Insurance: బీమా పాలసీదారులు ఈ విషయాలు తెలుసుకోవాల్సిందే!
బీమా పాలసీ తీసుకునే వారు కొన్ని విషయాలను విస్మరిస్తుంటారు. పాలసీ తీసుకునేటప్పుడు ఎలాంటి విషయాలు తెలుసుకోవాలో ఇప్పుడు చూద్దాం..
ఇంటర్నెట్ డెస్క్: మన ఆర్థిక ప్రణాళికలో అత్యంత ముఖ్యమైన అంశాల్లో బీమా కూడా ఒకటి. చాలా మంది బీమా తీసుకునే సమయంలో ఏజెంట్లు, ఆఫీస్ సిబ్బంది చెప్పింది వింటారే తప్ప బీమా పత్రాలను పూర్తిగా చదవరు. ఈ పత్రాలు సంక్లిష్టమైన పదజాలంతో, చట్టపరమైన అంశాలతో నిండి ఉంటాయి కాబట్టి చదవడం, అర్థం చేసుకోవడం కష్టమే. అయినప్పటికీ పాలసీదారులు వాటిని చదివి అర్థం చేసుకోవడానికి ప్రయత్నించాలి. లేదా ఇలాంటి విషయాలపై అనుభవం ఉన్నవారి వద్ద సందేహాలను నివృత్తి చేసుకోవాలి. అంతే తప్ప బీమా పత్రాలపై నిర్లక్ష్యం మంచిది కాదు. ఆ పత్రాల్లో ఉండే కీలక సమాచారాన్ని అర్థం చేసుకోకపోవడం వల్ల భవిష్యత్లో క్లెయిం తిరస్కరణకు గురయ్యే అవకాశం ఉంటుంది. దీనివల్ల ఆర్థికంగా ఇబ్బంది పడే ప్రమాదం ఉంది.
వ్యక్తిగత సమాచారం
మీరు అందించిన వ్యక్తిగత సమాచారంపై పాలసీ ఆధారపడి ఉంటుంది. కాబట్టి మీ పాలసీ డాక్యుమెంట్లోని వ్యక్తిగత సమాచారం అంతా కచ్చితంగా ఉందని మీరు నిర్ధారించుకోవాలి. ఇందులో మీ పేరు, చిరునామా, వయసు, విద్య, ఉద్యోగ వివరాలు, వైద్య చరిత్ర మొదలైనవి ఉంటాయి. మీ వివరాలలో ఏదైనా మార్పు జరిగితే దాన్ని కూడా బీమా సంస్థకు తెలియజేయాలి. వ్యక్తిగత సమాచారం తప్పుగా ఉండకూడదు. అలా చేస్తే, క్లెయిం సందర్భంలో బీమా సంస్థ తిరస్కరించే అవకాశముంది.
పాలసీ షెడ్యూల్
బీమా పత్రంలో పాలసీ షెడ్యూల్ను తప్పక తనిఖీ చేయాలి. ఇందులో నామినీ వివరాలు ఉంటాయి. మీరు ప్రీమియంగా చెల్లించాల్సిన మొత్తం, చెల్లింపుల వ్యవధి (నెలవారీ, త్రైమాసిక, అర్ధ-వార్షిక, వార్షిక పద్ధతిలో) ఉంటాయి. ఇంకా హామీ మొత్తం, అంటే పాలసీదారుడు మరణించిన సందర్భంలో చెల్లించాల్సిన మొత్తం కూడా ఉంటుంది. పాలసీ ప్రారంభ తేదీ, మెచ్యూరిటీ తేదీ ఉంటాయి. తప్పులు, మార్పులు ఉంటే నిర్ణీత ఫ్రీ-లుక్ వ్యవధి (30 రోజుల)లోపు బీమా కంపెనీకి తెలియజేసి సరి చేయించాలి. ఫిర్యాదులకు సంబంధించి బీమా అంబుడ్స్మన్ చిరునామా కూడా డాక్యుమెంట్లో ఉంటుంది.
బీమా ఒప్పందం
జీవిత, ఆరోగ్య బీమాలో ముఖ్యమైనది పాలసీ డాక్యుమెంట్. ఇది పాలసీదారుడికి, బీమా కంపెనీ మధ్య ఒప్పందానికి నిదర్శనం. పాలనీ పత్రాన్ని పాలసీదారు పోగొట్టుకున్నట్లయితే అది బీమా ఒప్పందాన్ని ప్రభావితం చేయదు. ఒప్పందంలో ఎలాంటి మార్పులు చేయకుండానే పాలసీదారుడి అభ్యర్థన మేరకు బీమా కంపెనీ డూప్లికేట్ పాలసీ పత్రాన్ని జారీ చేస్తుంది. కంపెనీ మొదటి ప్రీమియం రశీదును జారీ చేసినప్పుడు బీమా పాలసీ యాక్టివ్గా మారుతుంది.
వెయిటింగ్ పీరియడ్
ఆరోగ్య బీమాకు సంబంధించి కొన్ని వ్యాధులకు వెయిటింగ్ పీరియడ్ ఉంటుంది. ఇది బీమా సంస్థను బట్టి మారుతూ ఉంటుంది. కాబట్టి పాలసీ తీసుకునేటప్పుడే ముందస్తు వ్యాధుల కవరేజీ కోసం ఎంత కాలం వేచి ఉండాలి అనేది తెలుసుకోవాలి. సాధ్యమైనంత వరకు తక్కువ వెయిటింగ్ పీరియడ్ ఉన్న బీమా పాలసీని తీసుకోవడం మేలు. ఆరోగ్య బీమా తీసుకునేవారు వెయిటింగ్ పీరియడ్ గురించి తప్పక తెలుసుకోవాలి.
క్లెయిం క్లాజులు
జీవిత బీమా పాలసీ తీసుకున్నప్పుడు మొదటి రెండు సంవత్సరాల వ్యవధిలో క్లెయిం క్లాజులను పరిశీలించాలి. ఇవి కాస్త కఠినంగా ఉంటాయి. బీమా తీసుకునేటప్పుడు తప్పుగా వివరాలను పేర్కొనడం వల్ల బీమా సంస్థలు ఈ వ్యవధిలో చేసిన క్లెయింలను తిరస్కరించవచ్చు. అయితే, 1938 బీమా చట్టం (సెక్షన్ 45) ప్రకారం పాలసీ తీసుకున్న మూడు సంవత్సరాల తర్వాత క్లెయిమ్ తిరస్కరించే అవకాశం ఉండదు.
పాలసీ ల్యాప్స్
ఒకవేళ మీ జీవిత బీమా పాలసీ ప్రీమియం గ్రేస్ పీరియడ్లోపు చెల్లించకపోతే పాలసీ ల్యాప్స్(రద్దు) అవుతుంది. బీమా కంపెనీలు లాప్స్ అయిన పాలసీని పునరుద్ధరించడానికి పాలసీదారులకు 2 ఏళ్ల వ్యవధిని అందిస్తున్నాయి. కొన్ని సమయాల్లో ఈ వ్యవధిని తగ్గించవచ్చు. అందువల్ల మీ పాలసీని ఎలా? ఎప్పుడూ పునరుద్ధరించవచ్చో తనిఖీ చేయడానికి మీ ఆఫర్ డాక్యుమెంట్ను జాగ్రత్తగా చదవండి.
చివరిగా: పాలసీని కొనుగోలు చేయడం, స్వీకరించడం ద్వారా బాధ్యత ముగిసిందని అనుకోకూడదు. ఏ రకమైన బీమా పాలసీ డాక్యుమెంట్నైనా పూర్తిగా చదివి అర్థం చేసుకోవాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమాలో నెట్వర్క్ ఆసుపత్రుల ప్రాధాన్యత ఏమిటి?
ప్రతి ఆరోగ్య బీమా సంస్థ తన పాలసీదారులకు నగదు రహిత చికిత్సనందించడానికి కొన్ని ఆసుపత్రులతో భాగస్వామ్యాన్ని (టై-అప్) కలిగి ఉంటుంది. దీని వల్ల పాలసీదారులకు ప్రయోజనమేంటో ఇక్కడ తెలుసుకుందాం.. -
తీవ్ర వ్యాధుల చికిత్సకు ఆర్థిక భరోసా
అనారోగ్యం ఎప్పుడు ఏ రూపంలో వస్తుందో చెప్పలేం. ఓవైపు పెరుగుతున్న వైద్య చికిత్స ఖర్చులతో కేవలం ఆరోగ్య బీమా పాలసీ ఒక్కటే ఉంటే సరిపోని రోజులివి. -
వేతనంలోఎంత పొదుపు చేయాలంటే
వచ్చిన ఆదాయాన్నంతా ఖర్చు చేస్తే.. భవిష్యత్ లక్ష్యాలను సాధించడం కష్టమవుతుంది. కాబట్టి, పొదుపు, పెట్టుబడులపై దృష్టి పెట్టాల్సిన అవసరం ఉంది. -
ఫిక్స్డ్ డిపాజిట్.. ఈ పత్రాలు ఇచ్చారా?
బ్యాంకులు, బ్యాంకింగేతర ఆర్థిక సంస్థల్లో ఫిక్స్డ్ డిపాజిట్లు ఉన్నాయా? వీటిపై వచ్చే వడ్డీపై మూలం వద్ద పన్ను మినహాయింపు (టీడీఎస్) విధించకుండా ఫారం 15జీ / ఫారం15హెచ్ సమర్పించేందుకు సమయం ఇదే. -
ప్రభుత్వ సంస్థల్లో
ఆదిత్య బిర్లా సన్ లైఫ్ మ్యూచువల్ ఫండ్ కొత్తగా ఒక ఈటీఎఫ్ (ఎక్స్ఛేంజ్ ట్రేడెడ్ ఫండ్) పథకాన్ని తీసుకొచ్చింది. ఆదిత్య బిర్లా సన్ లైఫ్ నిఫ్టీ పీఎస్ఈ ఈటీఎఫ్ అనే ఈ పథకం ఎన్ఎఫ్ఓ ముగింపు తేదీ ఈ నెల 16. కనీస పెట్టుబడి రూ.500. నిఫ్టీ పబ్లిక్ సెక్టార్ ఎంటర్ప్రైజెస్ (పీఎస్) ఇండెక్స్ ఆధారంగా రూపొందించిన ఓపెన్ ఎండెడ్ పథకం ఇది. -
క్రెడిట్ కార్డుల ద్వారా క్యాష్బ్యాక్ ఎలా సంపాదించాలి?
క్యాష్బ్యాక్ క్రెడిట్ కార్డులు మీరు వస్తువులను కొనుగోలు చేయడానికి మీ కార్డు స్వైప్ చేసినప్పుడు కొంత డబ్బును తిరిగి పొందేందుకు ఉపయోగపడతాయి. -
ఒకటి కంటే ఎక్కువ క్రెడిట్ కార్డులున్నాయా? ఈ ప్రయోజనాలు తెలుసా?
Credit cards: సులభంగా క్రెడిట్ కార్డులు జారీ చేస్తుండటంతో చాలా మంది ఒకటి కంటే ఎక్కువ క్రెడిట్ కార్డుల్ని ఉపయోగిస్తున్నారు. వాటిని ఎలా సమర్థంగా వినియోగించాలో తెలుసుకోండిలా.. -
సెక్షన్ 54F.. బంగారం విక్రయించి ఇల్లు కొనుగోలు చేస్తే పన్నుండదు!
Section 54F: వారసత్వంగా వచ్చిన ఆభరణాలను విక్రయించగా వచ్చిన మొత్తాన్ని ఇల్లు కొనుగోలుకు వినియోగిస్తే.. మూలధన లాభాల పన్ను వర్తించదని ఆదాయ పన్ను చట్టం సెక్షన్ 54ఎఫ్ చెబుతోంది. -
ఆరోగ్య బీమా.. ఏ వయసులోనైతే మేలు..?
ఒక వ్యక్తి యుక్త వయసులోనే ఆరోగ్య బీమా పాలసీ తీసుకోవడం వల్ల ప్రీమియం తగ్గింపు సహా అనేక ప్రయోజనాలుంటాయి. అవేంటో తెలుసుకోండి.. -
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు
తాజా వార్తలు (Latest News)
-
మోదీజీ.. ఇకనైనా మౌనం వీడండి: సెక్స్ కుంభకోణంపై కాంగ్రెస్
-
ఎప్పుడూ తెలుపు రంగు ‘టీ-షర్ట్’ ఎందుకు..? రాహుల్ గాంధీ ఏం చెప్పారంటే..
-
హాసన సెక్స్ స్కాం.. ప్రజ్వల్పై బ్లూ కార్నర్ నోటీసు జారీ!
-
‘నీట్ ప్రశ్నపత్రం లీక్’ అంటూ ప్రచారం.. ఎన్టీఏ రియాక్షన్ ఇదే..
-
ఈనాడు.నెట్లో టాప్ 10 వార్తలు @ 9PM
-
పొరుగు దేశాలతో బంధాలు కొన్ని సందర్భాల్లో క్లిష్టమే..: ఎస్ జైశంకర్