ఓటు స్ఫూర్తితో.. వైకుంఠపాళి

ఈనాడు, హైదరాబాద్‌: ఎక్కువ మందితో ఓటు వేయించాలన్న లక్ష్యంతో జీహెచ్‌ఎంసీ కమిషనర్‌ రోనాల్డ్‌రాస్‌ ఆకర్షణీయమైన ఓటరు చైతన్య కార్యక్రమాలకు శ్రీకారం చుట్టారు. రాష్ట్ర ఎన్నికల సంఘం ఆదేశాల మేరకు నగరవ్యాప్తంగా పాఠశాలలు, ఇతర విద్యాసంస్థల్లో అవగాహన కల్పిస్తున్నారు. అందులో భాగంగా ‘‘మీ ఓటు ఉందా? లేదా? పరిశీలించుకోండి. ఓటు వేసేటప్పుడు మీతో ఓటరు గుర్తింపుకార్డును లేదా ఏదైన ప్రభుత్వ గుర్తింపుకార్డులను తీసుకెళ్లండి. ప్రలోభాలకు ప్రభావితం కాకుండా స్వేచ్ఛగా, మీ సొంత నిర్ణయం ప్రకారం ఓటేయండి’’అని రకరకాల సందేశాలను తెలిపే వైకుంఠపాళి ఆటను విద్యార్థులతో ఆడిస్తున్నారు. పోలింగ్‌ రోజున చేయకూడని పనులను కూడా ఆటలో చేర్చి ఓటర్లలో అవగాహన పెంచేందుకు చర్యలు తీసుకుంటున్నారు.