Vikram Veda: ‘విక్రమ్‌ వేద’ ఓటీటీలోకి వచ్చేస్తోంది.. ఎప్పుడు, ఎక్కడంటే?

ఇంటర్నెట్‌ డెస్క్‌: సినీ అభిమానులు ఎప్పుడెప్పుడా అని ఆసక్తిగా ఎదురుచూస్తున్న ‘విక్రమ్‌ వేద’ (Vikram Veda) ఓటీటీ విడుదల తేదీ ఖరారైంది. ఈ చిత్రం ‘జియో సినిమా’ (Jio Cinema)లో ఈ మే 12 నుంచి స్ట్రీమింగ్ కానుంది. థియేటర్లలో సందడి చేసి, జయపజయాలతో సంబంధం లేకుండా ఎన్నో సినిమాలు కొన్ని రోజుల్లోనే ఓటీటీల్లోకి వస్తుంటే గతేడాది సెప్టెంబరు 30న విడుదలైన ఈ సినిమా ఇప్పుడు డిజిటల్‌ ప్లాట్‌ఫ్లామ్‌పైకి రాబోతోంది. హృతిక్‌ రోషన్‌ (Hrithik Roshan), సైఫ్‌ అలీఖాన్‌ (Saif Ali Khan) ప్రధాన పాత్రల్లో తెరకెక్కిన ఈ సినిమా బాక్సాఫీసు వద్ద మంచి వసూళ్లు రాబట్టింది.

తమిళంలో విజయవంతమైన ‘విక్రమ్‌ వేద’కి రీమేక్‌గా పుష్కర్‌, గాయత్రి ద్వయమే ఈ చిత్రాన్ని తెరకెక్కించింది. ఈ యాక్షన్‌ థ్రిల్లర్‌ చిత్రంలో పవర్‌ఫుల్‌ పోలీసు ఆఫీసర్‌గా సైఫ్‌ అలీఖాన్‌, గ్యాంగ్‌స్టర్‌గా హృతిక్‌రోషన్‌ కనిపించి, ప్రేక్షకులను అలరించారు. వరుణ్‌ధావన్‌, కృతిసనన్‌ జంటగా నటించిన హిట్‌ చిత్రం ‘భేదియా’ (తోడేలు) ఇదే ఓటీటీలోకి త్వరలోనే విడుదల కానుందని సమాచారం. ఈ చిత్రం కూడా గతేడాదిలోనే థియేటర్లలో సందడి చేసింది.