హార్లే డేవిడ్‌సన్‌ ఎక్స్‌ 440 బైక్‌

ప్రారంభ ధర రూ.2.29 లక్షలు

జయపూర్‌: హీరో మోటోకార్ప్‌, హార్లే డేవిడ్‌సన్‌ భాగస్వామ్యంలో తొలి మోటార్‌సైకిల్‌ను దేశీయ విపణిలోకి విడుదల చేశారు. సరికొత్త హార్లే డేవిడ్‌సన్‌ ‘ఎక్స్‌ 440’ మోడల్‌ ప్రారంభ ధరను రూ.2.29 లక్షలుగా నిర్ణయించారు. గరిష్ఠ ధర రూ.2.69 లక్షలు (ఎక్స్‌-షోరూమ్‌)గా ఉంది. ఈ బైక్‌తో అందుబాటు ధర విభాగాల్లోకి హార్లే డేవిడ్‌సన్‌ అడుగుపెడుతోందని, దేశంలో మరింత మంది వినియోగదారులకు దిగ్గజ బ్రాండ్‌ చేరువయ్యే అవకాశం ఉన్నట్లు హీరో తెలిపింది. ప్రీమియం విభాగం (150-450 సీసీ)లో రికార్డు సంఖ్యలో కొత్త బైకులను తీసుకొచ్చే పనిలో ఉన్నట్లు హీరో మోటోకార్ప్‌ ఎగ్జిక్యూటివ్‌ ఛైర్మన్‌ పవన్‌ ముంజాల్‌ పేర్కొన్నారు.