Rowdy Boys Trailer: ఎన్టీఆర్‌ విడుదల చేసిన ‘రౌడీ బాయ్స్‌’ ట్రైలర్‌ చూశారా?

హైదరాబాద్‌: కాలేజీ నేపథ్యంలో సాగే ప్రేమ కథలతో ఎన్నో చిత్రాలు ప్రేక్షకులను అలరించాయి. ఆ కోవలోనే వస్తున్న యూత్‌ఫుల్‌ ఎంటర్‌టైనర్‌ ‘రౌడీ బాయ్స్‌’. నిర్మాత  శిరీష్‌ తనయుడు ఆశిష్‌ హీరోగా పరిచయమవుతున్నారు. శ్రీహర్ష కొనుగంటి దర్శకుడు. అనుపమ పరమేశ్వరన్‌ కథానాయిక. అన్ని కార్యక్రమాలు పూర్తి చేసుకున్న ఈ సినిమా సంక్రాంతి కానుకగా జనవరి 14న ప్రేక్షకుల ముందుకు రానుంది. ఈ సందర్భంగా చిత్ర ట్రైలర్‌ను స్టార్‌ హీరో ఎన్టీఆర్‌ విడుదల చేసి, చిత్ర బృందానికి శుభాకాంక్షలు తెలిపారు.

రెండు కళాశాలలు... ఇంజినీరింగ్‌ విద్యార్థుల నాలుగేళ్ల ప్రయాణం నేపథ్యంలో ఈ చిత్రం సాగనున్నట్లు తెలుస్తోంది. కాలేజ్‌లో స్నేహితుల మధ్య చోటు చేసుకునే సరదా అల్లర్లు, తోటి విద్యార్థులతో గొడవలు, ప్రేమ ఇలా అన్ని అంశాలను మిళితం చేసి, సినిమాను తీర్చిదిద్దినట్లు ట్రైలర్‌ చూస్తే అర్థమవుతోంది. దేవిశ్రీప్రసాద్‌ ఈ సినిమాకు సంగీతం అందిస్తుండటం విశేషం.