Mutual Funds: కొత్త పథకాల జోరు..
కొత్త పథకాలతో మ్యూచువల్ ఫండ్ సంస్థలు మదుపరులను ఆకర్షించే ప్రయత్నం చేస్తున్నాయి. ఇందులో పలు వైవిధ్యమైన పథకాలు ఉంటున్నాయి. కొన్ని సూచీ ఫండ్లను ఆవిష్కరిస్తే..
కొత్త పథకాలతో మ్యూచువల్ ఫండ్ (Mutual Funds) సంస్థలు మదుపరులను ఆకర్షించే ప్రయత్నం చేస్తున్నాయి. ఇందులో పలు వైవిధ్యమైన పథకాలు ఉంటున్నాయి. కొన్ని సూచీ ఫండ్లను ఆవిష్కరిస్తే.. మరికొన్ని థీమ్యాటిక్ పథకాలను తీసుకొస్తున్నాయి. ఈ నేపథ్యంలో ఇటీవల అందుబాటులోకి వచ్చిన పలు ఫండ్లను పరిశీలిద్దాం..
వైట్వోక్ క్యాపిటల్.. రెండు పథకాలు
వైట్వోక్ క్యాపిటల్ మ్యూచువల్ ఫండ్ (Mutual Funds) నుంచి ఒకేసారి రెండు కొత్త పథకాలు అందుబాటులోకి వచ్చాయి. ఇందులో ఒకటి వైట్వోక్ క్యాపిటల్ బ్యాంకింగ్ అండ్ ఫైనాన్షియల్ సర్వీసెస్ ఫండ్, మరోటి వైట్వోక్ క్యాపిటల్ ఫార్మా అండ్ హెల్త్ కేర్ ఫండ్. ఈ రెండూ థీమ్యాటిక్ తరగతికి చెందిన ఓపెన్ ఎండెడ్ పథకాలు కావటం ప్రత్యేకత. ఈ రెండు పథకాల ఎన్ఎఫ్ఓ (న్యూ ఫండ్ ఆఫర్) ముగింపు తేదీ ఈ నెల 30. బ్యాంకింగ్ ఫండ్లో కనీస పెట్టుబడి రూ.100. హెల్త్కేర్ ఫండ్లో కనీస పెట్టుబడి రూ.500. బ్యాంకింగ్, ఆర్థిక సేవల రంగానికి చెందిన కంపెనీల్లో మదుపు చేసి లాభాలు ఆర్జించడం వైట్వోక్ క్యాపిటల్ బ్యాంకింగ్ అండ్ ఫైనాన్షియల్ సర్వీసెస్ ఫండ్ ప్రధాన వ్యూహం. అదే విధంగా ఫార్మా, హెల్త్కేర్ రంగాలకు చెందిన కంపెనీలపై వైట్వోక్ క్యాపిటల్ ఫార్మా అండ్ హెల్త్కేర్ ఫండ్ పెట్టుబడులు పెడుతుంది.
ఐసీఐసీఐ ప్రుడెన్షియల్..
ఐసీఐసీఐ ప్రుడెన్షియల్ మ్యూచువల్ ఫండ్ ఒక ఇండెక్స్ ఫండ్ను ఆవిష్కరించింది. ఐసీఐసీఐ ప్రుడెన్షియల్ నిఫ్టీ 50 వాల్యూ ఇండెక్స్ ఫండ్ అనే ఈ పథకం ఎన్ఎఫ్ఓ ముగింపు తేదీ ఈ నెల 29. కనీస పెట్టుబడి రూ.100. నిఫ్టీ 50 వాల్యూ 20 ఇండెక్స్తో ఈ పథకం పనితీరును పోల్చి చూస్తారు. ఈ సూచీలోని కంపెనీలపైనే ప్రధానంగా ఈ పథకం పెట్టుబడి పెడుతుంది. ఇవన్నీ బ్లూచిప్ కంపెనీలే కావటం ప్రత్యేకత. రిటర్న్ ఆన్ క్యాపిటల్ ఎంప్లాయ్డ్ (ఆర్ఓసీఈ), పీఈ నిష్పత్తి, ప్రైస్ టు బుక్ వ్యాల్యూ నిష్పత్తి, డివిడెండ్ ఈల్డ్.. తదితర వివిధ ప్రమాణాలను విశ్లేషించి పెట్టుబడుల పోర్ట్ఫోలియోను సిద్ధం చేస్తారు. గత ఏడాది, మూడేళ్లు, అయిదేళ్ల కాలంలో నిఫ్టీ 50 సూచీ కంటే నిఫ్టీ 20 టీఆర్ఐ సూచీ అధిక వృద్ధిని నమోదు చేసిన విషయం ఈ సందర్భంగా గమనార్హం. అందువల్ల ఐసీఐసీఐ ప్రుడెన్షియల్ మ్యూచువల్ ఫండ్ ఈ కొత్త పథకాన్ని తీసుకొచ్చింది.
ప్రభుత్వ బ్యాంకుల్లో...
హెచ్డీఎఫ్సీ మ్యూచువల్ ఫండ్ (Mutual Funds) నుంచి ఎక్స్ఛేంజ్ట్రేడెడ్ ఫండ్ (ఈటీఎఫ్) ఒకటి కొత్తగా అందుబాటులోకి వస్తోంది. హెచ్డీఎఫ్సీ నిఫ్టీ పీఎస్యూ బ్యాంక్ ఈటీఎఫ్ అనే ఈ పథకం ఎన్ఎఫ్ఓ ముగింపు తేదీ ఈ నెల 23. ఎన్ఎఫ్ఓలో కనీస పెట్టుబడి రూ.500. దీర్ఘకాలం పాటు మదుపు చేయాలనుకునే వారికి ఇది అనువుగా ఉంటుంది. హెచ్డీఎఫ్సీ నిఫ్టీ పీఎస్యూ బ్యాంక్ ఇండెక్స్తో ఈ పథకం పనితీరును పోల్చి చూస్తారు. ప్రధానంగా ప్రభుత్వ రంగ బ్యాంకులపై ఈ పథకం పెట్టుబడులు ఉంటాయి.
మిరే అసెట్ నుంచి..
మిరే అసెట్ మ్యూచువల్ ఫండ్ (Mutual Funds) ఒక నూతన మల్టీ అసెట్ ఫండ్ను ఆవిష్కరించింది. మిరే అసెట్ మల్టీ అసెట్ అలకేషన్ అనే ఈ పథకం ఎన్ఎఫ్ఓ ముగింపు తేదీ ఈ నెల 24. ఇది హైబ్రిడ్ తరగతికి చెందిన పథకం. ఈక్విటీ షేర్లతోపాటు, రుణ పత్రాలు, బంగారం-వెండి ఈటీఎఫ్లు, ఎక్స్ఛేంజ్ ట్రేడెడ్ కమొడిటీ డెరివేటివ్స్లలో పెట్టుబడులు పెట్టి, లాభాలు ఆర్జించే లక్ష్యంతో ఈ పథకాన్ని తీసుకొచ్చారు. ఎన్ఎఫ్ఓలో కనీసం రూ.5,000 పెట్టుబడి పెట్టాలి. విభిన్నమైన పెట్టుబడి పత్రాలపై పెట్టుబడులు ఉండాలనుకునే మదుపరులకు ఇది అనుకూలం.
ఎస్బీఐ నిఫ్టీ 50..
ఎస్బీఐ మ్యూచువల్ ఫండ్ నిఫ్టీ 50లోని షేర్లపై పెట్టుబడి పెట్టి, లాభాలు ఆర్జించే ఇండెక్స్ ఫండ్ను రూపొందించింది. ఎస్బీఐ నిఫ్టీ 50 ఈక్వల్ వెయిట్ ఇండెక్స్ ఫండ్ అనే ఈ పథకం ఎన్ఎఫ్ఓ ముగింపు తేదీ ఈ నెల 29. కనీస పెట్టుబడి రూ.5,000. ఇది ఇండెక్స్ తరగతికి చెందిన ఓపెన్ ఎండెడ్ పథకం. లార్జ్క్యాప్ షేర్లతో పోర్ట్ఫోలియో ఉంటుంది. కాబట్టి, దీర్ఘకాలంలో నష్టభయం తక్కువగా ఉంటుంది.
మోతీలాల్ ఓస్వాల్ లార్జ్ క్యాప్ ఫండ్
ఒక లార్జ్ క్యాప్ ఫండ్ కొత్తగా మోతీలాల్ ఓస్వాల్ మ్యూచువల్ ఫండ్ నుంచి అందుబాటులోకి వస్తోంది. మోతీలాల్ ఓస్వాల్ లార్జ్ క్యాప్ ఫండ్ అనే ఈ పథకం ప్రధానంగా పెద్ద కంపెనీలపైన మాత్రమే పెట్టుబడి పెట్టే ఓపెన్ ఎండెడ్ పథకం కావటం ప్రత్యేకత. ఎన్ఎఫ్ఓ ముగింపు తేదీ ఈ నెల 31. ఈ మ్యూచువల్ ఫండ్ పథకం పోర్ట్ఫోలియోలో 80 శాతం వరకూ ‘నిఫ్టీ 100 లార్జ్ క్యాప్’ కంపెనీలే ఉంటాయి. మిగిలిన 20 శాతం కోసం, మిడ్/ స్మాల్ క్యాప్ తరగతులకు చెందిన కంపెనీలను పరిగణనలోకి తీసుకుంటారు. దేశ ఆర్థిక వ్యవస్థ మెరుగైన పనితీరు కనబరుస్తున్న నేపథ్యంలో వివిధ రంగాల్లో అగ్రగామిగా ఉన్న కంపెనీలు (ప్రధానంగా లార్జ్ క్యాప్ తరగతికి చెందినవి...) మెరుగైన పనితీరు ప్రదర్శించే అవకాశం ఉంటుంది. అందువల్ల లార్జ్ క్యాప్ పథకాల్లో మదుపరులకు లాభాలు వచ్చే వీలు కనిపిస్తోంది.
బంధన్ మ్యూచువల్..
బంధన్ మల్టీ అసెట్ అలకేషన్ ఫండ్ అనే కొత్త పథకాన్ని బంధన్ మ్యూచువల్ ఫండ్ (Mutual Funds) తీసుకొచ్చింది. ఎన్ఎఫ్ఓ ముగింపు తేదీ ఈ నెల 24. కనీస పెట్టుబడి రూ.1,000. అన్ని తరగతులకు చెందిన పెట్టుబడి పత్రాలపై (ఈక్విటీ, రుణ పత్రాలు, బంగారం, వెండి తదితరాలు...) ఇది పెట్టుబడులు పెడుతుంది. తద్వారా తక్కువ రిస్కుతో స్థిరమైన లాభాలు ఆర్జించాలనేది ఈ పథకం లక్ష్యం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా.. ఏ వయసులోనైతే మేలు..?
ఒక వ్యక్తి యుక్త వయసులోనే ఆరోగ్య బీమా పాలసీ తీసుకోవడం వల్ల ప్రీమియం తగ్గింపు సహా అనేక ప్రయోజనాలుంటాయి. అవేంటో తెలుసుకోండి.. -
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది.
తాజా వార్తలు (Latest News)
-
ఈనాడు.నెట్లో టాప్ 10 వార్తలు @ 1 PM
-
ఐదు రోజులుగా టీవీ నటుడు మిస్సింగ్.. కిడ్నాప్ అనుమానాలు..!
-
ఓటీటీలోకి ‘మంజుమ్మల్ బాయ్స్’.. స్ట్రీమింగ్ ఎప్పుడంటే
-
ఆ సమయంలో 32 కిలోల బరువు పెరిగాను: సోనమ్ కపూర్
-
క్రికెట్.. బేస్బాల్ గేమ్లా మారిపోతోంది: పంజాబ్ కెప్టెన్
-
అందాల పోటీల్లో తొలిసారి.. 60 ఏళ్ల ‘భామ’కు కిరీటం