దాడి తిప్పికొడదాం

సైబరాబాద్‌ పోలీసులకు డిఫెన్సివ్‌ టాక్టికల్‌ ట్రైనింగ్‌

శిక్షణ కార్యక్రమంలో మాట్లాడుతున్న స్టీఫెన్‌ రవీంద్ర

ఈనాడు- హైదరాబాద్‌: విధుల్లో భాగంగా నేరగాళ్లు దాడులకు తెగబడితే పోలీసులు సమర్థంగా ప్రతిఘటించేలా సైబరాబాద్‌ కమిషనర్‌ స్టీఫెన్‌ రవీంద్ర కొత్త కార్యక్రమానికి శ్రీకారం చుట్టారు. డిఫెన్సివ్‌ టాక్టికల్‌ ట్రైనింగ్‌ పేరుతో ప్రత్యేక శిక్షణ రూపొందించారు. నేరాలకు పాల్పడిన నిందితులు తప్పించుకునేందుకు కొన్ని సార్లు పోలీసులపై దాడులకు దిగుతున్నారు. ఈ నేపథ్యంలో ఆత్మరక్షణ, ప్రతిదాడికి సంబంధించి శిక్షణ ఇచ్చేందుకు ఉద్దేశించిన కార్యక్రమాన్ని కానిస్టేబుల్‌ యాదయ్య చేతుల మీదుగా కమిషనర్‌ ప్రారంభించారు. యాదయ్య ఇటీవల గొలుసు దొంగల చేతిలో కత్తిపోట్లకు గురయ్యారు. వివిధ విభాగాలకు చెందిన 30మందికి వారం పాటు తర్ఫీదు ఇస్తారు. సంయుక్త కమిషనర్‌ అవినాశ్‌ మహంతి పాల్గొన్నారు.