Bettapay: నిర్మాణ రంగంలో చెల్లింపుల కోసం ‘బెట్టాపే’

దిల్లీ: వర్క్‌ఫోర్స్ మేనేజ్‌మెంట్ సొల్యూషన్స్ ప్రొవైడర్ బెట్టామింట్ నిర్మాణరంగంలో ఆర్థిక లావాదేవీల కోసం ‘బెట్టాపే’ (Bettapay) అనే చెల్లింపుల సాధనాన్ని ప్రారంభించింది. బిల్లులు, వేతనాలు, ప్రోత్సాహకాల చెల్లింపులను ఆధారం చేసుకునే డెబిట్‌ నోట్స్‌, కార్మికుల హాజరు, పనితీరు వంటి అంశాలను బెట్టాపేకు అనుసంధానం చేయొచ్చని కంపెనీ ఓ ప్రకటనలో తెలిపింది. తద్వారా అధీకృత విధానంలో చెల్లింపులు చేసేలా డెవలపర్లు, కాంట్రాక్టర్లపై నిర్వహణ భారం తగ్గుతుందని పేర్కొంది.

కార్మికులకు డిజిటల్‌ మాధ్యమంలో చెల్లింపులు చేయాలన్న ప్రభుత్వ మార్గదర్శకాలను సైతం బెట్టాపేతో (Bettapay) అమలుచేసినట్లవుతుందని బెట్టామింట్‌ వివరించింది. రుణ సంస్థలు, రెరా వంటి రెగ్యులేటరీలకూ నిర్మాణ ప్రాజెక్టుల పర్యవేక్షణ సులభమవుతుందని తెలిపింది. పారదర్శకత, జవాబుదారీతనం, కచ్చితత్వాన్నీ పెంపొందించవచ్చని వివరించింది.