ప్రపంచ ఆర్థికంపై డీజిల్ పిడుగు!
ప్రపంచ ఆర్థిక వ్యవస్థలో డీజిల్కు ఉన్న ప్రాధాన్యమే వేరు. ట్రక్కులు, బస్సులు, ఓడలు, రైళ్లు నడిచేందుకు.. నిర్మాణ, తయారీ, వ్యవసాయ రంగాల్లో వినియోగించే యంత్రాలకు కావాల్సిన ఇంధనం ఇదే.
అమెరికా, ఐరోపా కూటమిలో కనిష్ఠ స్థాయికి నిల్వలు
శీతకాలం ప్రారంభంతో వినియోగం తీవ్రం
రిఫైనింగ్ సామర్థ్యాలు తగ్గడమూ కారణమే
ఈనాడు వాణిజ్య విభాగం
ప్రపంచ ఆర్థిక వ్యవస్థలో డీజిల్కు ఉన్న ప్రాధాన్యమే వేరు. ట్రక్కులు, బస్సులు, ఓడలు, రైళ్లు నడిచేందుకు.. నిర్మాణ, తయారీ, వ్యవసాయ రంగాల్లో వినియోగించే యంత్రాలకు కావాల్సిన ఇంధనం ఇదే. అమెరికా, ఐరోపా వంటి దేశాల్లో ఇంటి వెచ్చదనం కోసమూ డీజిల్నే ఇంధనంగా ఉపయోగిస్తారు. కొన్ని చోట్ల విద్యుదుత్పత్తికీ వాడతారు. ఇన్ని రకాల అవసరాలను తీర్చే డీజిల్కు రానున్న రోజుల్లో కొరత ఏర్పడనుందా? అంటే అవుననే అంటున్నారు విశ్లేషకులు. అసలే అధిక ద్రవ్యోల్బణం, ఆర్థిక మాంద్యం భయాలతో ప్రపంచ దేశాలు ఉక్కిరిబిక్కిరి అవుతున్నాయి. డీజిల్కు కొరత ఏర్పడితే ఆర్థిక వ్యవస్థలకు మరింత ముప్పు తప్పదనే ఆందోళన వ్యక్తమవుతోంది. ఆర్థిక సంక్షోభంతో సతమతమవుతున్న శ్రీలంక, పాకిస్తాన్ లాంటి పేద దేశాల పరిస్థితి మరింత అధ్వానంగా మారుతుంది.
రాబోయే కొన్ని నెలల్లో ప్రపంచ దేశాలకు డీజిల్ కొరత ఎదురయ్యే ప్రమాదం ఉందని విశ్లేషకులు పేర్కొంటున్నారు. ప్రధాన చమురు విపణుల నుంచి సరఫరాలు తగ్గుతున్నాయి. అమెరికా, ఐరోపాల్లో డీజిల్ నిల్వలు కనిష్ఠ స్థాయిలకు చేరుతుండగా, శీతకాలం నేపథ్యంలో ఇంటి వెచ్చదనం కోసం డీజిల్ వినియోగం పెరుగుతోంది. రష్యా నుంచి చమురు దిగుమతుల నిషేధానికి ఐరోపా కూటమి విధించుకున్న గడువు సమీపిస్తుండటం ఆందోళనను పెంచుతోంది. రష్యా- ఉక్రెయిన్ యుద్ధ పరిణామాల నేపథ్యంలో ముడి చమురు సరఫరా తగ్గింది. కొవిడ్-19 లాక్డౌన్ ఆంక్షల సమయంలో డిమాండు తగ్గినపుడు, కొన్ని రిఫైనరీలు లాభదాయకత లేని ప్లాంట్లను మూసివేశాయి. దీంతో రిఫైనింగ్ సామర్థ్యమూ పరిమితమైంది. 2020 నుంచి అమెరికాలో రిఫైనింగ్ సామర్థ్యం రోజుకు 10 లక్షల బ్యారెళ్ల మేర తగ్గినట్లు అంచనా. అమెరికాలో డీజిల్, హీటింగ్ ఆయిల్ నిల్వలు నాలుగు దశాబ్దాల కనిష్ఠానికి పడిపోయాయని వార్తలొస్తున్నాయి. ఐరోపాలో ఎగుమతిపరమైన అవరోధాలు, సిబ్బంది సమ్మెతో రిఫైనింగ్ సామర్థ్యంపై ప్రభావం పడింది. ఇక్కడా డీజిల్ నిల్వలు కనిష్ఠ స్థాయికి చేరుతున్నాయన్నది అంచనా. రష్యా నుంచి చమురు దిగుమతుల నిషేధాన్ని 2023లో అమల్లోకి తేవాలన్నది ఐరోపా కూటమి ప్రణాళిక. ప్రపంచంలో అత్యధికంగా డీజిల్పై ఆధారపడేది ఐరోపా కూటమే. ఆ దేశాలు ఏడాదికి దిగుమతి చేసుకునే 50 కోట్ల బ్యారెళ్ల డీజిల్లో సగం వరకు రష్యా నుంచే ఉంటాయి. అమెరికా ఇప్పటికే రష్యా నుంచి దిగుమతులను నిలిపివేసింది. ఈ పరిణామాలతో డీజిల్ కొరత మరింత తీవ్రం కావొచ్చని విశ్లేషకులు చెబుతున్నారు.
మనకు లాభమా?
ఈ పరిణామాలు పరోక్షంగా భారత్, చైనా లాంటి దేశాలకు ప్రయోజనం చేకూరుస్తాయని భావిస్తున్నారు. రష్యా నుంచి చమురు దిగుమతులు నిలిపివేయనున్న ఐరోపా కూటమికి.. ఈ దేశాలు డీజిల్ ఎగుమతులను పెంచే అవకాశం ఉంది. ఈ ఏడాది చివరికల్లా చైనా ఇంధన ఎగుమతులు రోజుకు 5,00,000 బ్యారెళ్లు పెరిగి 1.2 మిలియన్ బ్యారెళ్లకు చేరే అవకాశం ఉందని ఓ విశ్లేషణ సంస్థ అంచనా వేస్తోంది. అయితే ప్రపంచవ్యాప్తంగా సరఫరా కొరత వల్ల, ముడిచమురు ధర పెరిగితే వర్థమాన దేశాలకు ఇబ్బందులు తప్పవు. పెరిగిన ధరల ప్రభావం వినియోగదారులపై పడకుండా డీజిల్పై పన్ను కోతను థాయ్లాండ్ పొడిగించింది. సరఫరాను పెంచే నిమిత్తం దేశీయ ఇంధన ఉత్పత్తిదార్లకు మరిన్ని రుణాలివ్వడం లాంటి అత్యవసర చర్యలను చేపట్టడంపై వియత్నాం దృష్టి సారిస్తోంది. మొత్తానికి డీజిల్ కొరత ప్రపంచ ఆర్థిక వ్యవస్థకు చేటు తీసుకు రావొచ్చని.. కొత్త రిఫైనింగ్ సామర్థ్యాన్ని అందుబాటులోకి తేవడం ద్వారా ఈ సమస్య నుంచి కొంత మేర బయటపడే అవకాశం ఉంటుందని విశ్లేషకులు సూచిస్తున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
లాభాల్లో మారుతీ రయ్ రయ్.. ఒక్కో షేరుపై రూ.125 డివిడెండ్
అతిపెద్ద కార్ల తయారీ కంపెనీ మారుతీ సుజుకీ క్యూ4 ఫలితాల్లో అదరగొట్టింది. లాభాల్లో 47 శాతం వృద్ధి నమోదు చేసింది. -
భారతీయులైతేనే.. అమెరికాలో సీఈవో ఛాన్స్: రాయబారి ఆసక్తికర వ్యాఖ్య
US-India: భారతీయులు కాకపోతే అమెరికాలో సీఈవో కాలేని పరిస్థితి ప్రస్తుతం నెలకొందని అగ్రరాజ్య రాయబారి ఎరిక్ గార్సెట్టి అన్నారు. -
5 రోజుల వరుస లాభాలకు బ్రేక్.. 600 పాయింట్లు కోల్పోయిన సెన్సెక్స్
స్టాక్ మార్కెట్ సూచీలు నష్టాల్లో ముగిశాయి. సెన్సెక్స్ 609 పాయింట్లు, నిఫ్టీ 150 పాయింట్లు చొప్పున నష్టపోయాయి. -
ఎయిర్ గెశ్చర్స్తో రియల్మీ నుంచి బడ్జెట్ కొత్త ఫోన్
Realme C65: మొబైల్ తయారీ సంస్థ రియల్మీ బడ్జెట్ ధరలో ఎయిర్గెశ్చర్స్ సదుపాయంతో కొత్త ఫోన్ను భారత మార్కెట్లో లాంచ్ చేసింది. -
డీజీసీఏ కొత్త రూల్.. విమాన టికెట్ల ధరలు తగ్గుతాయా?
Flight ticket prices: టికెట్ ధరలో మిగిలిన సేవలను కూడా కలిపేస్తున్న నేపథ్యంలో డీజీసీఏ విమానయాన సంస్థలు కీలక ఆదేశాలు జారీ చేసింది. దీంతో రాబోయే రోజుల్లో టికెట్ ధరలు కొంతమేరకు తగ్గే అవకాశం ఉందని నిపుణులు చెబుతున్నారు. -
ఐపీఓకు స్విగ్గీ రెడీ.. సెబీ రహస్య మార్గంలో దరఖాస్తు
ఫుడ్ డెలివరీ సంస్థ స్విగ్గీ ఐపీఓకు సిద్ధమైంది. ఇందుకోసం సెబీకి తాజాగా ముసాయిదా పత్రాలను సమర్పించింది. -
రేమండ్ వివాదం.. డైరెక్టర్గా నవాజ్ మోదీ తొలగింపు!
Raymond group: రేమండ్ గ్రూప్ ఛైర్మన్ గౌతమ్ సింఘానియా, ఆయన భార్య నవాజ్ మోదీ విడాకుల అంశం ప్రస్తుతం కోర్టు పరిధిలో ఉంది. తాజాగా ఆమెను గ్రూప్నకు చెందిన పలు కంపెనీల నుంచి డైరెక్టర్గా తొలగించారు. -
17 వేల ఐసీఐసీఐ క్రెడిట్ కార్డులు బ్లాక్.. కారణమిదే!
ICICI Credit Cards: కొత్తగా జారీ చేసిన దాదాపు 17 వేల క్రెడిట్ కార్డుల వివరాలు పొరపాటున ఇతరుల ఖాతాలకు అనుసంధానమైనట్లు ఐసీఐసీఐ బ్యాంక్ తెలిపింది. -
లాభాల్లో స్టాక్ మార్కెట్ సూచీలు.. సెన్సెక్స్ @ 74,434
Stock Market Opening bell: ఉదయం 9:19 గంటల సమయంలో సెన్సెక్స్ 94 పాయింట్ల లాభంతో 74,434 వద్ద ట్రేడవుతోంది. నిఫ్టీ 29 పాయింట్లు పెరిగి 22,599 దగ్గర కొనసాగుతోంది. -
కోరమాండల్ ఇంటర్నేషనల్ ఛైర్మన్గా అరుణ్ అలగప్పన్
ఎరువులు, రసాయనాలు, సస్య రక్షణ మందుల కంపెనీ, కోరమాండల్ ఇంటర్నేషనల్ లిమిటెడ్కు నూతన ఎగ్జిక్యూటివ్ ఛైర్మన్గా అరుణ్ అలగప్పన్ నియమితులయ్యారు. -
న్యూట్రాస్యూటికల్ ఉత్పత్తుల కోసం డాక్టర్ రెడ్డీస్, నెస్లే సంయుక్త సంస్థ
న్యూట్రాస్యూటికల్ ఉత్పత్తుల విక్రయాలను దేశీయ మార్కెట్లో గణనీయంగా పెంచుకునే లక్ష్యంతో నెస్లే ఇండియా, డాక్టర్ రెడ్డీస్ చేతులు కలిపాయి. -
వ్యవసాయ రుణాలు మరింత వేగంగా
వ్యవసాయ రుణాల ప్రక్రియను వేగవంతం చేసేందుకు ఒక వ్యవస్థను ఏర్పాటు చేయడానికి రిజర్వ్ బ్యాంక్ ఆఫ్ ఇండియా (ఆర్బీఐ) విభాగమైన ఆర్బీఐహెచ్తో నేషనల్ బ్యాంక్ ఫర్ అగ్రికల్చర్ అండ్ రూరల్ డెవలప్మెంట్ (నాబార్డ్) భాగస్వామ్యం కుదుర్చుకుంది. -
2023-24లో 1.03 లక్షల పేటెంట్లు మంజూరు
2023-24 ఆర్థిక సంవత్సరంలో భారత్ 1.03 లక్షల పేటెంట్లను మంజూరు చేసినట్లు కంట్రోలర్ జనరల్ ఆఫ్ పేటెంట్స్, డిజైన్స్ అండ్ ట్రేడ్మార్క్స్ ఉన్నత్ పండిట్ గురువారం వెల్లడించారు. -
బజాజ్ ఫైనాన్స్ లాభం రూ.3,825 కోట్లు
బజాజ్ ఫైనాన్స్ గత ఆర్థిక సంవత్సరం మార్చి త్రైమాసికంలో రూ.3,825 కోట్ల ఏకీకృత నికర లాభాన్ని నమోదు చేసింది. 2022-23 ఇదే కాల లాభం రూ.3,158 కోట్లతో పోలిస్తే ఇది 21% అధికం. -
బీజింగ్ ఆటోషో జిగేల్
చైనాలో అతిపెద్ద వాహన ప్రదర్శన ‘బీజింగ్ ఆటో షో’ గురువారం ప్రారంభమైంది. ఇందులో మొత్తం 117 కొత్త మోడళ్లు ప్రదర్శించనున్నారు. -
ఇండస్ఇండ్ బ్యాంక్ డివిడెండ్ 165%
ఇండస్ఇండ్ బ్యాంక్, గత ఆర్థిక సంవత్సరం మార్చి త్రైమాసికంలో రూ.2,349 కోట్ల ఏకీకృత నికర లాభాన్ని నమోదు చేసింది. -
మదుపర్ల సంపద రూ.404 లక్షల కోట్లకు
కొనుగోళ్ల జోరుతో వరుసగా అయిదో రోజూ సూచీలు మెరిశాయి. బ్యాంకింగ్, ఫైనాన్స్, లోహ షేర్లు రాణించడంతో సెన్సెక్స్ మళ్లీ 74,000 పాయింట్ల ఎగువకు చేరింది. నిఫ్టీ 22,500 స్థాయిని అందుకుంది. -
ఉత్పత్తి సామర్థ్యం పెంపునకు రూ.700 కోట్లు: దివీస్
దివీస్ లేబొరేటరీస్ రూ.700 కోట్లతో ఉత్పత్తి సామర్థ్యాన్ని పెంచుకోనుంది. దీర్ఘకాలిక మందుల సరఫరా నిమ్తితం ఒక ఔషధ కంపెనీతో కాంట్రాక్టు కుదుర్చుకోనున్నట్లు, దీనికి అవసరమైన అదనపు ఉత్పత్తి సామర్ధ్యం కోసం రూ.700 కోట్ల వరకు పెట్టుబడి పెట్టాల్సి వస్తుందని దివీస్ లేబొరేటరీస్ గురువారం వెల్లడించింది. -
సంక్షిప్తవార్తలు(6)
హైదరాబాద్కు ‘ఇంటర్కాంటినెంటల్’ హోటల్ను పరిచయం చేయడం కోసం ఐహెచ్జీ హోటల్స్ అండ్ రిసార్ట్స్తో బ్రిగేడ్ ఎంటర్ప్రైజెస్ జట్టుకట్టింది. -
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు.
తాజా వార్తలు (Latest News)
-
టిబెట్ అంశంపై వారితో మాత్రమే చర్చిస్తాం : చైనా
-
ఏడాదికి ‘రెండు సార్లు’ సీబీఎస్ఈ పరీక్షలు.. 2025 నుంచే!
-
పిఠాపురంలో రూ.80లక్షల విలువైన మద్యం పట్టివేత
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బైక్పై స్టంట్లు.. ‘స్పైడర్ మ్యాన్’ను అరెస్ట్ చేసిన పోలీసులు!
-
మాల్దీవుల జలాల్లోకి.. మళ్లీ చైనా పరిశోధక నౌక