FD Rates: ‘తిరంగా ప్లస్‌’ వడ్డీ రేటు తగ్గింపు.. బ్యాంక్‌ ఆఫ్‌ బరోడా లేటెస్ట్ వడ్డీ రేట్లు ఇవే..

దిల్లీ: బ్యాంక్‌ ఆఫ్‌ బరోడా (Bank of baroda) రూ.2 కోట్ల వరకు విలువగల ఎఫ్‌డీలపై వడ్డీ రేట్లను సవరించింది. 2-3 ఏళ్ల కాలవ్యవధుల ఎఫ్‌డీలపై 20 బేసిస్‌ పాయింట్లను పెంచి అత్యధికంగా 7.25% వడ్డీని అందిస్తోంది. సాధారణ డిపాజిటర్లు 7-14 రోజుల ఎఫ్‌డీపై 3% కనీస వడ్డీని పొందనుండగా.. 2-3 సంవత్సరాల ఎఫ్‌డీపై 7.25 గరిష్ఠ వడ్డీ పొందుతారు. సీనియర్‌ సిటిజన్లకు అన్ని కాలవ్యవధుల ఎఫ్‌డీలపై 0.50% అదనపు వడ్డీ లభిస్తుంది. అయితే, 399 రోజుల కాలవ్యవధి గల ‘బరోడా తిరంగా ప్లస్‌’ డిపాజిట్‌ స్కీమ్‌పై వడ్డీ రేటును 7.25% నుంచి 7.15%కు తగ్గించారు. సవరించిన వడ్డీ రేట్లు 2023 అక్టోబర్‌ 9 నుంచి అమల్లోకి వచ్చాయి.