Flipkart: బిగ్‌ బిలియన్‌ సేల్‌లో నథింగ్‌, పిక్సెల్‌ ఫోన్లపై భారీ డిస్కౌంట్‌

Flipkart Big Billion Days | ఇంటర్నెట్‌ డెస్క్‌: ప్రముఖ ఇ-కామర్స్‌ సంస్థ ఫ్లిప్‌కార్ట్ (Flipkart), అమెజాన్‌ (Amazon) ఏటా నిర్వహించే బిగ్‌ సేల్‌కు సిద్ధమవుతున్నాయి. ఫ్లిప్‌కార్ట్‌ బిగ్‌ బిలియన్‌ డేస్‌ సేల్‌కు రెడీ అవుతుండగా.. అమెజాన్‌ సైతం గ్రేట్‌ ఇండియన్‌ సేల్‌ నిర్వహించనుంది. త్వరలో వీటి తేదీలు వెల్లడికానున్నాయి. అక్టోబర్‌ మొదటివారంలోనే ఫ్లిప్‌కార్ట్ సేల్‌ ఉండొచ్చని తెలుస్తోంది. ఈ నేపథ్యంలో నథింగ్‌ ఫోన్‌ (1), గూగుల్‌ పిక్సెల్‌ 7 ఫోన్లపై డిస్కౌంట్లు రివీల్‌ అయ్యాయి.

నథింగ్‌ ఫోన్‌ (1) ఫోన్‌ (Nothing Phone 1) కొనాలని చాలా మందికి ఉన్నప్పటికీ.. ధర ఎక్కువగా ఉన్న కారణంగా చాలా మంది జోలికెళ్లలేదు. ఇప్పుడు ఆ ఫోన్‌ రూ.25 వేల్లోపే బిగ్‌ బిలియన్‌ డేస్‌ సేల్‌లో (Big Billion Days) లభించనుంది. ప్రస్తుతం నథింగ్‌ ఫోన్‌ (1) 8జీబీ+128జీబీ వేరియంట్‌ ధర ఫ్లిప్‌కార్ట్‌లో రూ.26,999గా ఉంది. బిగ్‌ బిలియన్‌ డేస్‌ సేల్‌లో ఐసీఐసీఐ బ్యాంక్‌ క్రెడిట్‌ కార్డుతో కొనుగోలుపై రూ.3వేలు డిస్కౌంట్‌ లభించనుంది. అంటే రూ.23,999కే ఈ ఫోన్‌ను కొనుగోలు చేయొచ్చు.

బైజూస్‌లో భారీ ఉద్యోగాల కోత!

ఇక బిగ్‌ బిలియన్‌ డేస్‌లో గూగుల్‌ గతేడాది విడుదల చేసిన గూగుల్‌ పిక్సెల్‌ 7 (Google Pixel 7). త్వరలో గూగుల్‌ 8 గ్లోబల్‌గా లాంచ్‌ అవుతోంది. ఈ నేపథ్యంలో త్వరలో జరిగే బిగ్‌ బిలియన్‌ సేల్‌లో ఈ ఫోన్‌ రూ.36,499కే లభించనుంది. ప్రస్తుతం గూగుల్‌ పిక్సెల్‌ 7 ధర రూ.41,999గా కుంది. ఐసీఐసీఐ కార్డుతో కొనుగోలుపై రూ.3వేలు డిస్కౌంట్‌ అందిస్తోంది. అదనంగా పాత స్మార్ట్‌ఫోన్ ఎక్స్ఛేంజీపై రూ.2500 అదనపు బోనస్‌ ఇస్తున్నారు. దీంతో ఈ ఫోన్‌ ధర రూ.36,499కే లభించనుంది. మరికొన్ని రోజుల్లో ఇతర స్మార్ట్‌ ఫోన్లపై ఆఫర్లు కూడా రివీల్‌ కానున్నాయి.