Financial Planning: మొదటి జీతం అందుకున్నారా? ఇలా చేయండి..
ఉద్యోగంలో చేరినప్పుడే పొదుపు, పెట్టుబడులను ప్రారంభిస్తే..వివాహం, సొంతిల్లు ఏర్పాటు వంటి దీర్ఘకాలిక లక్ష్యాలకు మీరే డబ్బు సమకూర్చుకోవచ్చు.
ఇంటర్నెట్ డెస్క్: యువత సాధారణంగా 20-30 ఏళ్ల మధ్యలో మొదటి జీతం అందుకుంటుంటారు. ఉద్యోగంలో చేరిన కొత్తల్లో ఆర్థిక ప్రణాళిక, పొదుపు, పెట్టుబడుల గురించి పెద్దగా ఆలోచించరు. కొందరు ఎలక్ట్రానిక్ వస్తువులు, బైక్/కారు వంటి వాటిని కొనుగోలు చేసేందుకు ప్రాధాన్యత ఇస్తే.. మరికొందరు స్నేహితులతో కలిసి విందు, వినోదాల కోసం ఖర్చు చేస్తుంటారు. సంతోషం కోసం ఖర్చు చేయడంలో తప్పు లేదు.. కానీ, కష్టపడి సంపాదించిన ప్రతి రూపాయినీ ఖర్చు చేసే ముందు ఆలోచించాలి.
సంపాదన ప్రారంభమైనప్పుడు బాధ్యతలు తక్కువే ఉంటాయి. కానీ, రాబోయే రోజుల్లో అనేక ముఖ్యమైన మైలురాళ్లు దాటాల్సి ఉంటుంది. వీటి కోసం పెద్ద మొత్తంలో డబ్బు అవసరం అవుతుంది. కాబట్టి సంపాదన ప్రారంభమవ్వగానే ఆర్థిక ప్రణాళిక వేసుకోవాలి. క్రమశిక్షణతో పొదుపు చేయడం, పెట్టుబడులు అలవరచుకోవాలి.
బడ్జెట్ వేసుకోండి..
ముందుగా నెలవారీ బడ్జెట్ను తయారు చేయండి. ఇందులో మీ సంపాదన, ఖర్చులు.. అన్నీ దశల వారీగా రాసుకోండి. దీని ద్వారా మీరు ప్రాథమిక అవసరాల కోసం ఖర్చు చేస్తున్నారా? లగ్జరీ కోసం ఖర్చు చేస్తున్నారా? తెలుస్తుంది. సంపాదించిన దాంట్లో నెలవారీగా ఎంత పొదుపు చేస్తున్నారో కూడా తెలుస్తుంది.
బడ్జెట్ను అనుసరించండి..
మీ ప్రతి నెలా సంపాదన నుంచి కనీసం 25% అయినా పొదుపు చేయాలని లక్ష్యంగా పెట్టుకోండి. దానికి తగినట్లుగా బడ్జెట్ వేసి.. దానికే కట్టుబడి ఉండండి. అప్పుడు మీరు అనుకున్న ప్రకారం పొదుపు చేయగలుగుతారు.
ఆదాయం - పొదుపు = ఖర్చులు..
ఈ సూత్రానికి కట్టుబడితే.. ఖర్చులను అదుపు చేసుకోవడం సులభం అవుతంది. తక్కువ సంపాదన ఉన్నా, దీర్ఘకాలంలో ఎక్కువ మొత్తాన్ని కూడబెట్టగలుగుతారు. ఉదాహరణకు మీరు నెలకు రూ.30 వేలు సంపాదిస్తున్నారు. అందులో మీరు ప్రతినెలా రూ.10 వేలు పొదుపు చేయాలనుకున్నారు అనుకోండి. ఈ మొత్తాన్ని పక్కన పెట్టి మిగిలిన రూ.20 వేలల్లోనే అన్ని ఖర్చులను సర్దుబాటు చేసుకోవాలి. ఈ రూ.10 వేలు పెట్టుబడులకు కేటాయించాలి. ప్రతి నెలా రూ.10 వేలు మదుపు చేస్తే 12% రాబడి అంచనాతో 20 ఏళ్లలో సుమారుగా రూ.1 కోటి కూడబెట్టగలుగుతారు.
పొదుపు శాతం తగ్గనీయకండి..
ప్రస్తుతం మీ జీతం రూ.30 వేలలో మీరు రూ.10 వేలు పొదుపు చేస్తున్నారు అనుకుందాం. రెండు, మూడేళ్లకు మీ జీతం రూ.50 వేలకు చేరిన తర్వాత కూడా అదే రూ.10 వేలు పొదుపు చేయడం సరికాదు. రూ.30 వేలలో దాదాపు 30% పొదుపు చేస్తున్నారు కాబట్టి, రూ.50 వేలలో కూడా 30%, అంటే రూ.15 వేలకు తగ్గకుండా పొదుపు చేయాలి.
సమయానికి చెల్లించండి..
మీ ఖర్చులకు సంబంధించి అన్ని బిల్లులు సమయానికి చెల్లించండి. అప్పుడే ఆలస్యపు రుసుముల నుంచి దూరంగా ఉండగలుగుతారు. చెల్లింపుల విషయంలో ఆలసత్వం, వాయిదాలు వేయడం వంటివి వద్దు.
పెట్టుబడులు మొదలుపెట్టండి..
ప్రతి నెలా పొదుపు చేసిన మొత్తాన్ని, కాలక్రమంలో విలువను పెంచే పెట్టుబడుల్లో మదుపు చేయండి.
కాంపౌండింగ్తో సమర్థంగా..
క్రమశిక్షణతో దీర్ఘకాలం పాటు మదుపు చేస్తే, తక్కువ మొత్తం మదుపు చేసినా కాంపౌండింగ్ ప్రభావంతో ఎక్కువ మొత్తంలో నిధిని సమకూర్చుకోవచ్చు. కాబట్టి, త్వరగా పెట్టుబడులను ప్రారంభించండి.
మీ రక్షణ కోసం..
జీవిత, ఆరోగ్య బీమాలను తీసుకోవడం ద్వారా ఊహించని ప్రమాదాల బారిన పడినా, ఆర్థికంగా మీకు మీరే రక్షణ కల్పించుకోవచ్చు. మీతో పాటు కుటుంబ సభ్యులకు భద్రత కల్పించవచ్చు.
అత్యవసర నిధి ఏర్పాటు..
పెట్టుబడులు చేస్తూనే, ఊహించని ఖర్చుల కోసం అత్యవసర నిధిని ఏర్పాటు చేసుకోండి. ఉద్యోగంలో వృద్ధి కోసం యువత తరచూ సంస్థలు మారుతూ ఉంటారు. ఈ క్రమంలో రెండు, మూడు నెలలు ఉద్యోగం లేకపోయినా.. మీ ఖర్చులు, పెట్టుబడులకు ఆటంకం కలుగకుండా ఈ నిధి మీకు సహాయపడుతుంది.
మంచి క్రెడిట్ స్కోరు..
సంపాదన మొదలవ్వగానే సంస్థలు క్రెడిట్ కార్డులను ఆఫర్ చేస్తున్నాయి. వీటిని సమర్థంగా వినియోగించుకుంటూ మంచి క్రెడిట్ స్కోరును నిర్మించుకునే ప్రయత్నం చేయండి. ఎడ్యుకేషన్ లోన్ ఉన్నవారు సమయానికి చెల్లింపులు చేయడం ద్వారా మంచి క్రెడిట్ స్కోరు సాధించవచ్చు. మంచి క్రెడిట్ స్కోరు ఉంటే భవిష్యత్లో తక్కువ వడ్డీకే, త్వరితగతిన రుణాలు పొందే అవకాశం ఉంటుంది.
ఈక్విటీలను ఎంచుకోవచ్చు..
పెట్టుబడుల విషయంలో యువతకు వయసు కలిసొచ్చే అంశం. తక్కువ వయసు కారణంగా అధిక రిస్క్ తీసుకునే శక్తి ఉంటుంది. కాబట్టి, పెట్టుబడుల్లో ఎక్కువ భాగం ఈక్విటీలకు కేటాయించవచ్చు. ముందుగా ఇండెక్స్ ఫండ్స్తో ప్రారంభించండి. కాలక్రమేణా మిడ్క్యాప్ ఫండ్లను ఫోర్ట్ఫోలియోకు జోడించవచ్చు. సిప్ ద్వారా పెట్టుబడులు పెడుతుంటే పొదుపు, పెట్టుబడులు అలవాటుగా మారతాయి. జీవితంలో కీలక దశలకు చేరుకన్నప్పుడు ఈ మొత్తం మీకు సహాయపడుతుంది. మీ లక్ష్యం 3 ఏళ్ల దూరంలో ఉన్నప్పుడు డెట్ ఫండ్లకు మారేందుకు ప్రయత్నించవచ్చు. అత్యవసర నిధి కోసం మాత్రమే బ్యాంక్ ఖాతాలో నిధులను ఉంచొచ్చు. దీర్ఘకాల లక్ష్యాల కోసం కాదు.
చివరిగా..
మొదటి జీతం అందుకున్న నాటి నుంచే క్రమశిక్షణతో పొదుపు, పెట్టుబడులు చేస్తే.. మీ సంపాదనతోనే వివాహం, సొంత ఇల్లు వంటి వాటికి నిధులను సమకూర్చుకోవచ్చు. తల్లిదండ్రులపై ఆధారపడనవసరం ఉండదు. అలాగే, మలి వయసులో పిల్లల మీద ఆధారపడకుండా నిధిని సమకూర్చుకోవచ్చు. అందువల్ల, పెట్టుబడులను వాయిదా వేయకుండా నేడే ప్రారంభించండి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది. -
టర్మ్ బీమా ప్రీమియంలు ఎంతెంత?
చిన్న వయసులోనే జీవిత బీమా తీసుకుంటే ప్రీమియం తక్కువగా ఉంటుంది. వివిధ బీమా సంస్థలు వసూలు చేసే ప్రీమియంలు ఎంతెంతున్నాయో ఇక్కడ చూడండి.
తాజా వార్తలు (Latest News)
-
ట్రావిస్ హెడ్ బలహీనతను పట్టిన బెంగళూరు..!
-
విజయ్ మాల్యా అటుగా వస్తే మాకు అప్పగించండి: ఫ్రాన్స్కు భారత్ విజ్ఞప్తి
-
‘ఫ్రీజింగ్ ఎగ్స్’ విధానం మంచిదే: మృణాల్ ఠాకూర్ ఆసక్తికర వ్యాఖ్యలు
-
100% వీవీప్యాట్ స్లిప్ల లెక్కింపు కుదరదు: పిటిషన్లు కొట్టేసిన సుప్రీం
-
17 వేల ఐసీఐసీఐ క్రెడిట్ కార్డులు బ్లాక్.. కారణమిదే!
-
అప్పుడు పరుగులు చేసింది కోహ్లీ ఒక్కడే: డుప్లెసిస్