Credit Cards: మొదటిసారి క్రెడిట్ కార్డు పొందడం ఎలా? ఏమేం కావాలి?
చాలా మంది క్రెడిట్ కార్డులను ఉపయోగిస్తున్నారు. బ్యాంకులు కూడా తగిన ఆదాయ రుజువులు ఉన్నవారికి విరివిగానే ఈ కార్డులను మంజూరు చేస్తున్నాయి.
ఇంటర్నెట్ డెస్క్: ఇప్పుడు తగిన ఆదాయం ఉండి బ్యాంకు ఖాతా కలిగిన చాలామంది క్రెడిట్ కార్డును ఉపయోగిస్తున్నారు. పాన్ కార్డు సమాచారంతోనే ఆ వ్యక్తి ఆర్థికపరమైన లావాదేవీలను, స్థితిగతులను అంచనా వేసి.. బ్యాంకులే క్రెడిట్ కార్డులను తీసుకోమని ఖాతాదారులను అభ్యర్థిస్తున్నాయి.
క్రెడిట్ కార్డుతో ఉపయోగం
కార్డును తెలివిగా ఉపయోగించగలిగితే క్రెడిట్ కార్డుతో మీరు డెబిట్ కార్డు కంటే మెరుగైన సౌకర్యాలను పొందొచ్చు. ప్రయాణ బుకింగ్లు, షాపింగ్, క్యాష్ బ్యాక్లు, సినిమా టికెట్లపై తగ్గింపులు, రివార్డు పాయింట్లు, ఈ-కామర్స్ సంస్థల ఆన్లైన్ అమ్మకాలపై అందజేసే ప్రత్యేక డిస్కౌంట్లు లాంటివి ఎన్నో పొందొచ్చు. ఆన్లైన్ షాపింగ్కు, చెల్లింపులకు భౌతిక నగదుతో పనిలేదు. ఆన్లైన్ చెల్లింపుల కార్యకలాపాలకు ఎక్కువ మంది క్రెడిట్ కార్డులే ఉపయోగిస్తున్నారు. అంతేకాకుండా క్రెడిట్ కార్డుల నో-కాస్ట్ ఈఎంఐ వంటి సౌకర్యాలు ఇప్పుడు చాలా మంది వినియోగదారులు ఉపయోగించుకుంటున్నారు. ఇలాంటి ఎన్నో ఉపయోగాలు ఉండడం వల్ల క్రెడిట్ కార్డులు వ్యవస్థీకృత మార్కెట్లో నగదుకు ప్రత్యామ్నాయంగా విస్తృతంగా చలామణీ అవుతున్నాయి.
మొదటిసారి కార్డు పొందడం సులభమేనా?
ముఖ్యంగా మొదటిసారి అనుకూలమైన నిబంధనలు, షరతులతో మంచి క్రెడిట్ పరిమితితో, మెరుగైన కార్డును పొందడం కొంచెం కష్టమే. కార్డు జారీకి అధిక క్రెడిట్ స్కోరు అవసరం. మునుపటి క్రెడిట్ చరిత్ర లేకుండా మంచి క్రెడిట్ స్కోరు ఉండదు. అందుచేత ముందుగా తక్కువ మొత్తంలో ఛార్జీలు ఉండే, తక్కువ ప్రయోజనాలు లభించే కార్డును తీసుకోవడం ఉత్తమం. ఈ కార్డును ఉపయోగిస్తూ గడువు తేదీలోపు బకాయిలు తీరుస్తుంటే ఆటోమేటిక్గా క్రెడిట్ స్కోరు పెరుగుతుంది. ఈ క్రెడిట్ స్కోరుతో మార్కెట్లో అందుబాటులో ఉండే మెరుగైన కార్డును పొందొచ్చు.
మెరుగైన క్రెడిట్ స్కోరుతో ప్రయోజనాలు..
ఒకసారి క్రెడిట్ కార్డు పొందిన తర్వాత గడువు తేదీలోపు చెల్లింపులు ఉంటే.. క్రెడిట్ స్కోరు బాగా మెరుగవుతుంది. దీంతో అదనపు సౌకర్యాలు, ప్రయోజనాలు కలిగిన వేరే క్రెడిట్ కార్డులను కూడా పొందొచ్చు. ఆ తర్వాత యాడ్-ఆన్ కార్డులను కూడా పొందొచ్చు. వ్యక్తిగత రుణాలు లభిస్తాయి. ముఖ్యంగా అతిపెద్ద రుణమైన గృహ రుణాన్ని తక్కువ వడ్డీ రేటుకే పొందవచ్చు.
దరఖాస్తు ఎలా చేయాలి?
మీరు కార్డును పొందాలనుకునే బ్యాంకు సమీప బ్రాంచ్ను సందర్శించి క్రెడిట్ కార్డు ప్రతినిధిని కలిసి మీ ఆదాయం, అవసరాల వివరాలు తెలపండి. బ్యాంకు ప్రతినిధి వివిధ క్రెడిట్ కార్డుల సమాచారం మీకు చెబుతారు. మొదటిసారి కార్డును కావాలనుకునేవారు అందులో తక్కువ వార్షిక ఫీజు (లేదా ఫీజు లేని) గల కార్డును ఎంపిక చేసుకోవడం మంచిది. అవసరమైన పత్రాలు (ముఖ్యంగా బ్యాంకు స్టేట్మెంట్, పాన్)లతో పాటు కార్డు దరఖాస్తు ఫారంను పూర్తిచేసి వారికి సమర్పించండి. దరఖాస్తు, ఇతర పత్రాలతో బ్యాంకు సంతృప్తి చెందితే, కార్డు మంజూరవుతుంది. ఇంకా సులభంగా కార్డును పొందడానికి, మీరు బ్యాంకు వెబ్సైట్ను సందర్శించి, ఆఫర్లో ఉన్న వివిధ క్రెడిట్ కార్డ్ల ఫీచర్లను ఛార్జీలతో పోల్చి, ఆన్లైన్లో దరఖాస్తు చేసుకోవచ్చు.
అర్హతలు
వయసు: ఆన్లైన్, ఆఫ్లైన్ దరఖాస్తు ప్రాసెస్ కోసం అవసరమైన పత్రాలు, అర్హతలు ఒకే విధంగా ఉంటాయి. క్రెడిట్ కార్డుకు అర్హత పొందడానికి దరఖాస్తుదారు వయసు కనీసం 18 ఏళ్లు నిండి ఉండాలి. చాలా సందర్భాల్లో యాడ్-ఆన్ కార్డు పొందడానికి కనీసం 15 ఏళ్లు నిండాలి.
నివాసం: భారత పౌరులు కొత్త క్రెడిట్ కార్డు పొందడానికి అర్హులు. ప్రవాస భారతీయులు (ఎన్నారైలు) నిర్దిష్ట క్రెడిట్ కార్డుల కోసం దరఖాస్తు చేసుకోవడానికి అనుమతి ఉంటుంది.
ఆదాయం: దరఖాస్తుదారుడు స్థిరమైన ఆదాయాన్ని కలిగి ఉండాలి. అది జీతం లేదా వృత్తిపరమైన ఆదాయం కావచ్చు. క్రెడిట్ కార్డు జారీ సంస్థలు కనీసం రూ.2 లక్షల వార్షిక ఆదాయాన్ని ఆశిస్తున్నాయి. కార్డు కేటగిరీని బట్టి ఆదాయాన్ని లెక్కలోకి తీసుకుంటారు. అయితే, ఆదాయన్ని బట్టి కార్డు మంజూరు అనేది క్రెడిట్ కార్డు జారీ సంస్థలపై ఆధారపడి ఉంటుంది. క్రెడిట్ స్కోరు లేనివారికి, క్రెడిట్ కార్డును జారీ చేయడానికి వారి ప్రస్తుత ఆదాయ స్థాయిని పరిగణనలోకి తీసుకుంటారు.
గుర్తింపు రుజువు: పాస్పోర్ట్, పాన్ కార్డు, ఓటర్ ఐడీ, ఆధార్ కార్డు, డ్రైవింగ్ లైసెన్స్.. ఏదైనా ఒక పత్రాన్ని గుర్తింపు రుజువుగా సమర్పించొచ్చు.
చిరునామా రుజువు: పాస్పోర్ట్, ఓటరు ఐడీ, ఆధార్ కార్డు, డ్రైవింగ్ లైసెన్స్, రేషన్ కార్డు, ఆస్తి పత్రాలు, లీజు/అద్దె ఒప్పందం, గత 3 నెలల యుటిలిటీ బిల్లులు.. ఏదో ఒకటి సమర్పించాలి.
ఆదాయ రుజువు: ఆదాయపు పన్ను రిటర్న్స్, గత 3 నెలల జీతం స్లిప్లు, ఉద్యోగ నియామక పత్రం అవసరం పడతాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఉత్పత్తి రంగంలో మదుపు
దేశీయ వినియోగం, ఎగుమతులు పెరుగుతున్న నేపథ్యంలో మన దేశంలో ఉత్పత్తి రంగం గతంలో ఎన్నడూ లేనంత అధిక వృద్ధిని నమోదు చేయబోతోంది. -
ప్రయాణంలో తోడుగా..
ప్రయాణాలు చేసే వారికి ఉపయోగపడేలా ఎస్బీఐ కార్డ్ కొత్త క్రెడిట్ కార్డును తీసుకొచ్చింది. ఎస్బీఐ కార్డ్ మైల్స్ ఎలైట్, ఎస్బీఐ కార్డ్ మైల్స్ ప్రైమ్, ఎస్బీఐ కార్డ్ మైల్స్ పేర్లతో మూడు రకాలుగా అందిస్తోంది. -
ఐసీఐసీఐ, యెస్ బ్యాంక్లో మే 1 నుంచి కొత్త సర్వీస్ ఛార్జీలు!
Bank charges: సేవింగ్స్ ఖాతాకు సంబంధించిన పలు సేవలపై విధించే ఛార్జీలను ఐసీఐసీఐ, యెస్ బ్యాంకులు సవరించాయి. మే 1 నుంచి ఇవి అమల్లోకి రానున్నాయి. -
ఆర్డీలపై వివిధ బ్యాంకులు ఆఫర్ చేసే వడ్డీ రేట్లు ఇవే..
దేశంలో దాదాపు అన్ని బ్యాంకులు రికరింగ్ డిపాజిట్ అందిస్తున్నాయి. ఈ ఆర్డీలపై వివిధ బ్యాంకుల్లో వడ్డీ రేట్లు ఎంతెంత ఉన్నాయో ఇక్కడ చూడండి. -
వాలెట్ డబ్బుతోనూ యూపీఐ చెల్లింపులు
రోజువారీ జీవితంలో యూపీఐ (యూనిఫైడ్ పేమెంట్స్ ఇంటర్ఫేస్) అంతర్భాగంగా మారింది. ఎన్పీసీఐ చొరవతో ఎన్నో సంస్థలు ఇప్పుడు ఈ సేవలను అందిస్తున్నాయి. -
గృహ రుణాలపై బ్యాంకులు వసూలు చేసే వడ్డీ రేట్లు ఇవే..
మెరుగైన క్రెడిట్ స్కోరు ఉన్నవారికి, ఇంటి రుణాలపై వివిధ బ్యాంకులు వసూలు చేసే వడ్డీ రేట్లను ఇక్కడ చూడొచ్చు. -
క్రెడిట్ కార్డు బాధ్యతగా వాడండి
మీ జేబులో ఉన్న క్రెడిట్ కార్డు.. ఒక అద్భుతమైన ఆర్థిక సాధనం. చేతిలో డబ్బు లేకపోయినా కొనుగోళ్లకు ఇబ్బంది లేకుండా ఇది ఉపయోగపడుతుంది. దీన్ని మీరు సరైన మార్గంలో ఉపయోగిస్తే.. అది మీ కోసం ఎన్నో పనులు చేస్తుంది. -
ఎఫ్డీ రేట్లు పెంచిన బజాజ్ ఫైనాన్స్.. వారికి 8.85% వరకు వడ్డీ
బజాజ్ ఫైనాన్స్ ఫిక్స్డ్ డిపాజిట్లపై వడ్డీ రేట్లు పెంచింది. సీనియర్ సిటిజన్లకు గరిష్ఠంగా 8.85 శాతం, సాధారణ పౌరులకు 8.6 శాతం వడ్డీ అందిస్తోంది. -
‘అమృత్ కలశ్’ గడువు మరోసారి పెంపు.. ఎప్పటి వరకంటే?
SBI news: స్టేట్ బ్యాంక్ ఆఫ్ ఇండియా తన ‘అమృత్ కలశ్’ డిపాజిట్ పథకం గడువును మరోమారు పొడిగించింది. -
విదేశీ విద్యా రుణాలు, వివిధ అంశాల గురించి తెలుసుకోండి?
విద్యార్థులు విదేశీ చదువుకు..రుణ సంస్థల నుంచి పొందే ఆర్థిక సహాయంతో పాటు కొన్ని ముఖ్యమైన ఇతర అంశాల గురించి తెలుసుకోవాలి, అవేంటో ఇక్కడ చూడండి. -
రుణాలు.. తొందరగా తీర్చేద్దాం
అవసరానికి అప్పు చేయడం కొన్నిసార్లు తప్పకపోవచ్చు. తీసుకున్న రుణాన్ని తొందరగా తీర్చేయడమే ఆర్థిక క్రమశిక్షణ. వ్యక్తిగత రుణాలు, క్రెడిట్ కార్డులు.. ఇలా సులభంగా రుణం దొరికే మార్గాలున్న రోజుల్లో మన వద్ద లేని డబ్బును ఖర్చు చేసేప్పుడు ఆలోచించాల్సిందే. -
రూపే కార్డు వాడుతున్నారా? యూపీఐ యాప్ ద్వారా ఇక EMIగా మార్చుకోవచ్చు!
రూపే క్రెడిట్ కార్డు వాడుతున్న వారికి కొత్త ఫీచర్లు అందుబాటులోకి రానున్నాయి. యూపీఐ యాప్లో త్వరలో కొన్ని కొత్త ఫీచర్లు పలకరించబోతున్నాయి. -
బ్యాంకుల్లో లేటెస్ట్ ఫిక్స్డ్ డిపాజిట్ వడ్డీ రేట్లు ఇవే!
చాలా ప్రభుత్వ, ప్రైవేట్ రంగ బ్యాంకులు ఫిక్స్డ్ డిపాజిట్లపై ఆకర్షణీయమైన వడ్డీ రేట్లను అందజేస్తున్నాయి. -
డెబిట్ కార్డు ఛార్జీలను పెంచిన ఎస్బీఐ
డెబిట్ కార్డులపై నిర్వహణ ఛార్జీలను ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా (ఎస్బీఐ) సవరించింది. కొత్త ఛార్జీలు ఏప్రిల్ 1 నుంచి అమల్లోకి రానున్నాయి. -
అనధికారిక లావాదేవీలపై యూజర్ల ఆందోళన.. స్పందించిన యాక్సిస్ బ్యాంక్
యాక్సిస్ బ్యాంకు కస్టమర్లు కొందరు తమ క్రెడిట్ కార్డుల్లో అనధికారిక లావాదేవీలు జరుగుతున్నట్లు సామాజిక మాధ్యమాల్లో పోస్టులు పెడుతున్నారు. దీనిపై బ్యాంక్ స్పందించింది. -
Flash Pay: కీ చైన్తో పేమెంట్స్.. ఫెడరల్ బ్యాంక్ నుంచి ఫ్లాష్ పే
Federal Bank flash pay: ఫెడరల్ బ్యాంక్ స్మార్ట్ కీ చైన్ను తీసుకొచ్చింది. కాంటాక్ట్ లెస్ పేమెంట్ల కోసం దీన్ని వినియోగించుకోవచ్చు. -
పిల్లల పేరిట ఎఫ్డీ
పెట్టుబడికి రక్షణ, రాబడికి హామీ ఉన్న పథకాల్లో ఫిక్స్డ్ డిపాజిట్లు (ఎఫ్డీ) ముందుంటాయి. పిల్లల చదువులు, ఇతర అవసరాల కోసం పెట్టుబడి పెట్టాలనుకుంటున్న తల్లిదండ్రులు వీటికి ప్రాధాన్యం ఇస్తుంటారు -
సిబిల్ నివేదికలో తప్పులుంటే
రుణం తీసుకోవాలంటే.. బ్యాంకులు ముందుగా పరిశీలించేది క్రెడిట్ నివేదికనే. ఇందులో ఎలాంటి తప్పులూ దొర్లకుండా మనం జాగ్రత్తలు తీసుకోవాలి. లేకపోతే మనకు అవసరం ఉన్నప్పుడు రుణం కోసం వెళ్తే దరఖాస్తును తిరస్కరించే అవకాశం ఉంది. -
Personal Loans: వ్యక్తిగత రుణాల వడ్డీ రేట్లు ఎలా ఉన్నాయ్?
ప్రస్తుతం అన్ని బ్యాంకులు వ్యక్తిగత రుణాలను అందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఎంతెంతో ఇక్కడ చూద్దాం... -
Home loan: జీరో ప్రాసెసింగ్ ఫీజు.. 8.3% వడ్డీకే హోమ్లోన్
Bank of India home loan offer: బ్యాంక్ ఆఫ్ ఇండియా గృహ రుణాలపై వడ్డీ తగ్గించింది. ప్రాసెసింగ్ ఫీజు సైతం రద్దు చేసింది. మార్చి 31 వరకు ఈ ఆఫర్ ప్రకటించింది. -
ప్రత్యేక ఎఫ్డీలను ప్రారంభించిన నార్త్ ఈస్ట్ స్మాల్ ఫైనాన్స్ బ్యాంక్
నార్త్ ఈస్ట్ స్మాల్ ఫైనాన్స్ బ్యాంకులో ప్రత్యేక ఫిక్స్డ్ డిపాజిట్లపై గరిష్ఠంగా 9.25% వడ్డీ వరకు పొందొచ్చు.
తాజా వార్తలు (Latest News)
-
100% వీవీప్యాట్ స్లిప్ల లెక్కింపు కుదరదు: పిటిషన్లు కొట్టేసిన సుప్రీం
-
17 వేల ఐసీఐసీఐ క్రెడిట్ కార్డులు బ్లాక్.. కారణమిదే!
-
అప్పుడు పరుగులు చేసింది కోహ్లీ ఒక్కడే: డుప్లెసిస్
-
శ్రీశైలంలో వైభవంగా భ్రమరాంబాదేవి కుంభోత్సవం
-
పెళ్లి గౌనును రీమోడల్ చేయించిన సమంత.. ఫొటోలు వైరల్
-
బొగ్గు ఓడను విశాఖ పోర్టుకు మళ్లించండి.. అదానీ గంగవరం పోర్టు యాజమాన్యానికి హైకోర్టు ఆదేశం