సబిత.. నాలుగుసార్లు విజేత

ఎన్నికల్లో విజయం సాధించడమంటే ఆషామాషీ వ్యవహారం కాదు. వార్డు సభ్యుడిగా గెలుపొందేందుకే పడరాని పాట్లు పడాల్సి వస్తుంది. అలాంటిది ఏకంగా నాలుగుసార్లు శాసనసభ్యురాలిగా ఎన్నిక కావడం అంటే మామూలు విషయం కాదు. ప్రస్తుత విద్యాశాఖ మంత్రి సబితారెడ్డి తన భర్త పటోళ్ల ఇంద్రారెడ్డి మరణానంతరం రాజకీయాల్లో అడుగుపెట్టి 2000, 2004లో చేవెళ్ల నుంచి 2009లో మహేశ్వరం నుంచి గెలిచి హ్యాట్రిక్‌ నమోదు చేసుకున్నారు. 2018లో మహేశ్వరం కాంగ్రెస్‌ అభ్యర్థిగా నాలుగోసారి గెలుపొందిన ఆమె.. తాజాగా ఐదోసారి భారాస నుంచి బరిలో నిలిచారు.

న్యూస్‌టుడే, మహేశ్వరం