ITR filing: కంపెనీల ఐటీఆర్‌ ఫైలింగ్‌ డెడ్‌లైన్‌ పొడిగింపు

దిల్లీ: గత (2021-22) ఆర్థిక సంవత్సరానికి గానూ కంపెనీలకు సంబంధించిన ఐటీఆర్‌ దాఖలు గడువును కేంద్ర ఆర్థిక శాఖ పొడిగించింది. అక్టోబర్‌ 31తో గడువు ముగియనుండగా.. నవంబర్‌ 7 వరకు గడువు పొడిగిస్తున్నట్లు ప్రత్యక్ష పన్నుల బోర్డు (CBDT) నోటిఫికేషన్‌ విడుదల చేసింది. ఆడిట్‌ రిపోర్టులు సమర్పించడానికి ఉన్న డెడ్‌లైన్‌ను సైతం గత నెలలో 7 రోజుల పాటు సీబీడీటీ పొడిగించింది. వ్యక్తిగత పన్ను చెల్లింపుదారులు తమ ఐటీఆర్‌లు సమర్పించడానికి జులై 31తో గడువు ముగిసిన సంగతి తెలిసిందే. గడువు పొడిగించాలని పన్ను చెల్లింపుదారుల నుంచి వినతులు వచ్చినప్పటికీ గడువును పొడిగించకపోవడం తెలిసిందే.