ఆర్‌బీఐ పరపతి సమావేశం 3-6న

2023-24లో మొత్తం 6 సార్లు భేటీ

ముంబయి: రిజర్వ్‌ బ్యాంక్‌ ఆఫ్‌ ఇండియా(ఆర్‌బీఐ) పరపతి విధాన కమిటీ(ఎమ్‌పీసీ) వచ్చే ఆర్థిక సంవత్సరంలో ఆరు సార్లు సమావేశం కానుంది. ఈ రేట్ల నిర్ణాయక ప్యానెల్‌ తన తొలి సమావేశాన్ని ఏప్రిల్‌ 3-6 తేదీల్లో నిర్వహించనున్నట్లు ఆర్‌బీఐ ఒక ప్రకటనలో పేర్కొంది. ఆ మేరకు శుక్రవారం విడుదల చేసిన షెడ్యూలు ప్రకారం.. 2023-24లో ఏప్రిల్‌ 3-6; జూన్‌ 6-8; ఆగస్టు 8-10; అక్టోబరు 4-6; డిసెంబరు 6-8; ఫిబ్రవరి 6-8 తేదీల్లో ఈ సమావేశాలు జరగనున్నాయి. గవర్నర్‌ ఆధ్వర్యంలోని ఈ కమిటీలో ఆర్‌బీఐ నుంచి ఇద్దరు ప్రతిధులు ఉంటారు. బయటి వ్యక్తులు ముగ్గురు సభ్యులుగా ఉంటారు.