Kamal Haasan: కమల్‌ సరసన నయనతార.. టీజర్‌ అప్పుడేనా!

ఇంటర్నెట్ డెస్క్‌: మణిరత్నం-కమల్‌ హాసన్‌ (Kamal Haasan) కాంబోలో ఓ సినిమా తెరకెక్కనున్న విషయం తెలిసిందే. ఇప్పటికే ఈ ప్రాజెక్ట్ ప్రకటించి చాలా రోజులైంది. తాజాగా ఈ భారీ ప్రాజెక్ట్‌కు సంబంధించిన ఓ వార్త సోషల్‌మీడియాలో షేర్‌ అవుతోంది.

ఈ సినిమాలో హీరోయిన్‌గా ఐశ్వర్య రాయ్‌ను ఎంపిక చేశారంటూ గతంలో వార్తలు వచ్చాయి. తాజాగా మరో హీరోయిన్‌ పేరు తెరపైకి వచ్చింది. ఈ సినిమాలో నయనతారను (Nayanthara) ఓకే చేసినట్లు టాక్‌ వినిపిస్తుంది. అయితే, అది ఐశ్వర్య రాయ్‌ కోసం అనుకున్న పాత్రనా లేదంటే మరొకటా అనే విషయంపై స్పష్టత రావాల్సి ఉంది. చిత్రబృందం అధికారికంగా వెల్లడించనప్పటికీ.. ఈ  వార్త మాత్రం నెట్టింట్ వైరల్‌గా మారింది. ఇక ఈ సినిమాలో అతిథిపాత్ర కోసం రజనీకాంత్‌తో మూవీ టీమ్ సంప్రదింపులు జరిపినట్లు తెలుస్తోంది. అలాగే ఇందులో ‘త్రిష’ కూడా ఓ కీలకపాత్రలో కనిపించనున్నట్లు సమాచారం. ఈ సినిమా (#KH234) టీజర్‌ను నవంబర్‌ 7న విడుదల చేయాలని భావిస్తున్నారట. ఇప్పటికే టీజర్‌ కోసం కొన్ని సన్నివేశాలను చిత్రీకరించినట్లు  వార్తలు వస్తున్నాయి. రోజువారీ షూటింగ్‌ను జనవరి నుంచి ప్రారంభించనున్నట్లు తెలుస్తోంది.

‘లియో’ మిశ్రమ స్పందనలు.. లోకేశ్‌ కనగరాజ్‌ ఆసక్తికర వ్యాఖ్యలు..!

ఇక కమల్‌ హాసన్‌-మణిరత్నంల కాంబినేషన్‌లో 35 ఏళ్ల తర్వాత రానున్న సినిమా కావడంతో దీనిపై అభిమానుల్లో ఆసక్తి పెరిగింది. గతంలో వీరి కాంబోలో ‘నాయకన్‌’ సినిమా తెరకెక్కి ఘన విజయాన్ని అందుకుంది. మణిరత్నం, కమల్‌ కెరీర్‌లో ఓ మైలురాయిగా నిలిచిన సంగతి తెలిసిందే. ఇక ఈ ఏడాది ‘విక్రమ్‌’తో సూపర్‌ హిట్‌ అందుకున్న కమల్‌ హాసన్ త్వరలోనే ‘ఇండియన్-2’ సినిమాతో ప్రేక్షకుల ముందుకు రానున్నారు.