Car Insurance: కారు ఆకృతి ఆధారంగా బీమా ప్రీమియం మారుతుందా?
Car Insurance: కారును కొనుగోలు చేసేటప్పుడే కారు బీమా ప్రీమియంను పరిగణనలోకి తీసుకోవాలి. సరైన కారు బీమా పాలసీని పొందడానికి IDVని సరిగ్గా అంచనా వేయాలి. IDVని కారు రకాన్ని బట్టి నిర్ణయిస్తారు.
ఇంటర్నెట్ డెస్క్: వాహనాలపై వెళ్తున్న సమయంలో జరిగే ఊహించని ప్రమాదాల నుంచి బీమా (Vehicle Insurance) ఎంతో రక్షణగా ఉంటుంది. బండికైనా లేదా మనకైనా జరిగే నష్టం చాలా ఖరీదుతో కూడిన వ్యవహారం. అలాంటి కష్ట సమయాల్లో ఆర్థికంగా చితికిపోకుండా బీమా (Insurance) అండగా ఉంటుంది. అందుకే వాహన బీమా (Vehicle Insurance) తప్పనిసరి. కారు విషయానికి వస్తే బీమా (Car Insurance) ప్రీమియం అనేక అంశాలపై ఆధారపడి ఉంటుంది. కారు రకం, ఇంజిన్, పరిమాణం, ఉపయోగం.. వీటి ఆధారంగానే కంపెనీలు కారు బీమా ప్రీమియంను నిర్ధారిస్తాయి.
ఐడీవీ ఆధారంగానే ప్రీమియం..
‘ఇన్సూర్డ్ డిక్లేర్డ్ వాల్యూ (IDV)’ నిర్ధారించడానికి బీమా జారీ సంస్థలు ప్రాథమికంగా పరిగణనలోకి తీసుకునే అంశం కారు రకం. కారు బీమాను పొడిగించే సమయంలోనే కంపెనీలు దీన్ని నిర్ధారిస్తాయి. మార్కెట్ విలువ ఆధారంగా ఐడీవీని నిర్ణయించి ప్రీమియంను లెక్కిస్తారు. ఐడీవీ కారు రకంపై ఆధారపడుతుంది. కారు రకాన్ని ఇంజిన్ సామర్థ్యం ఆధారంగా నిర్ణయిస్తారు.
సులభంగా చెప్పాలంటే IDV అనేది కారు బీమా పాలసీలో ఇచ్చే హామీ మొత్తంగా అర్థం చేసుకోవచ్చు. వాహనానికి ఏదైనా ప్రమాదం జరిగినప్పుడు బీమా క్లెయిం చేసుకోవాలంటే ఈ ఐడీవీనే పరిగణనలోకి తీసుకుంటారు. దీన్ని రెఫరెన్స్గా తీసుకుని.. సంస్థలు బీమా సొమ్మును అందజేస్తాయి.
కార్లలో వర్గీకరణ..
కార్లను బాడీ స్టైల్, సెగ్మెంట్, ఇంధన రకం, పరిమాణం, ఉపయోగం.. వీటి ఆధారంగా వివిధ రకాలుగా వర్గీకరించారు.
- బాడీ స్టైల్: హ్యాచ్బ్యాక్, సెడాన్, క్రాస్ఓవర్, వ్యాన్స్, కన్వర్టబుల్స్
- కారు సెగ్మెంట్: లగ్జరీ, స్పోర్ట్స్, యుటిలిటీ
- ఇంధనం: డీజిల్, పెట్రోల్, సీఎన్జీ, హైబ్రిడ్, ఎలక్ట్రిక్
- పరిమాణం: మైక్రో, కాంపాక్ట్, సబ్- కాంపాక్ట్, మిడ్-సైజ్, ఫుల్ సైజ్
- ఉపయోగం: వాణిజ్యం, వ్యక్తిగతం, స్పోర్ట్స్, లగ్జరీ
ఇలా కార్ల వర్గీకరణ ఆధారంగా ఐడీవీని తద్వారా ప్రీమియంను నిర్ణయిస్తారు. మరోవైపు కార్ల వర్గీకరణను థర్డ్ పార్టీ బీమా జారీ సంస్థలు ఒకలాగా.. ఓన్ డ్యామేజ్ బీమా జారీ కంపెనీలు మరోలాగా పరిగణనలోకి తీసుకుంటాయి.
థర్డ్ పార్టీ బీమాలో..
థర్డ్-పార్టీ బీమా అనేది చట్టబద్ధంగా తప్పనిసరి. ప్రమాదానికి గురైనప్పుడు అవతలి పక్షానికి జరిగిన నష్టాన్ని, ఖర్చులను భర్తీ చేయడానికి ఇది ఉండాల్సిందే. ‘మోటార్ యాక్సిడెంట్ క్లెయిమ్స్ ట్రిబ్యునల్’ ప్రకారం.. ప్రమాదం జరిగినప్పుడు థర్డ్-పార్టీ ఇన్సూరెన్స్ క్లెయిమ్ ద్వారా బాధితుడికి పరిహారం చెల్లించాల్సి ఉంటుంది.
ఇంజిన్ పరిమాణం ఆధారంగా, థర్డ్-పార్టీ బీమా పాలసీ ప్రీమియంను మూడు రకాలుగా విభజిస్తారు. మోడల్ నంబర్, గత క్లెయిమ్లు మొదలైన ఇతర అంశాల ఆధారంగానూ ప్రీమియం మారుతుంది.
ఇంజిన్ సామర్థ్యం- ప్రీమియం
- 1000 సీసీ కంటే తక్కువ- తక్కువ ప్రీమియం
- 1000 సీసీ కంటే ఎక్కువ..1500 సీసీ కంటే తక్కువ- మోతాదు ప్రీమియం
- 1500 సీసీ కంటే ఎక్కువ- ఎక్కువ ప్రీమియం
ఓన్ డ్యామేజ్ పాలసీలోనైతే..
ఇంతకు ముందే చెప్పినట్లు బీమా ప్రీమియంను అనేక అంశాల ఆధారంగా నిర్ణయిస్తారు. అందులో కారు రకం ప్రధానమైనది. నిజానికి ఊహించని ప్రమాదాల నుంచి కారు మనల్ని ఎంత వరకు రక్షిస్తుందో దాని బాడీయే సూచిస్తుంది.
హ్యాచ్బ్యాక్ లేదా సెడాన్?
అధిక విక్రయాలు, చిన్న పరిమాణం కారణంగా హ్యాచ్బ్యాక్లపై బీమా ప్రీమియం ఇతర వాటితో పోలిస్తే తక్కువగానే ఉంటుంది. సెడాన్ల బీమా ప్రీమియం మాత్రం హ్యాచ్బ్యాక్ కంటే ఎక్కువ. అయితే, తిరిగి ఈ సెడాన్లు ఏ విభాగంలోకి వస్తాయనే దానిపై ప్రీమియం ఆధారపడి ఉంటుంది.
హై-ఎండ్ హ్యాచ్బ్యాక్, సెడాన్లు..
సాధారణ హ్యాచ్బ్యాక్, సెడాన్లతో పోలిస్తే హైఎండ్ కార్లపై ప్రీమియం అధికంగా ఉంటుంది. దీనికి అధిక ఆన్-రోడ్ ధరే కారణం.
యుటిలిటీ వాహనాలు..
ఇష్టం వచ్చినట్లుగా వాడేందుకు వీలుగా యుటిలిటీ వాహనాలను రూపొందిస్తారు. పైగా వీటిని ఆఫ్-రోడ్ డ్రైవింగ్లో కూడా ఉపయోగించొచ్చు. ఈ నేపథ్యంలో ప్రమాదం జరిగే అవకాశాలు కొంచెం ఎక్కువే. దీంతో బీమా ప్రీమియం కూడా అధికంగానే ఉంటుంది.
స్పోర్ట్స్ కార్లు..
స్పోర్ట్స్ ఎస్యూవీలు, లగ్జరీ ఎస్యూవీలు, స్పోర్ట్స్ సెడాన్లు, సూపర్ కార్లపై ప్రీమియం అధికంగా ఉంటుంది. చాలా వేగంగా వెళ్లేందుకు వీలుగా వీటి నిర్మాణం ఉంటుంది. ఈ క్రమంలో చాలా ఖరీదైన విడి భాగాలు, టెక్నాలజీని పొందుపరుస్తారు. ఈ నేపథ్యంలో ప్రీమియం ఎక్కువగా ఉంటుంది. ఏ ఏమాత్రం ప్రమాదం జరిగినా.. ఆ నష్టాన్ని పూడ్చుకోవడం ఖరీదైన వ్యవహారం. ఈ నేపథ్యంలో వీటి ఇన్సూరెన్స్ను ఎప్పటికప్పుడు రిన్యూవల్ చేయిస్తూ ఉండాలి.
లగ్జరీ కార్లు..
లగ్జరీ కార్ల బీమా ప్రీమియం లెక్కింపు భిన్నంగా ఉంటుంది. సాధారణంగా వీటి ప్రీమియం చాలా ఎక్కువగానే ఉంటుంది. వాటిలో ఉండే సౌకర్యాలు, అదనపు వసతులు, టెక్నాలజీ, ధర.. వీటన్నింటి ఆధారంగా కారు బీమా ప్రీమియం ఆధారపడి ఉంటుంది.
కారును కొనుగోలు చేసేటప్పుడే కారు బీమా ప్రీమియంను పరిగణనలోకి తీసుకోవాలి. సరైన కారు బీమా పాలసీని పొందడానికి IDVని సరిగ్గా అంచనా వేయాలి. IDVని కారు రకాన్ని బట్టి నిర్ణయిస్తారు. కారు ఇన్సూరెన్స్ తీసుకోవడం భారంగా భావించొద్దు. అనుకోని ప్రమాదం జరిగినప్పుడు ఇది ఎంతో ఉపయోగకరంగా ఉంటుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా.. ఏ వయసులోనైతే మేలు..?
ఒక వ్యక్తి యుక్త వయసులోనే ఆరోగ్య బీమా పాలసీ తీసుకోవడం వల్ల ప్రీమియం తగ్గింపు సహా అనేక ప్రయోజనాలుంటాయి. అవేంటో తెలుసుకోండి.. -
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది.