Credit Card: క్రెడిట్ కార్డు ఈఎంఐ.. ఇవి చూశాకే!
క్రెడిట్ కార్డుపై రుణం తీసుకుని వాయిదాల్లో చెల్లించవచ్చు. మరి, ఇది ఎంత వరకు ఉపయోగకరమో చూద్దాం.
ఇంటర్నెట్ డెస్క్: గృహోపకరణాల దగ్గర నుంచి దుస్తుల దాకా ఎక్కడ చూసినా భారీ రాయితీలు ఆహ్వానం పలుకుతుంటాయి. సాధారణ స్థాయి కంటే మనల్ని ఎక్కువగా ఖర్చు పెట్టేలా ఆఫర్లు ఊరిస్తుంటాయి. అలాంటప్పుడు మన దగ్గర నగదు లేకపోయినా క్రెడిట్ కార్డు ఉంటే కొనుగోళ్లను పూర్తి చేయొచ్చు. ఒకేసారి బిల్లు చెల్లించే సామర్థ్యం లేనప్పుడు ‘నెలవారీ వాయిదాల’ రూపంలోనూ చెల్లించే వెసులుబాటు ఉంది. ఇలాంటి కొనుగోళ్లను ప్రోత్సహించడానికే క్రెడిట్ కార్డు కంపెనీలు కూడా రకరకాల ఆఫర్లను ప్రవేశ పెడుతుంటాయి. క్యాష్ బ్యాక్, ఈఎంఐ, బై నౌ పే లేటర్ వంటివి ఇందులో భాగమే. వినడానికి బాగానే ఉన్నా.. ఆచరణలో మాత్రం వీటితో కొంత ఇబ్బందే. సౌకర్యం మాటున దాగిన రహస్యాలను తెలుసుకోకుంటే జేబుకు భారం తప్పదు.
సౌకర్యమే! అయినా..
క్రెడిట్ కార్డు మీద భారీ మొత్తంలో కొనుగోలు చేసినప్పుడు వాయిదాల్లో చెల్లించడం ఎంతో సౌలభ్యంగా ఉంటుంది. గృహ రుణం, వ్యక్తిగత రుణం చెల్లించినట్లుగానే ఇదీ ఉంటుంది. తాత్కాలికంగా చేతిలో డబ్బు లేనప్పుడు ఇది కాస్త ఉపశమనం కలిగించే అంశం. ఈఎంఐ సౌకర్యాన్ని క్రెడిట్ కార్డు కంపెనీలు ఎప్పుడు పడితే అప్పుడు ఇవ్వకపోవచ్చు. కొన్ని ప్రత్యేక సందర్భాల్లో లేదా కొన్ని ప్రత్యేక దుకాణాల్లో కొనుగోళ్లు జరిపినప్పుడు మాత్రమే ఈ సౌకర్యం అందించవచ్చు. ఐసీఐసీఐ బ్యాంకు, హెచ్డీఎఫ్సీ బ్యాంక్, సిటీ బ్యాంక్, స్టాండర్డ్ ఛార్టర్డ్ బ్యాంకు లాంటివి ఖాతాదారులను బట్టి 0%, 1.49%, 1.99% వరకూ వడ్డీ విధిస్తాయి. ఇలాంటి రుణాలకు ఎలాంటి పత్రాలూ అవసరం ఉండవు. ఈఎంఐ తీసుకునే ముందు వడ్డీ, ఇతర వివరాల గురించి క్రెడిట్ కార్డు కంపెనీతో చర్చించడం మర్చిపోకండి.
ఎప్పుడు తీసుకోవాలంటే..?
నగదు లభ్యత కష్టకరంగా ఉన్నప్పుడు క్రెడిట్ కార్డు ఈఎంఐ సౌకర్యాన్ని ఎంచుకోవచ్చు. క్రెడిట్ కార్డు బిల్లులు చెల్లించకపోతే అనవసరంగా రుసుములు భరించాల్సి ఉంటుంది. పైగా, బ్యాంకులు 30-40 శాతం వార్షిక వడ్డీ కూడా విధిస్తాయి. సకాలంలో బాకీ చెల్లించకపోతే క్రెడిట్ స్కోరుపై కూడా ప్రభావం పడుతుంది. దీని కన్నా కూడా వాయిదాల పద్ధతిలో చెల్లించడం సులువు.
పరిమితి
ఈఎంఐ చెల్లించినన్ని రోజులూ కార్డు పరిమితిని గరిష్ఠంగా ఉపయోగించుకోలేరు. ఉదాహరణకు మీ కార్డు గరిష్ఠ పరిమితి రూ.50 వేలు అనుకుందాం. రూ.25 వేలను ఈఎంఐ కింద చెల్లించాలని నిర్ణయించుకున్నారు. అప్పుడు, మీ కార్డు మీద రూ.25 వేల వరకే కొనుగోలు చేసే వీలు ఉంటుంది. ఈఎంఐ చెల్లిస్తున్న కొద్దీ పరిమితి కూడా పెరుగుతుంది.
అదనపు రుసుములు
పేరుకు సున్నా శాతం వడ్డీ అయినప్పటికీ డాక్యుమెంటేషన్, ప్రాసెసింగ్ ఫీజు కింద బ్యాంకులు కొంత మొత్తాన్ని వాసులు చేస్తాయి. వ్యవధి తీరక ముందు చెల్లించాలనుకుంటే బాకీ ఉన్న మొత్తంపై 3 శాతం వరకు రుసుము విధిస్తాయి. కాబట్టి, ఈ విషయాన్ని పరిగణనలోకి తీసుకుని అందుబాటులో ఉన్న ఇతర అవకాశాలను చూడడం ఉత్తమం.
రాయితీలు
కొన్ని సందర్భాల్లో క్రెడిట్ కార్డు కొనుగోళ్లపై 5 నుంచి 10 శాతం వరకు రాయితీలు కూడా ప్రకటిస్తుంటారు. ఒక విధంగా ఇది కాష్ బ్యాక్ ఆఫర్ లాంటిదే. పైగా ఈఎంఐగా కూడా మార్చుకోవచ్చు. అయితే, కేవలం వీటిని ఆధారంగా చేసుకునే కొనుగోలు చేయకుండా.. నిజంగా మీకు ఎంత వరకు అవసరం అన్నది చూసుకోండి.
చెల్లించకపోతే?
ఒకసారి ఈఎంఐగా మార్చుకున్న తరువాత కచ్చితంగా నెల నెలా బాకీని చెల్లించాలి. ఒక్కసారి చెల్లించకపోయినా అధిక మొత్తంలో రుసుములు విధిస్తారు. పైగా, మిగిలిన మొత్తాన్ని సాధారణ కార్డు బాకీగా మార్చి మరుసటి నెల బిల్లులో కలిపి పంపిస్తారు.
చివరిగా: క్రెడిట్ కార్డు రెండు వైపులా పదునున్న కత్తి లాంటిదన్న సంగతి ఎప్పుడూ మర్చిపోకూడదు. అత్యవసరం అనుకుంటేనే కార్డును పరిమితికి మించి ఉపయోగించి కొనుగోళ్లు చేయాలి. వాయిదాల్లో కట్టేందుకు అవకాశం ఉంది కదా అని అక్కర్లేనివన్నీ కొంటే.. మన ఆర్ధిక ప్రణాళిక దెబ్బ తింటుందన్న విషయం మర్చిపోకూడదు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది. -
టర్మ్ బీమా ప్రీమియంలు ఎంతెంత?
చిన్న వయసులోనే జీవిత బీమా తీసుకుంటే ప్రీమియం తక్కువగా ఉంటుంది. వివిధ బీమా సంస్థలు వసూలు చేసే ప్రీమియంలు ఎంతెంతున్నాయో ఇక్కడ చూడండి.
తాజా వార్తలు (Latest News)
-
విజయ్ మాల్యా అటుగా వస్తే మాకు అప్పగించండి: ఫ్రాన్స్కు భారత్ విజ్ఞప్తి
-
‘ఫ్రీజింగ్ ఎగ్స్’ విధానం మంచిదే: మృణాల్ ఠాకూర్ ఆసక్తికర వ్యాఖ్యలు
-
100% వీవీప్యాట్ స్లిప్ల లెక్కింపు కుదరదు: పిటిషన్లు కొట్టేసిన సుప్రీం
-
17 వేల ఐసీఐసీఐ క్రెడిట్ కార్డులు బ్లాక్.. కారణమిదే!
-
అప్పుడు పరుగులు చేసింది కోహ్లీ ఒక్కడే: డుప్లెసిస్
-
శ్రీశైలంలో వైభవంగా భ్రమరాంబాదేవి కుంభోత్సవం