18 నుంచి చిలుకూరు బాలాజీ ఆలయ బ్రహ్మోత్సవాలు

మొయినాబాద్‌, న్యూస్‌టుడే: ‘క్రోధి’ నామ సంవత్సరంలో అన్ని శుభాలే జరుగనున్నట్లు చిలుకూరు బాలాజీ దేవాలయం మేనేజింగ్‌ కమిటీ కన్వీనర్‌ గోపాలకృష్ణస్వామి, ఆలయ అర్చకుడు సీఎస్‌ రంగరాజన్‌ పేర్కొన్నారు. మంగళవారం సాయంత్రం చిలుకూరు బాలాజీ ఆలయ ఆవరణలో పంచాంగ పఠనం నిర్వహించారు. ఈ సందర్భంగా ఉత్సవ విగ్రహాలకు ప్రత్యేక పూజలు చేశారు.   బ్రహ్మోత్సవాలు ఈ నెల 18 నుంచి 25 వరకు జరగనున్నాయి. 21న బ్రహ్మోత్సవాల్లో అత్యంత ప్రధాన ఘట్టమైన బాలాజీ, పద్మావతి, అలివేలుమంగమ్మల కల్యాణోత్సవం నిర్వహించనున్నారు. 25న చక్రతీర్థంతో బ్రహ్మోత్సవాలను ముగించనున్నారు.