Burj Khalifa: బుర్జ్‌ ఖలీఫాపై మెరిసిన మ్యాన్‌కైండ్‌ ఫార్మా

దుబాయి: ప్రముఖ ఔషధ తయారీ సంస్థ మ్యాన్‌కైండ్‌ ఫార్మాకు అరుదైన గౌర‌వం ద‌క్కింది. ప్రపంచంలోనే అత్యంత ఎత్తైన భవనం బుర్జ్‌ ఖలీఫా (Burj Khalifa)పై ఆ సంస్థ పేరును ప్రదర్శించారు. భారత కాలమానం ప్రకారం జులై 20న రాత్రి 9.45గంటలకు దుబాయిలోని ఈ ప్రఖ్యాత భవనంపై మ్యాన్‌కైండ్‌ ఫార్మా పేరును ప్రదర్శించారు. ఇది తమకు ఓ మరపురాని జ్ఞాపకంగా నిలిచిపోతుందని ఆ సంస్థ పేర్కొంది. మ్యాన్‌కైండ్ ఫార్మా, ఆ సంస్థ చేస్తోన్న కృషిని వివరించేలా ఐకానిక్ బుర్జ్ ఖలీఫాపై ప్రదర్శించినందుకు తామ ఎంతో ఆనందిస్తున్నట్టు ఆ సంస్థ పేర్కొంది. ఫార్మా రంగంలో కృషిచేస్తోన్న మ్యాన్‌కైండ్‌ను ఎన్నడూలేని విధంగా బూర్జ్‌ ఖలీఫాపై ప్రదర్శించడంపై ఆ సంస్థ హర్షం వ్యక్తం చేసింది.