Chiranjeevi: అభిమానులకు పండగే.. మెగా ఫ్యామిలీ ఫుల్‌ ఫొటో చూశారా!

ఇంటర్నెట్‌ డెస్క్‌: ఒక్క ఫొటోతో మెగా అభిమానుల్లో ఫుల్‌ జోష్‌ నింపారు చిరంజీవి (Chiranjeevi). నాలుగు రోజుల నుంచి సంక్రాంతి సంబరాలు వీరింట ఘనంగా జరుగుతున్నాయి. చిరంజీవి - అల్లు అరవింద్‌ కుటుంబ సభ్యులందరూ బెంగళూరులోని రామ్‌చరణ్‌ ఫామ్‌హౌస్‌కు చేరుకొని అక్కడ వేడుక చేసుకుంటున్నారు. సంక్రాంతి శుభాకాంక్షలు చెబుతూ చిరు ఈరోజు ఓ ఫొటోను షేర్‌ చేశారు. అందులో మెగా కుటుంబానికి చెందిన అందరూ ఉండడంతో నెటిజన్ల ఆనందం అంబరాన్నంటింది.

అందరూ రెడ్‌ అండ్‌ వైట్‌ కలర్‌ డ్రెస్‌లు ధరించిన ఈ ఫొటో ప్రస్తుతం సోషల్‌ మీడియాలో వైరల్‌ అవుతోంది. ఇందులో అకీర స్పెషల్‌ ఎట్రాక్షన్‌గా నిలిచాడంటూ కొందరు కామెంట్స్‌ చేస్తున్నారు. పవన్‌ కూడా ఉండుంటే ఫ్రేమ్‌ పర్‌ఫెక్ట్‌ అయ్యేదంటూ మరొకరు వారి అభిప్రాయాన్ని వ్యక్తం చేశారు. ఏ పండగ వచ్చినా చిరంజీవి కుటుంబమంతా గెట్‌ టు గెదర్‌ అవుతారు. గతేడాది మెగా వారసురాలు క్లీంకార జన్మించడం, వరుణ్‌ తేజ్‌-లావణ్యల పెళ్లి జరగడంతో ఈ సంక్రాంతి మరింత ప్రత్యేకంగా నిలిచింది. ఇక నేడు చిరంజీవి అప్‌కమింగ్‌ సినిమా పేరు కూడా ప్రకటించనున్నారు.