప్రమోషన్స్‌లో భాగంగా ఇటీవల నయన్‌ దంపతులు మలేసియా వెళ్లారు. అక్కడ జరిగిన ప్రెస్‌మీట్‌లో నయన్‌పై విఘ్నేశ్‌ ఆసక్తికర వ్యాఖ్యలు చేశారు. ఆమె ఎన్నో విషయాల్లో తనలో స్ఫూర్తి నింపిందన్నారు. అలాగే, సినిమా ప్రమోషన్స్‌కు నయన్‌ హాజరు కాకపోవడం గురించీ ఆయన మాట్లాడారు.

‘‘నయనతార చాలా సందర్భాల్లో తన సొంత చిత్రాలను కూడా ప్రమోట్‌ చేయడానికి ముందుకు రాలేదు. సినిమాలో మంచి కంటెంట్‌ ఉంటే అది తప్పకుండా ప్రజల్లోకి వెళ్తుందని ఆమె నమ్ముతుంది. అందుకే ఆమె ప్రమోషన్స్‌కు దూరంగా ఉంటుంది. ప్రకటనల విషయంలో తాను నమ్మితేనే ప్రచారకర్తగా వ్యవహరిస్తుంది. ‘9 స్కిన్‌’ బ్రాండ్‌ను మొదలుపెట్టాలని మేం అనుకున్నప్పుడు.. నయన్‌ ఆ ఉత్పత్తులన్నింటినీ స్వయంగా వాడింది. డిజైన్‌, బాటిల్‌, స్టైల్‌, ప్యాకింగ్‌ ఇలా ప్రతి విషయాన్నీ ఆమె దగ్గరుండి చేసింది. ఈ బ్రాండ్‌ విషయంలో ఆమె ఎంతో శ్రమించింది’’

Siddharth: దానివల్ల మా సినిమాకు ఎంతో నష్టం.. ప్రెస్‌మీట్‌ అడ్డుకోవడంపై సిద్ధార్థ్‌

‘‘నా మొదటి చిత్రాన్ని నయనతారతో తెరకెక్కించాను. ఆ సమయంలో ఆమె నాలో స్ఫూర్తి నింపింది. చిన్న విషయంలోనూ ఆమె ఎంతో నిజాయతీ, నిబద్ధతతో పనిచేస్తుంది’’ అని విఘ్నేశ్‌ శివన్‌ చెప్పారు. విఘ్నేశ్‌ శివన్‌ దర్శకత్వం వహించిన ‘నేనూ రౌడీనే’లో నయనతార ప్రధాన పాత్ర పోషించారు. ఈ సినిమా చిత్రీకరణ సమయంలోనే వీరిద్దరూ ప్రేమలో పడ్డారు. పెద్దల అంగీకారంతో గతేడాది వివాహం చేసుకున్నారు.