Sabitha Indra Reddy: మంత్రి కూరగాయలు కొంటే.. మహిళా వ్యాపారి ఆనందమే వేరు

కందుకూరులో కూరగాయలు కొంటున్న సబితారెడ్డి, పక్కన ఆనందంతో నినాదాలు చేస్తున్న మహిళా వ్యాపారి

కందుకూరు: కందుకూరులో శనివారం మార్కెట్‌ సముదాయాన్ని  మంత్రి సబితారెడ్డి, జడ్పీ ఛైర్‌పర్సన్‌ అనితారెడ్డితో కలిసి ప్రారంభించారు. మార్కెట్‌ లోతిరుగుతూ మహిళలందరితో  కరచాలనం చేస్తూ ముందుకు సాగారు. ఈ సందర్భంగా అక్కడ కూరగాయలు అమ్మే మహిళతో ఆప్యాయంగా మాట్లాడారు. మంత్రి కూరగాయలు కొనడంతో మహిళా వ్యాపారి ఆనందానికి అవధుల్లేకుండా పోయాయి. తూకం వేయడం మరచి ‘సబితమ్మ జిందాబాద్‌’ అంటూ నినాదాలు చేసింది. తమ కోసం ఇంత మంచి మార్కెట్‌ నిర్మించినందుకు ధన్యవాదాలు తెలిపింది. కాగా, ఆమె భర్త వేరే రాజకీయ పార్టీకి చెందిన కార్మిక విభాగంలో క్రియాశీల పాత్ర పోషిస్తుండటం విశేషం.