మైక్రోసాఫ్ట్ కొత్త జోష్
మైక్రోసాఫ్ట్ ఇగ్నైట్ 2023. ప్రఖ్యాత ఐటీ సంస్థ పేరుకు తగ్గట్టుగానే ఈసారీ తమ వార్షిక కార్యక్రమంలో బోలెడన్ని అప్డేట్లను ప్రవేశపెట్టింది. కృత్రిమ మేధ(ఏఐ)కు పెద్దపీట వేసింది.
మైక్రోసాఫ్ట్ ఇగ్నైట్ 2023. ప్రఖ్యాత ఐటీ సంస్థ పేరుకు తగ్గట్టుగానే ఈసారీ తమ వార్షిక కార్యక్రమంలో బోలెడన్ని అప్డేట్లను ప్రవేశపెట్టింది. కృత్రిమ మేధ(ఏఐ)కు పెద్దపీట వేసింది. ఛాట్జీపీటీకి పోటీ అయిన బింగ్ ఛాట్ను కోపైలట్ కిందికి తీసుకొచ్చింది. ఐటీ ప్రొఫెషనల్స్ ఎంతగానో ఎదురుచూస్తున్న విశిష్ట ఏఐ చిప్స్ను పరిచయం చేసింది. మాటలతోనే అవతార్లను సృష్టించటం వంటి వినూత్న ఫీచర్లు వీటి సొంతం. ఈ నేపథ్యంలో మైక్రోసాఫ్ట్ ఇగ్నైట్ విశేషాలేంటో పరిశీలిద్దామా.
కోపైలట్గా బింగ్
ఏఐ ఆధారిత బింగ్ ఛాట్ను మైక్రోసాఫ్ట్ కోపైలట్గా మార్చేసింది. ఇప్పుడిది https://copilot.microsoft.com, బింగ్కు అదనంగా విండోస్లోనూ అందుబాటులో ఉంటుంది. దీన్ని విండోస్ 10కూ విస్తరించారు. మైక్రోసాఫ్ట్ ఎంటర్ప్రైజ్ చందాతో పాటే దీన్ని వాడుకోవచ్చు. అదనంగా చెల్లించాల్సిన అవసరం లేదు. డిసెంబర్ నుంచి మైక్రోసాఫ్ట్ 365 ఎఫ్3లోనూ జతచేయనున్నారు. నెలకు 5 డాలర్ల రుసుముతో అంతా వాడుకోవచ్చు.
ప్రత్యేక ఏఐ చిప్స్
జీపీయూ మీద ఆధారపడకుండా ఉండటానికి మైక్రోసాఫ్ట్ రెండు సొంత, డేటా ఆధారిత ఏఐ చిప్స్ను పరిచయం చేసింది. 1. అజ్యూర్ మయియా 100 ఏఐ యాక్సిలరేటర్. 2. అజ్యూర్ కోబాల్ట్ 100 సీపీయూ. ఏఐ మోడళ్లకు శిక్షణ ఇవ్వటానికి, వాటిని రన్ చేయటానికి మయియా 100 ఉపయోగపడుతుంది. ఇక మామూలు పనులకు ఉద్దేశించింది కోబాల్ట్ 100. ఇవి రెండూ వచ్చే సంవత్సరం మొదట్లో అజ్యూర్ డేటా కేంద్రాలకు జత కానున్నాయి.
కోపైలట్లో ఏఐ టూల్స్
కోపైలట్కు కొత్త ఏఐ టూల్స్నూ మైక్రోసాఫ్ట్ ఆవిష్కరించింది. జనరేటివ్ ఏఐ టెక్నాలజీతో పనిచేసే వీటి పేర్లు.. కోపైలట్ ఫర్ అజ్యూర్, కోపైలటర్ ఫర్ సర్వీస్, కోపైలట్ స్టుడియో, కోపైలట్ ఇన్ డైనమిక్స్ 365 గైడ్స్.
- గూగుల్ క్లౌడ్లో ఇటీవల పరిచయం చేసిన డ్యూయెట్ ఏఐకి కోపైలట్ ఫర్ అజ్యూర్ ప్రత్యామ్నాయం. ప్రస్తుతానికిది ప్రివ్యూలో అందుబాటులో ఉంటుంది.
- కోపైలట్ ఫర్ సర్వీసెస్ వినియోగదారుల సేవలు కల్పిస్తుంది. కస్టమర్ సర్వీస్ ఏజెంట్లు అడిగే పలు ప్రశ్నలకు సమాధానాలిస్తుంది. కంపెనీ వెబ్సైట్లు, కథనాలు, ఆఫ్లైన్ డేటాబేస్ల నుంచి తనకు తానే వీటిని గ్రహిస్తుంది.
- కోపైలట్ ఇన్ డైనమిక్స్ 365 గైడ్లు ప్రధానంగా ఫ్రంట్లైన్ వర్కర్లకు ఉపయోగపడే సమాచారాన్ని జనరేటివ్ ఏఐతో సంక్షిప్తంగా తెలియజేస్తాయి. దీన్ని ముందుగా పరిమిత కస్టమర్లు, సామర్థ్యాలతో ప్రైవేట్ ప్రివ్యూగా ఆరంభిస్తారు.
- కోపైలట్ స్టుడియో ద్వారా కోపైలట్ను ఇష్టమైన విధంగా మార్చుకోవచ్చు. ఉదాహరణకు- నేచురల్ లాంగ్వేజ్లో వివరించటం ద్వారా ఖర్చుల నియంత్రణకు ఛాట్బాట్గా మలచుకోవచ్చు. ప్రస్తుత కోపైలట్ ఫర్ మైక్రోసాఫ్ట్ 365 చందాదారులకు ఇది పబ్లిక్ ప్రివ్యూలో అందుబాటులో ఉంటుంది.
టీమ్స్ కొత్తగా
మైక్రోసాఫ్ట్ టీమ్స్కు కొత్తగా డెకరేట్ యువర్ బ్యాక్గ్రౌండ్ ఫీచర్ తోడైంది. ఇది సమావేశంలో పాల్గొనేవారి వెనకాల వస్తువులు చిందర వందరగా కనిపించకుండా చూస్తుంది. ఉదాహరణకు వెనకాల షెల్ఫ్లో పుస్తకాలు అటూఇటూ పడిపోయి ఉన్నాయనుకోండి. తనే వాటిని సర్దినట్టు చూపిస్తుంది. కావాలంటే మొక్కలనూ జోడిస్తుంది. ఇది టీమ్స్ ప్రీమియం చందాదారులకు వచ్చే ఏడాది నుంచి అందుబాటులో ఉంటుంది. అలాగే ఏఐ ఆధారిత నాయిస్ రిడక్షన్ ఫీచర్నూ ప్రవేశపెట్టారు. ఇది చుట్టుపక్కల చప్పుళ్లను, ఇతరుల గొంతులు అవతలివారికి వినిపించకుండా చేస్తుంది. ఇది వచ్చే సంవత్సరం ఆరంభంలో అందరికీ అందుబాటులోకి వస్తుంది.
టు డు, ప్లానర్, ప్రాజెక్ట్ ఒక్కటిగా..
ప్రాజెక్ట్ మేనేజ్మెంట్ టూల్స్ గజిబిజిని తగ్గించటానికి అన్నింటికీ ఒకే దగ్గరికి తీసుకురానున్నారు. మైక్రోసాఫ్ట్ టు డు, ప్లానర్, ప్రాజెక్టులను కలిపి ఒకే ప్రొడక్టుగా రూపొందించనున్నారు. ప్లానర్కు కోపైలట్ కూడా తోడవ్వనుంది. చేయాల్సిన పనులను త్వరగా ప్లాన్ చేసుకోవటానికి, కొత్త లక్ష్యాలను నిర్దేశించుకోవటానికిది తోడ్పడుతుంది.
పరికరంలోనే ఏఐ స్టుడియో
ఏఐ అనుభూతులను క్లౌడ్ నుంచి విండోస్ పరికరంలోకి జొప్పించే ప్రయత్నంలో భాగంగా విండోస్ ఏఐ స్టుడియోను పరిచయం చేశారు. దీని సాయంతో పరికరంలోనే, ఆఫ్లైన్లోనే విండోస్ యాప్స్ను వాడుకోవచ్చు.
మాటతోనే అవతార్స్
మాటలతోనే అవతార్స్ను సృష్టించే టూల్ను మైక్రోసాఫ్ట్ పరిచయం చేసింది. దీని పేరు అజ్యూర్ ఏఐ స్పీచ్ టెక్స్ట్ టు స్పీచ్ అవతార్. ఇదో డీప్ఫేక్ సాధనం. ఇది నిజమైన వ్యక్తులుగా కనిపించే అవతార్లను సృష్టిస్తుంది. ఏదైనా సందేశాన్ని ఇవ్వటానికి వీలుగా యానిమేషన్ రూపంలోకీ మారుతుంది. అయితే కొందరు దుర్వినియోగ పరచే వీలుందనే భావనతో దీనికి కొన్ని పరిమితులు విధించారు. ప్రస్తుతానికి అజ్యూర్ చందాదారులకు అప్పటికే రూపొందించిన అవతార్లను అందుబాటులో ఉంచారు. అదీ రిజిస్ట్రేషన్ చేసుకున్నవారికి, కొన్ని సందర్భాల్లో వాడుకోవటానికే అనుమతించారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
‘కీప్’ గోయింగ్!
రోజురోజుకీ నోట్-టేకింగ్ యాప్స్కు ఆదరణ పెరుగుతోంది. వివిధ ప్రయోజనాలు ఉండటంతో యువత వీటిని ఎక్కువగా వాడుతున్నారు. ఇప్పుడు బోలెడన్ని ఉచిత నోట్ టేకింగ్ యాప్లూ అందుబాటులో ఉన్నాయి. -
అమెజాన్ మ్యూజిక్లో ఏఐ ప్లేలిస్టు ఫీచర్
సంగీత ప్రియులను ఆకట్టుకోవటానికి మ్యూజిక్ యాప్లు కృత్రిమ మేధ (ఏఐ) సాయంతో కొత్త పుంతలు తొక్కుతున్నాయి. స్పోటిఫై ఇటీవల ప్రీమియం యూజర్ల కోసం ఏఐ ఆధారిత ప్లేలిస్ట్ జనరేటర్ను అందుబాటులోకి తెచ్చింది. -
వెబ్లోనూ ట్రూకాలర్
స్మార్ట్ఫోన్లలో ట్రూకాలర్ను చాలాకాలంగా వాడుతూనే ఉన్నాం. అజ్ఞాత, స్పామ్ కాల్స్ను గుర్తించటానికిది బాగా ఉపయోగపడుతుంది. ఇప్పుడిది వెబ్ బ్రౌజర్ రూపంలోకీ మారింది. -
జీపీటీ దృష్టి!
టెక్నాలజీ రంగంలో ఇప్పుడు ఛాట్జీపీటీ పేరు మార్మోగుతోంది. ఆరంభమైనప్పటి నుంచే సంచలనాలు సృష్టిస్తోంది. రోజురోజుకీ కొత్త పోకడలు పోతోంది. ఆన్లైన్లో టెక్స్ట్ను సంగ్రహించి, మథించటంతోనే ఆగిపోలేదు. -
హాయ్ ఐయామ్ నమో ఏఐ
ప్రధానమంత్రి నరేంద్ర మోదీ టెక్నాలజీ వాడకంలో ఎప్పుడూ ముందే ఉంటారు. ఆయన వ్యక్తిగత నమో యాప్ గురించి తెలిసిందే. దీనికి తాజాగా కృత్రిమ మేధతో కూడిన నమో ఏఐ ఫీచర్ కూడా జతచేరింది. -
ఆండ్రాయిడ్ పరికరాల్లో సరికొత్త ఫొటో ఎడిటింగ్
డిజిటల్ ప్రపంచం రోజురోజుకీ కొత్త పుంతలు తొక్కుతోంది. ఈ నేపథ్యంలో ఆండ్రాయిడ్ పరికరాలూ కొత్త సొబగులు అద్దుకుంటున్నాయి. వీటికి త్వరలో కొత్త ఏఐ ఫీచర్లు అందుబాటులోకి రానున్నాయి. -
రోడ్డు గుంతలను పూడ్చే రోబో
గుంతలు లేని రోడ్లను ఒకసారి తలచుకోండి. ఆ ప్రయాణం ఎంత హాయిగా ఉంటుందో! ఊహించుకుంటేనే ఎంత సంతోషం కలుగుతుందో కదా. అదే నిజమైతే? అది సాకారం కావటం మరెంతో దూరంలో లేదు. -
అశ్లీల బెదిరింపుల వలలో పడకుండా
ఆన్లైన్లో నగ్న చిత్రాలు, వీడియోలతో బెదిరించటాన్ని అడ్డుకోవటానికి ఇన్స్టాగ్రామ్ కొత్తగా న్యూడిటీ ప్రొటెక్షన్ ఫీచర్ను ప్రవేశపెట్టనుంది. ఇన్స్టాగ్రామ్ డీఎంలలో ఉండే ఈ ఫీచర్ దానంతటదే నగ్న చిత్రాలను పసిగడుతుంది. -
పాటలు నేర్పే పదనిస
హిందీ పాటలు పాడటం నేర్చుకోవాలని భావిస్తున్నారా? కానీ సమయం దొరకటం లేదని చింతిస్తున్నారా? అయితే పదనిస యాప్ను ప్రయత్నించి చూడండి. ప్రముఖ సంగీత కంపెనీ సరిగమ ఇటీవలే దీన్ని తీసుకొచ్చింది. -
సామాజిక వ్యసనం శ్రుతి మించుతోందా?
సామాజిక మాధ్యమాలు వ్యసనంగా మారాయా? దీన్నుంచి బయట పడటానికి ప్రయత్నిస్తున్నారా? అయితే పామ్సీ యాప్ సాయం తీసుకోవచ్చు. -
నిర్ణీత సమయానికి ఎస్ఎంఎస్
ఆత్మీయుల పుట్టినరోజు. సరిగ్గా అర్ధరాత్రి 12 గంటలకు ఎస్ఎంఎస్ పంపించాలని అనుకుంటాం. కానీ అప్పటివరకూ మెలకువగా ఉండకపోతే? నిద్రపోయినప్పుడు ఆ సమయానికి మెలకువ రాకపోతే? ఇలాంటి సమయాల్లోనే నిర్ణీత సమయానికి మెసేజ్లు అందే సదుపాయం ఉంటే బాగుండునని అనిపిస్తుంటుంది. -
వాట్సప్ కొత్త ఇమేజ్ ఎడిటర్
వాట్సప్ త్వరలో ఏఐ ఆధారిత కొత్త ఇమేజ్ టూల్ను ప్రవేశపెట్టనుంది. ఇది ఫొటోలను తేలికగా ఎడిట్ చేసుకోవటానికి వీలు కల్పిస్తుంది. ఈ ఫీచర్ ఇమేజ్లను షేర్ చేసుకునే పేజీలో పైన కనిపిస్తుందని చెబుతున్నారు. -
ఏఐ వీడియోకు సౌండ్ ట్రాక్ సొబగులూ
ఏఐతో వీడియోలు సృష్టించటం తేలికైపోయింది. ఎలాంటి వీడియో కావాలో పదాల్లో వర్ణిస్తే చాలు. దానికి తగ్గట్టుగా వీడియోలు రూపొందించే ఏఐ వేదికలు చాలానే ఉన్నాయి. -
వాట్సప్లో మరిన్ని మెసేజ్లు పిన్
వాట్సప్ ప్రియులకు శుభవార్త. ఇకపై ఒకే సమయంలో మూడు కన్నా ఎక్కువ ఛాట్స్, మెసేజ్లను పిన్ చేసుకోవచ్చు. కొత్త ఫీచర్లలో భాగంగా వాట్సప్ దీన్ని ఇటీవలే పరిచయం చేసింది. -
మీ అభ్యర్థి చరిత్రేంటి?
మీ నియోజకవర్గం అభ్యర్థి ఎలాంటివారు? నేర చరిత్ర ఏమైనా ఉందా? తెలుసుకోవాలంటే ‘నో యువర్ క్యాండిడేేట్’ (కేవైసీ) యాప్లో చూసుకోండి. ప్రధాన ఎన్నికల కమిషనర్ ఇటీవల ఎన్నికల క్రమాన్ని ప్రకటించటంతో పాటు ఈ యాప్నూ పరిచయం చేశారు -
గేమింగ్లో కృత్రిమ నేస్తం!
ఎక్కడికి, ఎలా దారితీస్తుందో తెలియదు గానీ కృత్రిమ మేధ (ఏఐ) రోజురోజుకీ కొత్త పుంతలు తొక్కుతోంది. ఇటీవల వృద్ధుల్లో ఒంటరితనాన్ని పోగొట్టటానికి తోడ్పడే ఏఐ రోబో, పూర్తిస్థాయి ఏఐ సాఫ్ట్వేర్ ఇంజినీర్ ఆవిష్కరణ ఆశ్చర్యచకితులను చేస్తే.. తాజాగా ఏఐ గేమింగ్ ఏజెంట్ పుట్టుకొచ్చింది -
ఏఐ పాట
కృత్రిమమేధ (ఏఐ) సాయంతో కొత్త పాటలను సృష్టించాలని అనుకుంటున్నారా? అయితే సునో ఏఐ (https://www.suno.ai/) సాయం తీసుకోండి. ఇదో ఏఐ మ్యూజిక్ జనరేటర్ వేదిక. -
డ్యూగూ.. సూర్యుడికే అన్న!
డ్యూగూ గ్రహ శకలం సూర్యుడి కన్నా ముందే పుట్టిందా? దీని నమూనాల ప్రాథమిక విశ్లేషణలో ఈ విషయమే వెల్లడైంది. ఇప్పుడిదే ఆశ్చర్యం కలిగిస్తోంది. -
గూగుల్ లెన్స్లో సెర్చ్ హిస్టరీ సేవ్
గూగుల్ లెన్స్తో ఇమేజ్లను వెతికేవారికి శుభవార్త. ఇకపై వెతికిన ఇమేజ్లను తేలికగా తెలుసుకోవచ్చు. అవసరమైతే అక్కడి నుంచే డౌన్లోడ్ చేసుకోవచ్చు. -
నిర్ధరణ తీరునూ వివరించే ఏఐ
వైద్యరంగంలో కృత్రిమ మేధ (ఏఐ) రోజురోజుకీ విస్తరిస్తోంది. జబ్బుల నిర్ధరణ దగ్గరి నుంచి చికిత్సలను నిర్ణయించుకోవటం వరకూ ఉపయోగపడుతుంది. -
ఫైల్స్లో స్కాన్!
డాక్యుమెంట్లు, ఫైళ్లను ఒకదగ్గర నిల్వ చేసుకోవటానికి, తేలికగా షేర్ చేయటానికి గూగుల్ ఫైల్స్ యాప్ బాగా ఉపయోగపడుతుంది. ఇప్పుడు దీనికి కొత్తగా స్కాన్ ఫీచర్ అందుబాటులోకి వచ్చింది.
తాజా వార్తలు (Latest News)
-
మారుతీ నుంచి అందుబాటు ధరకే త్వరలో హైబ్రిడ్ కారు
-
వాటిని తెంచుకున్నంత సులువుగా ప్రేమను వదులుకోలేకపోయా: కమల్ హాసన్
-
ఐటీలో తగ్గుతున్న ఉద్యోగులు.. టాప్-5 కంపెనీల్లో 69 వేల మంది!
-
అధికారిక ప్రకటనే లేదు.. ‘రామాయణ’ షూట్ ఫొటోలు వైరల్
-
హెలికాప్టర్లో తూలి పడిపోయిన మమతా బెనర్జీ
-
ట్విటర్ (ఎక్స్)లో అడుగుపెట్టిన కేసీఆర్