Animal: అక్కడ ‘బాహుబలి-2’ రికార్డు బ్రేక్‌ చేసిన ‘యానిమల్‌’

ఇంటర్నెట్‌ డెస్క్‌: సందీప్‌ రెడ్డి వంగా దర్శకత్వంలో రణ్‌బీర్‌ కపూర్‌ (Ranbir Kapoor) హీరోగా తెరకెక్కిన సినిమా ‘యానిమల్‌’. డిసెంబర్‌ 1వ తేదీన ప్రేక్షకుల ముందుకు వచ్చిన ఈ చిత్రం రణ్‌బీర్‌ కెరీర్‌లోనే బిగ్గెస్ట్‌ హిట్‌గా నిలిచింది. మంచి వసూళ్లను సాధిస్తూ రికార్డులను సృష్టిస్తోంది. తాజాగా ‘బాహుబలి-2’(Baahubali 2) రికార్డును ఇది బ్రేక్‌ చేసింది.

‘యానిమల్‌’ను ప్రపంచవ్యాప్తంగా విడుదల చేసిన సంగతి తెలిసిందే. ఓవర్సీస్‌లో ఈ చిత్రాన్ని 633 థియేటర్లలో రిలీజ్‌ చేశారు. అక్కడ నాలుగు రోజుల్లోనే ఏకంగా ఏడు లక్షల డాలర్లకు పైగా ఈ చిత్రం రాబట్టింది. దీంతో వసూళ్లలో ‘బాహుబలి-2’ రికార్డును అధిగమించింది. రాజమౌళి దర్శకత్వంలో తెరకెక్కిన ‘బాహుబలి-2’ అక్కడ ఐదు లక్షల డాలర్లు వసూళ్లు చేసింది. ఆ రికార్డును సందీప్ వంగా ‘యానిమల్‌’ కేవలం నాలుగు రోజుల్లోనే అధిగమించడం విశేషం. ఇక ఈ ఏడాది ఓవర్సీస్‌లో ఏడు లక్షల డాలర్ల కలెక్షన్స్‌ సాధించిన ఐదో భారతీయ చిత్రంగా ‘యానిమల్‌’ నిలిచింది.

‘డంకీ’ ట్రైలర్‌ రిలీజ్‌.. అర్థం వెతుకుతున్న నెటిజన్లు..

ఇక ‘యానిమల్‌’ ఇప్పటి వరకు మొత్తం రూ.425కోట్ల (గ్రాస్‌) వసూళ్లు చేసినట్లు చిత్రబృందం తెలిపింది. ఈ కలెక్షన్స్‌ ఇలానే కొనసాగితే మరో రెండు రోజుల్లో రూ.500కోట్లు సాధించడం ఖాయమని సినీ విశ్లేషకులు అభిప్రాయ పడుతున్నారు. తండ్రీ కొడుకుల సెంటిమెంట్‌తో తెరకెక్కిన ఈ సినిమాలో రణ్‌బీర్‌ సరసన రష్మిక నటించగా బాబీ దేవోల్ విలన్‌ పాత్రలో కనిపించి ఆకట్టుకున్నారు.