బీపీసీఎల్‌ ఆదాయం రూ.1.33 లక్షల కోట్లు

దిల్లీ: భారత్‌ పెట్రోలియం కార్పొరేషన్‌ లిమిటెడ్‌ (బీపీసీఎల్‌) డిసెంబరు త్రైమాసికంలో రూ.1,747.01 కోట్ల నికర లాభాన్ని నమోదు చేసింది. 2021-22 కాల లాభం రూ.2,758.89 కోట్లతో పోలిస్తే ఇది 36.67% తక్కువ. ఆదాయం రూ.1,17,497.69 కోట్ల నుంచి 13.48% పెరిగి రూ.1,33,347.51 కోట్లకు చేరింది. 2022 డిసెంబరు 31తో ముగిసిన 9 నెలల కాలానికి కంపెనీ విక్రయాలు 36.01 మిలియన్‌ మెట్రిక్‌ టన్నులకు చేరాయి. ఏడాది క్రితం ఇదే సమయంలో ఇవి 30.69 మి.మె.టన్నులే. విమాన ఇంధన అమ్మకాలు 71.77%, హెచ్‌ఎస్‌డీ-రిటైల్‌ 28.50% శాతం, ఎంఎస్‌-రిటైల్‌ విక్రయాలు 19.97% పెరగడమే దీనికి కారణమని బీపీసీఎల్‌ పేర్కొంది. 9 నెలలకు సరాసరి స్థూల రిఫైనింగ్‌ మార్జిన్‌ (జీఆర్‌ఎం) బ్యారెల్‌కు 20.08 డాలర్లుగా నమోదైంది. ఏడాది క్రితం ఇదే సమయంలో ఇది 6.98 డాలర్లు మాత్రమే.