మంచి నీళ్లు మహాప్రభో..

తాగునీటి కోసం చేతిపంపు వద్ద నిరసన తెలుపుతున్న గ్రామస్థులు

పెంబి, న్యూస్‌టుడే: మండలంలోని దోందారి పంచాయతీ పరిధిలోని చాకిరేవు గ్రామంలో తాగునీటి సమస్యను పరిష్కరించాలని టీఏజీఎస్‌ ఆధ్వర్యంలో సోమవారం నిరసన వ్యక్తం చేశారు. గ్రామంలో 18 కుటుంబాలు ఉండగా ఒక్కటే చేతిపంపు ఉందని, వేసవి కారణంగా భూగర్భ జలాలు అడుగంటిపోవడంతో ఆ చేతిపంపులో సైతం నీరు లేక వాగు, చెలిమెల నీరే తాగుతున్నామని అన్నారు. వేసవి దృష్ట్యా అధికారులు, పాలకులు స్పందించి మిషన్‌ భగీరథ పైప్‌లైన్‌ ఏర్పాటు చేసి తాగునీటి సమస్యను పరిష్కరించాలని డిమాండ్‌ చేశారు. టీఏజీఎస్‌ మండలాధ్యక్షుడు తురం దుత్తు, లింబారావు తదితరులు పాల్గొన్నారు.