రిటైల్‌ మదుపర్ల కోసం కార్పొరేట్‌ బాండ్ల ముఖ విలువ తగ్గింపు!

సెబీ బోర్డు సమావేశంలో పలు నిర్ణయాలు

దిల్లీ: కార్పొరేట్‌ బాండ్‌ మార్కెట్లో రిటైల్‌ మదుపర్లు మరింతగా పాల్గొనడం కోసం ఆయా డెట్‌ సెక్యూరిటీల ముఖ విలువను ప్రస్తుత రూ.లక్ష నుంచి రూ.10,000కు తగ్గించాలన్న ప్రతిపాదనకు మార్కెట్‌ నియంత్రణాధికార సంస్థ సెబీ ఆమోదించింది. సెబీ బోర్డు సమావేశంలో తీసుకున్న పలు నిర్ణయాలు ఇవే..

• యూనిట్‌ ఆధారిత ఉద్యోగ ప్రయోజనాల(యూబీఈబీ)కు నిబంధనావళి రూపొందించనున్నారు. రీట్‌ లేదా ఇన్విట్‌ యూనిట్ల ఆధారంగా తమ ఉద్యోగులకు రీట్‌ మేనేజర్‌ లేదా ఇన్విట్‌ మేనేజర్‌లు యూబీఈబీ పథకాలను అందించొచ్చు. నీ నాన్‌-కన్వర్టబుల్‌ సెక్యూరిటీలను మాత్రమే నమోదు చేసిన సంస్థలకు.. వార్తా పత్రికల్లో ఆర్థిక ఫలితాల ప్రచురణకు సంబంధించి కొంత వెసులుబాటునూ కల్పించింది. తద్వారా నిబంధనలను పాటించేందుకయ్యే ఖర్చు తగ్గించనుంది.
• రూ.10,000 ముఖ విలువతో ఎన్‌సీడీలు లేదా ఎన్‌సీఆర్‌పీఎస్‌లను ప్రైవేటు ప్లేస్‌మెంట్‌ పద్ధతిలో జారీ చేసే ఆప్షన్‌ను కంపెనీలకు ఇచ్చే ప్రతిపాదనకు అంగీకారం తెలిపింది.