Credit Card: ఈ ట్రిక్స్ పాటిస్తే.. క్రెడిట్ కార్డుతో పెట్టుబడులూ పెంచుకోవచ్చు!
Credit Card: క్రెడిట్ కార్డును సరిగా ఉపయోగించుకొని పొదుపును పెంచుకోవచ్చు. ఆ పొదుపును సరిగా మదుపు చేస్తే పెద్ద ఎత్తున సంపదను సృష్టించుకోవచ్చు....
ఇంటర్నెట్ డెస్క్: చాలా మంది క్రెడిట్ కార్డులను ఉపయోగించడం వల్ల తెలియకుండానే ఖర్చులు పెరిగిపోతుంటాయననుకొంటారు. నిజానికి పొదుపును పెంచుకోవడానికి ఇవి సరైన మార్గాన్ని చూపిస్తాయి. ఆ పొదుపును సరిగా మదుపు చేస్తే పెద్ద మొత్తంలో సంపదను సృష్టించుకునే అవకాశం ఉంది.
క్రెడిట్ కార్డుని ఉపయోగించి ప్రతినెలా మీ ఖర్చుల్లో 5 శాతం వరకు ఆదా చేసుకోవచ్చు. ఉదాహరణకు ఏటా షాపింగ్, యుటిలిటీ బిల్స్, భోజనం, విహారయాత్రలు, నిత్యావసర సరకులు, గృహోపకరణాలు, ప్రయాణాలు, ఇంధనం.. ఇలా అన్నింటిపై రూ.6 లక్షల వరకు ఖర్చు చేశారనుకుందాం. ఒకవేళ క్రెడిట్ కార్డును సరిగా వాడుకోగలిగితే ఇందులో రూ.30,000 వరకు ఆదా చేసుకోవచ్చు. అంటే, నెలకు రూ.2,500 పొదుపులోకి మళ్లించొచ్చు. ఇదే పొదుపును సిప్లో వేస్తే వచ్చే ప్రతిఫలం గురించి చెప్పాల్సిన అవసరం లేదు.
ఇలా ప్రారంభించండి..
క్రెడిట్ కార్డుల ద్వారా ఇంత మొత్తం ఆదా చేయడం అంటే తొలుత మీకు కొంత నమ్మశక్యంగా అనిపించకపోవచ్చు. కానీ, మీ ఖర్చులు, వాటిపై లభించిన రాయితీలు లేదా ప్రయోజనాలను గనక రాసిపెట్టుకోగలిగితే క్రెడిట్ కార్డు ప్రయోజనం ఎలాంటిదో అర్థమవుతుంది. నెలాఖరున మీ ఖర్చులు, లభించిన రాయితీలను రాసిపెట్టుకోండి. అలా కొన్ని నెలల పాటు దీన్ని కొనసాగిస్తే మీరు చేస్తున్న ఆదాపై మీకు ఓ స్పష్టత వస్తుంది. కార్డు స్టేట్మెంట్లను తరచూ పరిశీలించడం కూడా మీకు ఉపయోగపడుతుంది. ప్రతి లావాదేవీని పరిశీలించి అందులో మీకు లభించిన ప్రయోజనాన్ని గుర్తించి దాన్ని ఆదా చేసిన ఖాతాలో రాసుకోండి.
ఆదా చేసుకునే మార్గాలు..
రాయితీలు: క్రెడిట్ కార్డుతో కొనుగోలు చేస్తే 5% నుంచి 20% రాయితీ లభించే అవకాశం ఉంది. ఉదాహరణకు ఎస్బీఐ కార్డ్స్ అండ్ పేమెంట్స్ తమ క్రెడిట్ కార్డుతో అమెజాన్ సూపర్ వాల్యూ డేస్ సమయంలో నిత్యావసర సరకుల్ని కొనుగోలు చేస్తే 10 శాతం వరకు రాయితీనిస్తోంది.
రివార్డు పాయింట్లు: ఉదాహరణకు ప్రతి రూ.100 ఖర్చుపై కొన్ని కార్డులో 1 రివార్డు పాయింట్ లభిస్తుంది. ఇలా భారీ ఎత్తున పాయింట్లు పోగైన తర్వాత వాటిని రాయితీగానో, లేక నగదు రూపంలోకి మార్చుకునేందుకు అవకాశం ఉంటుంది.
క్యాష్బ్యాక్స్: అమెజాన్, ఫ్లిప్కార్ట్ వంటి ఆన్లైన్ షాపింగ్తో పాటు ఆఫ్లైన్ స్టోర్లలోనూ క్రెడిట్ కార్డు కొనుగోళ్లపై క్యాష్బ్యాక్లు వస్తుంటాయి. అమెజాన్ ఐసీఐసీఐ బ్యాంక్ కో-బ్రాండెడ్ క్రెడిట్ కార్డుతో కలిసి క్యాష్బ్యాక్లను అందిస్తోంది.
ఏయే ఖర్చులపై ఎలా ఆదా..
నిత్యావసర సరకులు, మెడిసిన్స్, దుస్తులు, భోజనం, సినిమాలు, ఎంటర్టైన్మెంట్, ప్రయాణాలు, టికెట్ బుకింగ్లపై మనం ఎక్కువగా ఖర్చు చేస్తుంటాం. మరి ఈ ఖర్చులకు క్రెడిట్ ఉపయోగిస్తే ఎలా ఆదా చేయొచ్చో పరిశీలిద్దాం...
మెడిసిన్స్: డాక్టర్లు సిఫార్సు చేసిన మందులపై టాటా 1ఎంజీ, నెట్మెడ్స్ వంటి ఆన్లైన్ ఫార్మసీలు, అపోలో, మెడ్ప్లస్ వంటి ఆఫ్లైన్ ఫార్మసీలు 25 శాతం వరకు ప్రత్యక్ష రాయితీనిస్తున్నాయి. టాటా 1ఎంజీ ప్రతి నెలా తొలి వారంలో పేడే సేల్ పేరిట ఔషధాల ధరలపై 20 శాతం వరకు ఆదా చేసుకునేందుకు అవకాశం కల్పిస్తోంది.
నిత్యావసరాలు: ప్రతినెలా తొలివారంలో చేసే నిత్యావసరాల కొనుగోళ్లపై అమెజాన్, బిగ్బాస్కెట్, ఫ్లిప్కార్ట్ వంటి ఆన్లైన్ స్టోర్లు, స్టార్ బజార్, రిలయన్స్ స్మార్ట్ వంటి ఆఫ్లైన్ స్టోర్లు ఎంఆర్పీ ధరలపై రాయితీనిస్తుంటాయి. ఇదే సమయంలో బ్యాంకులు సైతం క్రెడిట్ కార్డుపై 20 శాతం వరకు డిస్కౌంట్లు ప్రకటిస్తుంటాయి. ఉదాహరణకు బిగ్బాస్కెట్ ప్రతి నెలా తొలి వారంలో చేసే నిత్యావసరాల కొనుగోళ్లపై 10 శాతం రాయితీనిస్తోంది. సూపర్ వాల్యూ డేస్ సమయంలో అమెజాన్ నిత్యావసరాలపై 50 శాతం వరకు డిస్కౌంట్ ఇస్తోంది. ఎస్బీఐ, ఐసీఐసీఐ బ్యాంక్ సహా మరికొన్ని ఇతర క్రెడిట్ కార్డులపై అదనంగా మరో 10 శాతం ఆదా చేసుకోవచ్చు. కొన్నిసార్లు అమెజాన్.. అమెజాన్ పే బ్యాలెన్స్ రూపంలో క్యాష్బ్యాక్ కూడా ఆఫర్ చేస్తుంటుంది.
హోంఫుడ్ డెలివరీ: ఇంటికే ఆహారం తెచ్చి ఇచ్చే జొమాటో, స్విగ్గీ వంటి యాప్లను ఉపయోగించుకుంటే ప్రత్యేకంగా రాయితీలు పొందొచ్చు. క్రెడిట్ కార్డులపై ప్రత్యేక డిస్కౌంట్లు అందిస్తుంటారు.
రెస్టారెంట్లు: వారాంతాల్లో చాలా మంది బయట భోజనం చేసేందుకు ఇష్టపడుతుంటారు. డైన్ఔట్, ఈజీడైనర్ వంటి వాటిలో సభ్యత్వం తీసుకొంటే భోజనాలపై చేసే ఖర్చు 50 శాతం వరకు తగ్గించుకునే వెసులుబాటు ఉంది. దీనికి క్రెడిట్ కార్డులు అందజేసే ఆఫర్లను వినియోగించుకుంటే మరింత ఆదా అవుతుంది.
కో-బ్రాండెడ్ క్రెడిట్ కార్డులు: కొన్ని సంస్థలు, బ్యాంకులు కలిసి ఈ కార్డులను అందజేస్తుంటాయి. ఉదాహరణకు అమెజాన్-ఐసీఐసీఐ బ్యాంక్తో కలిసి ఓ ప్రత్యేక క్రెడిట్ కార్డుని అందిస్తోంది. దీనివల్ల అమెజాన్లో చేసే షాపింగ్పై ప్రత్యేక రాయితీ లభిస్తుంది. అలాగే బీపీసీఎల్, ఎస్బీఐ కలిసి బీపీసీఎల్ ఎస్బీఐ క్రెడిట్ కార్డుని అందిస్తున్నాయి. దీంతో ఇంధన కొనుగోళ్లపై ప్రత్యేక రాయితీ లభిస్తుంది.
ఇలా సినిమా టికెట్లు, ప్రయాణ టికెట్లు, హోటల్ బుకింగ్, ఫ్యాషన్ కొనుగోళ్లు, గృహోపకరణాల షాపింగ్, ఎలక్ట్రానిక్ గ్యాడ్జెట్స్ వంటి వాటిపై కూడా క్రెడిట్ కార్డు ఆఫర్లు, రాయితీలు పొందొచ్చు. వాటిపై ఉండే ప్రత్యేక ఆఫర్లకు క్రెడిట్ కార్డును కూడా జత చేసుకుంటే మరింత అదనపు ప్రయోజనం పొందొచ్చు.
ఈ ఆఫర్లన్నింటినీ సక్రమంగా ఉపయోగించుకొని ప్రతినెలా రూ.2,500 వరకు ఆదా చేశారనుకుందాం. దాన్ని మీరు చేసే రూ.2,500 సిప్కు జత చేసి ప్రతినెలా రూ.5,000 గనక మదుపు చేయగలిగితే 30 ఏళ్లలో 12 శాతం రాబడి లెక్కన రూ.కోటికి పైగా సంపదను సృష్టించుకోవచ్చు. ఉదాహరణకు.. రాము, సోము అనే ఇద్దరు వ్యక్తులు ప్రతి నెలా సిప్ చేస్తున్నారనుకుందాం..
పెట్టుబడిలో రూ.2,500 వ్యత్యాసం వల్ల ఇరువురి సంపదలో ఎంత తేడా ఉందో స్పష్టంగా గమనించొచ్చు.
క్రెడిట్ కార్డు రెండువైపులా పదునున్న కత్తిలాంటిది. దాన్ని సరిగా ఉపయోగించుకోగలిగితే అనేక ప్రయోజనాలను పొందొచ్చు. కానీ, అనవసర ఖర్చులకు వాడితే మాత్రం రుణ ఊబిలో చిక్కుకుంటారు. క్రెడిట్ కార్డుని ఉపయోగించేవాళ్లు రెండు విషయాలను దృష్టిలో ఉంచుకోవాలి. ఒకటి.. అవసరాన్ని బట్టే ఖర్చు చేయాలి. రెండు.. ప్రతినెలా సకాలంలో క్రెడిట్ కార్డు బిల్లు చెల్లించాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఉత్పత్తి రంగంలో మదుపు
దేశీయ వినియోగం, ఎగుమతులు పెరుగుతున్న నేపథ్యంలో మన దేశంలో ఉత్పత్తి రంగం గతంలో ఎన్నడూ లేనంత అధిక వృద్ధిని నమోదు చేయబోతోంది. -
ప్రయాణంలో తోడుగా..
ప్రయాణాలు చేసే వారికి ఉపయోగపడేలా ఎస్బీఐ కార్డ్ కొత్త క్రెడిట్ కార్డును తీసుకొచ్చింది. ఎస్బీఐ కార్డ్ మైల్స్ ఎలైట్, ఎస్బీఐ కార్డ్ మైల్స్ ప్రైమ్, ఎస్బీఐ కార్డ్ మైల్స్ పేర్లతో మూడు రకాలుగా అందిస్తోంది. -
ఐసీఐసీఐ, యెస్ బ్యాంక్లో మే 1 నుంచి కొత్త సర్వీస్ ఛార్జీలు!
Bank charges: సేవింగ్స్ ఖాతాకు సంబంధించిన పలు సేవలపై విధించే ఛార్జీలను ఐసీఐసీఐ, యెస్ బ్యాంకులు సవరించాయి. మే 1 నుంచి ఇవి అమల్లోకి రానున్నాయి. -
ఆర్డీలపై వివిధ బ్యాంకులు ఆఫర్ చేసే వడ్డీ రేట్లు ఇవే..
దేశంలో దాదాపు అన్ని బ్యాంకులు రికరింగ్ డిపాజిట్ అందిస్తున్నాయి. ఈ ఆర్డీలపై వివిధ బ్యాంకుల్లో వడ్డీ రేట్లు ఎంతెంత ఉన్నాయో ఇక్కడ చూడండి. -
వాలెట్ డబ్బుతోనూ యూపీఐ చెల్లింపులు
రోజువారీ జీవితంలో యూపీఐ (యూనిఫైడ్ పేమెంట్స్ ఇంటర్ఫేస్) అంతర్భాగంగా మారింది. ఎన్పీసీఐ చొరవతో ఎన్నో సంస్థలు ఇప్పుడు ఈ సేవలను అందిస్తున్నాయి. -
గృహ రుణాలపై బ్యాంకులు వసూలు చేసే వడ్డీ రేట్లు ఇవే..
మెరుగైన క్రెడిట్ స్కోరు ఉన్నవారికి, ఇంటి రుణాలపై వివిధ బ్యాంకులు వసూలు చేసే వడ్డీ రేట్లను ఇక్కడ చూడొచ్చు. -
క్రెడిట్ కార్డు బాధ్యతగా వాడండి
మీ జేబులో ఉన్న క్రెడిట్ కార్డు.. ఒక అద్భుతమైన ఆర్థిక సాధనం. చేతిలో డబ్బు లేకపోయినా కొనుగోళ్లకు ఇబ్బంది లేకుండా ఇది ఉపయోగపడుతుంది. దీన్ని మీరు సరైన మార్గంలో ఉపయోగిస్తే.. అది మీ కోసం ఎన్నో పనులు చేస్తుంది. -
ఎఫ్డీ రేట్లు పెంచిన బజాజ్ ఫైనాన్స్.. వారికి 8.85% వరకు వడ్డీ
బజాజ్ ఫైనాన్స్ ఫిక్స్డ్ డిపాజిట్లపై వడ్డీ రేట్లు పెంచింది. సీనియర్ సిటిజన్లకు గరిష్ఠంగా 8.85 శాతం, సాధారణ పౌరులకు 8.6 శాతం వడ్డీ అందిస్తోంది. -
‘అమృత్ కలశ్’ గడువు మరోసారి పెంపు.. ఎప్పటి వరకంటే?
SBI news: స్టేట్ బ్యాంక్ ఆఫ్ ఇండియా తన ‘అమృత్ కలశ్’ డిపాజిట్ పథకం గడువును మరోమారు పొడిగించింది. -
విదేశీ విద్యా రుణాలు, వివిధ అంశాల గురించి తెలుసుకోండి?
విద్యార్థులు విదేశీ చదువుకు..రుణ సంస్థల నుంచి పొందే ఆర్థిక సహాయంతో పాటు కొన్ని ముఖ్యమైన ఇతర అంశాల గురించి తెలుసుకోవాలి, అవేంటో ఇక్కడ చూడండి. -
రుణాలు.. తొందరగా తీర్చేద్దాం
అవసరానికి అప్పు చేయడం కొన్నిసార్లు తప్పకపోవచ్చు. తీసుకున్న రుణాన్ని తొందరగా తీర్చేయడమే ఆర్థిక క్రమశిక్షణ. వ్యక్తిగత రుణాలు, క్రెడిట్ కార్డులు.. ఇలా సులభంగా రుణం దొరికే మార్గాలున్న రోజుల్లో మన వద్ద లేని డబ్బును ఖర్చు చేసేప్పుడు ఆలోచించాల్సిందే. -
రూపే కార్డు వాడుతున్నారా? యూపీఐ యాప్ ద్వారా ఇక EMIగా మార్చుకోవచ్చు!
రూపే క్రెడిట్ కార్డు వాడుతున్న వారికి కొత్త ఫీచర్లు అందుబాటులోకి రానున్నాయి. యూపీఐ యాప్లో త్వరలో కొన్ని కొత్త ఫీచర్లు పలకరించబోతున్నాయి. -
బ్యాంకుల్లో లేటెస్ట్ ఫిక్స్డ్ డిపాజిట్ వడ్డీ రేట్లు ఇవే!
చాలా ప్రభుత్వ, ప్రైవేట్ రంగ బ్యాంకులు ఫిక్స్డ్ డిపాజిట్లపై ఆకర్షణీయమైన వడ్డీ రేట్లను అందజేస్తున్నాయి. -
డెబిట్ కార్డు ఛార్జీలను పెంచిన ఎస్బీఐ
డెబిట్ కార్డులపై నిర్వహణ ఛార్జీలను ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా (ఎస్బీఐ) సవరించింది. కొత్త ఛార్జీలు ఏప్రిల్ 1 నుంచి అమల్లోకి రానున్నాయి. -
అనధికారిక లావాదేవీలపై యూజర్ల ఆందోళన.. స్పందించిన యాక్సిస్ బ్యాంక్
యాక్సిస్ బ్యాంకు కస్టమర్లు కొందరు తమ క్రెడిట్ కార్డుల్లో అనధికారిక లావాదేవీలు జరుగుతున్నట్లు సామాజిక మాధ్యమాల్లో పోస్టులు పెడుతున్నారు. దీనిపై బ్యాంక్ స్పందించింది. -
Flash Pay: కీ చైన్తో పేమెంట్స్.. ఫెడరల్ బ్యాంక్ నుంచి ఫ్లాష్ పే
Federal Bank flash pay: ఫెడరల్ బ్యాంక్ స్మార్ట్ కీ చైన్ను తీసుకొచ్చింది. కాంటాక్ట్ లెస్ పేమెంట్ల కోసం దీన్ని వినియోగించుకోవచ్చు. -
పిల్లల పేరిట ఎఫ్డీ
పెట్టుబడికి రక్షణ, రాబడికి హామీ ఉన్న పథకాల్లో ఫిక్స్డ్ డిపాజిట్లు (ఎఫ్డీ) ముందుంటాయి. పిల్లల చదువులు, ఇతర అవసరాల కోసం పెట్టుబడి పెట్టాలనుకుంటున్న తల్లిదండ్రులు వీటికి ప్రాధాన్యం ఇస్తుంటారు -
సిబిల్ నివేదికలో తప్పులుంటే
రుణం తీసుకోవాలంటే.. బ్యాంకులు ముందుగా పరిశీలించేది క్రెడిట్ నివేదికనే. ఇందులో ఎలాంటి తప్పులూ దొర్లకుండా మనం జాగ్రత్తలు తీసుకోవాలి. లేకపోతే మనకు అవసరం ఉన్నప్పుడు రుణం కోసం వెళ్తే దరఖాస్తును తిరస్కరించే అవకాశం ఉంది. -
Personal Loans: వ్యక్తిగత రుణాల వడ్డీ రేట్లు ఎలా ఉన్నాయ్?
ప్రస్తుతం అన్ని బ్యాంకులు వ్యక్తిగత రుణాలను అందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఎంతెంతో ఇక్కడ చూద్దాం... -
Home loan: జీరో ప్రాసెసింగ్ ఫీజు.. 8.3% వడ్డీకే హోమ్లోన్
Bank of India home loan offer: బ్యాంక్ ఆఫ్ ఇండియా గృహ రుణాలపై వడ్డీ తగ్గించింది. ప్రాసెసింగ్ ఫీజు సైతం రద్దు చేసింది. మార్చి 31 వరకు ఈ ఆఫర్ ప్రకటించింది. -
ప్రత్యేక ఎఫ్డీలను ప్రారంభించిన నార్త్ ఈస్ట్ స్మాల్ ఫైనాన్స్ బ్యాంక్
నార్త్ ఈస్ట్ స్మాల్ ఫైనాన్స్ బ్యాంకులో ప్రత్యేక ఫిక్స్డ్ డిపాజిట్లపై గరిష్ఠంగా 9.25% వడ్డీ వరకు పొందొచ్చు.
తాజా వార్తలు (Latest News)
-
ట్రావిస్ హెడ్ బలహీనతను పట్టిన బెంగళూరు..!
-
విజయ్ మాల్యా అటుగా వస్తే మాకు అప్పగించండి: ఫ్రాన్స్కు భారత్ విజ్ఞప్తి
-
‘ఫ్రీజింగ్ ఎగ్స్’ విధానం మంచిదే: మృణాల్ ఠాకూర్ ఆసక్తికర వ్యాఖ్యలు
-
100% వీవీప్యాట్ స్లిప్ల లెక్కింపు కుదరదు: పిటిషన్లు కొట్టేసిన సుప్రీం
-
17 వేల ఐసీఐసీఐ క్రెడిట్ కార్డులు బ్లాక్.. కారణమిదే!
-
అప్పుడు పరుగులు చేసింది కోహ్లీ ఒక్కడే: డుప్లెసిస్