ప్రతి దీవీ.. పర్యాటక దివిటీ!

లక్షద్వీప్‌తో సహా దేశీయ పర్యాటకానికి ప్రోత్సాహం

దిల్లీ: దేశీయ పర్యాటక అభివృద్ధికి కంకణం కట్టుకున్నట్లు  నిర్మలా సీతారామన్‌ తెలిపారు. ముఖ్యంగా లక్షద్వీప్‌, ఇతర దీవులను పర్యాటకంగా సిద్ధం చేయనున్నట్లు ప్రకటించారు. మౌలిక వసతులు, పోర్టుల అనుసంధానం, సౌకర్యాల కల్పనకు ఊతం ఇవ్వనున్నట్లు వెల్లడించారు.

కేంద్ర మంత్రి ఇంకేమన్నారంటే..

• పర్యాటక ప్రాంతాల్లో వసతులు, సేవల ఆధారంగా వాటికి రేటింగ్‌ ఇస్తాం. ఇందుకు ఫ్రేమ్‌వర్క్‌ రూపొందిస్తాం.
• ఆయా కేంద్రాల అభివృద్ధికి రాష్ట్రాలను కలుపుకొని ఆర్థికంగా చేయూత ఇస్తాం.
• వడ్డీ లేని దీర్ఘకాలిక రుణాలతో రాష్ట్రాలను పర్యాటకరంగం వైపు దృష్టిసారించేలా ప్రోత్సహిస్తాం.
• దేశీయంగా లక్షద్వీప్‌ వంటి దీవుల్లో పోర్టు కనెక్టివిటీ, ఇన్‌ఫ్రా టూరిజం ఏర్పాటు చేస్తాం. ఫలితంగా ఉద్యోగాలు సృష్టించినట్లవుతుంది.