Jawan: ‘జవాన్‌’లో నయనతార పాత్ర అద్భుతం.. కానీ..: షారుక్‌ ఖాన్‌

ముంబయి: బాలీవుడ్‌ స్టార్ హీరో షారుక్‌ ప్రస్తుతం ‘జ‌వాన్‌’ (Jawan) విజయాన్ని ఆస్వాదిస్తున్నారు. ఈ సినిమా విడుదల రోజు చెప్పినట్లే అభిమానులందరికీ ఆయన స్వయంగా కృతజ్ఞతలు చెబుతున్నారు. ‘జవాన్‌’ రిలీజ్ అయిన దగ్గర నుంచి ఫ్యాన్స్‌ చేసిన ట్వీట్లకు రిప్లైలు ఇస్తూ వారిలో ఆనందం నింపుతున్నారు. తాజాగా ఆయన #AskSRK పేరుతో ఎక్స్‌లో అభిమానులతో ముచ్చటించారు.

ఈ సందర్భంగా ఓ అభిమాని ‘జవాన్‌’లో నయనతార (Nayanthara) చేసిన నర్మద పాత్రను ప్రస్తావించారు. ఆ పాత్ర సన్నివేశాలు సినిమాలో అద్భుతంగా ఉన్నాయని ప్రశంసించారు. ఈ ట్వీట్‌కు షారుక్‌ రిప్లై ఇస్తూ.. నయనతార పాత్ర గురించి తన అభిప్రాయాన్ని చెప్పారు. ‘‘నర్మద పాత్ర చాలా గొప్పగా ఉంది. దురదృష్టవశాత్తూ సినిమాలో ఆ పాత్ర నిడివి చాలా తక్కువ. కానీ, కనిపించిన కొంతసేపు అద్భుతంగా ఉంది’’ అని అన్నారు. ఇక ‘జవాన్‌’లో షారుక్‌ తన డైలాగుల గురించి చెబుతూ..దర్శకులు చెప్పినట్లు తాను చేస్తానని అన్నారు. వాటి కోసం సాధ్యమైనంత ఎక్కువ సమయం తీసుకుని ప్రాక్టీస్‌ చేస్తానని తెలిపారు. అలాగే తనను ఈ సినిమాలో మరింత అందంగా చూపించిన స్టైలిష్‌లకు ప్రత్యేక గిఫ్ట్‌ ఇస్తానని కూడా ఆయన (Shah Rukh Khan) చెప్పారు. 

అప్పుడే మొదటి సారి ప్రేమలో పడ్డా.. ప్రస్తుతం తనే నా క్రష్: నాని

ఇక మరోవైపు ‘జవాన్‌’ (Jawan) సినిమా కలెక్షన్లలో దూసుకుపోతోంది. ఇప్పటి వరకూ రూ.955 కోట్లు వసూళ్లు చేసినట్లు చిత్రబృందం తెలిపింది. ఇందులోని షారుక్‌ విభిన్న లుక్స్‌, యాక్షన్‌ విజువల్స్‌కు ప్రేక్షకులు ఫిదా అవుతున్నారు. కథానాయికగా నయనతార, ప్రతినాయకుడిగా విజయ్‌ సేతుపతి, ఇతర కీలక పాత్రల్లో ప్రియమణి, సాన్యా మల్హోత్ర, దీపికా పదుకొణె తదితరులు ఆకట్టుకుంటున్నారు.