మ్యూచువల్ ఫండ్లు లక్ష్య సాధనకు తోడుగా
జీవితంలో మనకు ఎన్నో ఆర్థిక లక్ష్యాలుంటాయి. ముఖ్యంగా పిల్లల ఉన్నత చదువులు, పదవీ విరమణ ప్రణాళికలు ఇందులో కీలకం. వీటికి కావాల్సిన నిధులు సాధించాలంటే.. పెట్టుబడులు ఒక్కటే మార్గం.
జీవితంలో మనకు ఎన్నో ఆర్థిక లక్ష్యాలుంటాయి. ముఖ్యంగా పిల్లల ఉన్నత చదువులు, పదవీ విరమణ ప్రణాళికలు ఇందులో కీలకం. వీటికి కావాల్సిన నిధులు సాధించాలంటే.. పెట్టుబడులు ఒక్కటే మార్గం. ఈ ప్రత్యేక అవసరాలను దృష్టిలో పెట్టుకొని మ్యూచువల్ ఫండ్లలో ఇప్పుడు సరికొత్త విభాగాలూ అందుబాటులోకి వచ్చాయి. వీటిని ఎలా ఎంపిక చేసుకోవాలి? ప్రయోజనాలేమిటో తెలుసుకుందాం.
మార్కెట్ నియంత్రణ సంస్థ సెక్యూరిటీస్ అండ్ ఎక్స్ఛేంజ్ బోర్డ్ ఆఫ్ ఇండియా (సెబీ) మ్యూచువల్ ఫండ్లలో ప్రత్యేకంగా కొన్ని విభాగాలను అందుబాటులోకి తెచ్చింది. వీటిని సొల్యూషన్-ఓరియెంటెడ్ ఫండ్లుగానూ పిలుస్తారు. పదవీ విరమణ, పిల్లల భవిష్యత్ అవసరాలూ ఈ రెండు ప్రధాన ఆర్థిక లక్ష్యాలపై దృష్టి పెట్టి, దీర్ఘకాలిక పెట్టుబడులకు ఉపకరించేలా వీటి నిబంధనలను రూపొందించింది. సెబీ వర్గీకరణ ప్రకారం ప్రస్తుతం రెండు రకాల సొల్యూషన్-ఓరియెంటెడ్ ఫండ్లు మాత్రమే ఉన్నాయి.
దీర్ఘకాలం కొనసాగేలా...
ఈ రెండు రకాల ఫండ్లకూ కొన్ని ప్రత్యేక లక్షణాలు ఉంటాయి.
- అయిదేళ్ల వరకూ: ఈ పథకాల్లో పెట్టిన పెట్టుబడిని కనీసం అయిదేళ్లపాటు కొనసాగించాల్సి ఉంటుంది. ఈ పథకాల పెట్టుబడి లక్ష్యానికి అనుగుణంగా దీర్ఘకాలం కొనసాగించాలనే ఆలోచనే ఇందుకు కారణం. అకారణంగా మధ్యలోనే పెట్టుబడులను ఉపసంహరించకుండా ఇది అడ్డుకుంటుంది. ఎక్కువ కాలం కొనసాగినప్పుడు నష్టాలు పరిమితమై, లాభాలు ఆర్జించేందుకు వీలవుతుంది.
- ఈక్విటీ, డెట్ పెట్టుబడుల మిశ్రమంతో ఈ పథకాలు అందుబాటులో ఉంటాయి. పదవీ విరమణకు చాలా ఏళ్ల వ్యవధి ఉన్న వారు ఈక్విటీ పెట్టుబడులను ఎంచుకోవచ్చు. దీనివల్ల పెట్టుబడి వృద్ధికి అవకాశం లభిస్తుంది. డబ్బుకు నష్టభయం తక్కువగా ఉండాలని కోరుకునే వారు డెట్ పథకాలను ఎంచుకోవచ్చు. పిల్లల కోసం మదుపు చేసేటప్పుడు వ్యవధిని బట్టి, ఫండ్లను పరిశీలించాలి. కనీసం ఏడేళ్ల తర్వాత అవసరం ఉంటేనే ఈక్విటీల వైపు మొగ్గు చూపాలి.
పదవీ విరమణ కోసం..
పదవీ విరమణ కోసం ప్రత్యేకించిన పథకాలు ఈక్విటీ, డెట్ విభాగాల్లో మదుపు చేస్తాయి. పెట్టుబడిదారుడికి పదవీ విరమణ వయసు దగ్గరకు వస్తున్నప్పుడు ఈక్విటీ పెట్టుబడులను క్రమంగా తగ్గించుకుంటూ డెట్ పథకాలకు మళ్లిస్తాయి. అస్థిరతను తగ్గించడమే దీని ప్రధాన లక్ష్యం. పెట్టుబడికీ, ఆర్జించిన లాభాలకూ నష్టం రాకుండా ఇది కాపాడుతుందన్నమాట.
రిటైర్మెంట్ ఫండ్లలో పెట్టుబడి పెట్టినప్పుడు మదుపరులు దీర్ఘకాలంపాటు క్రమశిక్షణతో వాటిని కొనసాగించాలి. దీనికోసం క్రమానుగత పెట్టుబడి విధానాన్ని పాటించాలి.
పిల్లల భవితకు...
పెరుగుతున్న చదువుల ఖర్చులకు అనుగుణంగా పిల్లల కోసం పెట్టుబడి ప్రణాళికలను రూపొందించుకోవాలి. ఈక్విటీల్లో కాస్త నష్టభయం ఉన్నప్పటికీ, వృద్ధికి అవకాశం ఉంటుంది. పిల్లల వయసు, లక్ష్య సాధనకు ఉన్న వ్యవధి ఆధారంగా ఏ విభాగాన్ని ఎంచుకోవాలన్నది నిర్ణయించుకోవాల్సి ఉంటుంది. పెట్టుబడి ప్రారంభించి అయిదేళ్లు లేదా పిల్లలకు 18 ఏళ్లు వచ్చే వరకూ.. ఇందులో ఏది ముందయితే అప్పటి వరకూ లాకిన్ వ్యవధి ఉంటుంది. పిల్లల చదువులకు ఉపయోగపడే పెట్టుబడులను అకారణంగా వెనక్కి తీసుకోకుండా ఈ ఏర్పాటన్నమాట.
వేటిని ఎంచుకోవాలి?
మీ ప్రస్తుత ఆర్థిక పరిస్థితి, బాధ్యతలు, లక్ష్యాలకు ఆధారంగా మీరు ఏ తరహా ఫండ్లలో మదుపు చేయాలన్నది నిర్ణయించుకోవాలి. అవసరమైతే ఆర్థిక నిపుణులను సంప్రదించి, తగిన సలహా తీసుకోవాలి. పెట్టుబడి పెట్టిన తర్వాత వాటిని క్రమం తప్పకుండా సమీక్షిస్తుండాలి. అవసరమైన మార్పులు చేర్పులు చేయాలి. అప్పుడే అవి మీ ఆర్థిక లక్ష్యాల సాధనకు తోడుగా ఉంటాయి.
డీపీ సింగ్, డిప్యూటీ మేనేజింగ్ డైరెక్టర్, ఎస్బీఐ మ్యూచువల్ ఫండ్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా.. ఏ వయసులోనైతే మేలు..?
ఒక వ్యక్తి యుక్త వయసులోనే ఆరోగ్య బీమా పాలసీ తీసుకోవడం వల్ల ప్రీమియం తగ్గింపు సహా అనేక ప్రయోజనాలుంటాయి. అవేంటో తెలుసుకోండి.. -
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది.