Gold Rates: పసిడికి అమెరికా రేట్లే దారిచూపుతాయ్‌

కమొడిటీస్‌ ఈ వారం

పసిడి

పసిడి జూన్‌ కాంట్రాక్టు ఈవారం రూ.59,401 ఎగువన సానుకూలంగా కనిపిస్తోంది. అయితే లాంగ్‌ పొజిషన్లున్న ట్రేడర్లు రూ.59,247 వద్ద స్టాప్‌లాస్‌ను పరిగణించాలి. పైకి వెళితే కాంట్రాక్టుకు రూ.60,157 వద్ద నిరోధం ఎదురుకావచ్చు. ఈ స్థాయిని అధిగమిస్తే రూ.60,494; రూ.60,872 వరకు రాణించొచ్చు. ఈవారం అమెరికా ఫెడ్‌ తీసుకునే నిర్ణయాలు పసిడి కాంట్రాక్టుకు దిశానిర్దేశం చేస్తాయి.

వెండి

వెండి జులై కాంట్రాక్టు నిరోధ స్థాయైన రూ.73,102ను మించితే రూ.75,017 వరకు పెరగొచ్చు. ఒకవేళ కిందకు వస్తే రూ.71,881 వద్ద మద్దతు లభించొచ్చు. ఈ స్థాయినీ కోల్పోతే రూ.69,966 వరకు పడిపోవచ్చు.

ప్రాథమిక లోహాలు

* రాగి జూన్‌ కాంట్రాక్టు రాణించే అవకాశాలున్నాయి. అయితే రూ.726.80 వద్ద నిరోధం ఎదురుకావచ్చు. ఈ స్థాయిని అధిగమిస్తే కాంట్రాక్టు మరింతగా పెరిగే అవకాశముంది.  

* సీసం జూన్‌ కాంట్రాక్టు 5 వారాల నష్టాల అనంతరం గతవారం లాభాల్లో ముగిసింది. ఈ ధోరణిని కొనసాగిస్తుందా? లేదంటే లాభాల స్వీకరణ చోటుచేసుకుంటుందా.. అనేది గమనించాలి. రూ.184 దిగువన ఇప్పటికీ కాంట్రాక్టు బలహీనంగానే కనిపిస్తోంది.

* జింక్‌ జూన్‌ కాంట్రాక్టు రూ.204 కంటే దిగువన చలించకుంటే.. కొనుగోళ్లకు మొగ్గు చూపొచ్చు. ఈ స్థాయికంటే కిందకు వస్తే లాంగ్‌ పొజిషన్లకు దూరంగా ఉండటం మంచిది.

* అల్యూమినియం జూన్‌ కాంట్రాక్టును రూ.207 దిగువన షార్ట్‌ సెల్‌ చేయడం మంచిది.

ఇంధన రంగం

* ముడి చమురు జులై కాంట్రాక్టు పైకి వెళితే రూ.6,083 వద్ద నిరోధం ఎదురుకావచ్చు. ఈ స్థాయిని అధిగమిస్తే రూ.6,299; రూ.6,461 వరకు రాణించొచ్చు.  రూ.5,704 కంటే దిగువన ట్రేడయితే రూ.5,543; రూ.5,326 వరకు దిద్దుబాటు కావచ్చు.

* సహజవాయువు జూన్‌ కాంట్రాక్టుకు రూ.195 వద్ద నిరోధం కన్పిస్తోంది. ఈ స్థాయిని మించితే రూ.205 వరకు పెరగొచ్చు. ఒకవేళ కిందకు వస్తే రూ.180 వద్ద మద్దతు లభిస్తుంది. ఈ స్థాయినీ కోల్పోతే రూ.173 వరకు పడిపోవచ్చు.

వ్యవసాయ ఉత్పత్తులు

* పసుపు జూన్‌ కాంట్రాక్టును, రూ.7,799 ఎగువన లాంగ్‌ పొజిషన్లు అట్టేపెట్టుకోవడం మంచిదే. ఒకవేళ దిద్దుబాటు అయితే రూ.7,458 వద్ద మద్దతు దొరకొచ్చు. ఈ స్థాయి కంటే కిందకు వస్తే రూ.7,175 వరకు పడిపోవచ్చు.

* జీలకర్ర జూన్‌ కాంట్రాక్టు కిందకు వస్తే రూ.44,653 వద్ద మద్దతు లభించవచ్చు. ఈ స్థాయిని కోల్పోతే రూ.42,826కు దిగిరావచ్చు. ఒవకేళ పైకి వెళితే రూ.48,298 వద్ద నిరోధం ఎదురయ్యే అవకాశం ఉంది. దీనిని అధిగమిస్తే రూ.50,116 వరకు రాణించొచ్చు.

* పత్తి జూన్‌ కాంట్రాక్టు రూ.58,120 కంటే దిగువన ట్రేడయితే మరింతగా దిద్దుబాటు కావచ్చు.

ఆర్‌ఎల్‌పీ కమొడిటీ అండ్‌ డెరివేటివ్స్‌