MF Nomination: మ్యూచువల్‌ ఫండ్‌ నామినేషన్‌ డెడ్‌లైన్‌ పొడిగింపు

దిల్లీ: మ్యూచువల్‌ ఫండ్స్‌లో (Mutual Funds) మదుపు చేసే వారికి సెబీ ఊరటనిస్తూ కీలక నిర్ణయం తీసుకుంది. మ్యూచువల్‌ ఫండ్స్‌ మదుపరులకు నామినీ వివరాల దాఖలుకు ఇచ్చిన గడువును పొడిగించింది. మార్చి 31తో గడువు ముగియాల్సి ఉండగా.. ఈ గడువును సెప్టెంబర్‌ 30 వరకు పొడిగిస్తున్నట్లు ప్రకటించింది.  మ్యూచువల్‌ ఫండ్స్‌లో పెట్టుబడులు పెట్టిన వారు తప్పనిసరిగా నామినీని ఎంచుకోవాలని సెబీ నిబంధనను తెచ్చింది. లేదంటే నామినీ వద్దంటూ డిక్లరేషన్‌ సమర్పించాల్సి ఉంటుంది. ఒకవేళ నామినీని ఎంపిక చేసుకోక పోతే ఆ ఖాతాలు స్తంభించిపోతాయని తెలిపింది. దీంతో వాటి ప్రయోజనాలు పొందే అవకాశం కోల్పోతారు. ఇప్పటికే నామినీ వివరాలు నమోదు చేసుకున్నవారు తిరిగి నమోదు చేసుకోవాల్సిన అవసరం లేదు.

మరోవైపు డీమ్యాట్‌, ట్రేడింగ్‌ ఖాతాదారులకూ సెబీ ఊరటనిచ్చింది. నామినీ వివరాలను సమర్పించేందుకు మార్చి 31గా ఉన్న గడువును సెప్టెంబర్‌ 30 వరకు పొడిస్తున్నట్లు ప్రకటించింది. గడువు తేదీ సమీపించినప్పటికీ చాలామంది డీమ్యాట్‌, ట్రేడింగ్‌ ఖాతాదారులు నామినీ వివరాలను సమర్పించకపోవడంతో ఈ నిర్ణయం తీసుకుంది.