విదేశాల్లో చదువు విద్యారుణానికి సిద్ధం ఇలా..
విదేశాల్లో చదువుకోవాలి.. చాలామంది విద్యార్థుల కల ఇది. అభివృద్ధి చెందిన దేశాల్లో విద్యాభ్యాసం ఖర్చుతో కూడుకున్నదే. ఈ వ్యయాన్ని భరించేందుకు పెట్టుబడులతో జమ చేసిన మొత్తంతో పాటు, విద్యారుణం తీసుకొని, తమ పిల్లల కలను నెరవేర్చేందుకు తల్లిదండ్రులు ప్రయత్నిస్తుంటారు.
విదేశాల్లో చదువుకోవాలి.. చాలామంది విద్యార్థుల కల ఇది. అభివృద్ధి చెందిన దేశాల్లో విద్యాభ్యాసం ఖర్చుతో కూడుకున్నదే. ఈ వ్యయాన్ని భరించేందుకు పెట్టుబడులతో జమ చేసిన మొత్తంతో పాటు, విద్యారుణం తీసుకొని, తమ పిల్లల కలను నెరవేర్చేందుకు తల్లిదండ్రులు ప్రయత్నిస్తుంటారు. ఈ నేపథ్యంలో విద్యారుణం తీసుకునే వారు ఎలాంటి జాగ్రత్తలు తీసుకోవాలి, అప్పు భారం తొందరగా తీర్చేందుకు ఏం చేయాలో తెలుసుకుందాం.
మన దేశం నుంచి వెళ్లి విదేశాల్లో చదువుకుంటున్న విద్యార్థుల సంఖ్య గణనీయంగా పెరిగింది. రాబోయే సంవత్సరాల్లో విదేశీ ఉన్నత విద్య ఖర్చు బాగా పెరిగే అవకాశాలు కనిపిస్తున్నాయి. కొన్ని ప్రామాణిక సంస్థలు ప్రకటించిన గణాంకాల ప్రకారం.. భారత విద్యార్థులు విదేశాల్లో చదువు కోసం ఖర్చు చేస్తున్న మొత్తం 28 బిలియన్ డాలర్ల మేరకు ఉంది. 2024 నాటికి ఇది 80 బిలియన్ డాలర్లకు చేరుతుందని అంచనా. విదేశాల్లో చదువుకునే వారికి ఉపకార వేతనాల వంటివి ఉన్నప్పటికీ అనేకమంది విద్యార్థులు వీటికి అర్హులు కాలేరు. కాబట్టి, రుణం తీసుకోవడం కొన్నిసార్లు తప్పనిసరి అవుతోంది.
బ్యాంకులు అండగా..
దేశంలో, విదేశాల్లో వృత్తిపరమైన లేదా సాంకేతిక ఉన్నత విద్యను అభ్యసించాలనుకునే విద్యార్థులకు తగిన ఆర్థిక సహాయాన్ని అందించేందుకు భారత ప్రభుత్వం.. భారతీయ రిజర్వు బ్యాంకు, ఇండియన్ బ్యాంక్స్ అసోసియేషన్లతో కలిసి సమగ్ర రుణ పథకాన్ని రూపొందించింది. దీనిద్వారా కళాశాల, హాస్టల్, పరీక్ష, లేబొరేటరీ ఫీజులు, పుస్తకాల ఖర్చు, పరికరాలు, కాషన్ డిపాజిట్లతో పాటు అనుమతించిన మేరకు బిల్డింగ్ ఫండ్, రిఫండబుల్ డిపాజిట్ అవసరాలకు రుణం పొందవచ్చు. ఈ పథకం ద్వారా దేశీయంగానే కాకుండా, విదేశాల్లోని పాఠశాలలు, కళాశాలల్లో ప్రవేశం పొందిన విద్యార్థులకు విద్యారుణాన్ని అందిస్తారు. మేనేజ్మెంట్ కోటా ద్వారా ప్రవేశం పొందిన వారికీ స్టేట్ బ్యాంక్ ఆఫ్ ఇండియా, యూనియన్ బ్యాంక్ ఆఫ్ ఇండియా, హెచ్డీఎఫ్సీ బ్యాంక్తో సహా మరికొన్ని బ్యాంకులూ విద్యారుణాలను అందిస్తున్నాయి. క్యాపిటేషన్ ఫీజు, డొనేషన్ ఖర్చుల కోసం అప్పు రాదు.
రూ.50 లక్షల వరకూ...
ప్రస్తుతం విద్యారుణాల కోసం క్రెడిట్ గ్యారంటీ నిధుల ద్వారా రూ. 7.50 లక్షల రుణం ఎటువంటి పూచీకత్తు లేకుండా పొందవచ్చు. త్వరలోనే ఈ పరిమితిని రూ.10లక్షల వరకూ పెంచే ప్రతిపాదనలు కనిపిస్తున్నాయి. ఎస్బీఐ, హెచ్డీఎఫ్సీ బ్యాంకు సహా కొన్ని ఇతర బ్యాంకులు ఎంపిక చేసిన కళాశాలల్లో చేరే విద్యార్థులకు రూ.40 లక్షల నుంచి రూ.50లక్షల వరకూ ఎలాంటి పూచీకత్తు అవసరం లేకుండానే రుణాలను ఇస్తున్నాయి.
ఏయే పత్రాలు..
రుణం తీసుకునేందుకు అవసరమైన పత్రాల విషయానికి వస్తే..
* మీ విద్యాభ్యాసానికి సంబంధించిన సర్టిఫికెట్లు, ప్రవేశ పరీక్ష ఫలితాలు
* అడ్మిషన్ లెటర్
* విదేశాల్లో చదువుకోవాలనుకున్నప్పుడు ‘ఐ 20’
* కాలేజీ నుంచి వచ్చిన ఫీజుల వివరాలు
* మీ ఖాతాదారు గురించి తెలుసుకోండి (కేవైసీ) నిబంధనలకు సంబంధించిన అన్ని ధ్రువీకరణలు (సహ దరఖాస్తుదారు/హామీదారులవీ)
* విద్యార్థులకు పాన్ కార్డు తప్పనిసరి (మైనర్లకూ ఇది వర్తిస్తుంది)
* ఆదాయపు పన్ను రిటర్నులు
* తనఖా అవసరమైనప్పుడు.. ఆస్తికి సంబంధించిన అన్ని పత్రాలు
* ప్రభుత్వ వడ్డీ రాయితీ పథకం వర్తించే వారికి ఆధార్ తప్పనిసరి
సరిపోకపోతే..
కొన్నిసార్లు.. అవసరమైన మేరకు విద్యారుణం రాకపోయే ఆస్కారం ఉంది. ఇలాంటప్పుడు తనఖా రుణాల కోసం ప్రయత్నం చేయాలి. మీరు హామీగా చూపించే ఆస్తి మార్కెట్ విలువ, తిరిగి చెల్లించే వ్యవధిని బట్టి రుణ మొత్తం ఆధారపడి ఉంటుంది. విద్యారుణంతో పోలిస్తే బ్యాంకులకు ఇది సురక్షిత రుణం. కాబట్టి, తక్కువ వడ్డీతో, అధిక రుణాన్ని ఇచ్చే అవకాశం ఉంటుంది.
భారం తగ్గించుకునేలా..
విద్యారుణం తీసుకున్నప్పుడు దాన్ని తిరిగి చెల్లించే విషయంలోనూ క్రమశిక్షణతో ఉండాలి. బ్యాంకు ‘లోన్ ఆఫర్ లెటర్’లో మీకు ఎంత మేరకు రుణం వస్తుందన్నది చెబుతుంది. కానీ, పంపిణీ చేసిన మొత్తంపై మాత్రమే వడ్డీని వసూలు చేస్తుంది. కాబట్టి, మీరు ఫీజు చెల్లించాలి అనుకున్నప్పుడే, ఆ మేరకు రుణం తీసుకోండి. దీనివల్ల వడ్డీ భారం తగ్గుతుంది.
* చదువు పూర్తయి, సంపాదించడం ప్రారంభించగానే రుణాన్ని తిరిగి చెల్లించడంతోపాటు, త్వరగా తీర్చడంపై దృష్టి పెట్టండి. పాక్షిక చెల్లింపులు చేసేందుకు అదనపు నగదు, బోనస్లవంటి వాటిని ఉపయోగించాలి.
* విద్యారుణాన్ని సరిగా చెల్లించకపోతే మీకూ, హామీదారులకూ బ్యాంకులు నోటీసులు పంపిస్తాయి. క్రెడిట్ స్కోరు తగ్గుతుంది. భవిష్యత్తులో రుణాలు పొందడం కష్టమవుతుంది. రుణాన్ని వసూలు చేసుకునేందుకు బ్యాంకులు న్యాయపరమైన చర్యలను ప్రారంభించవచ్చు. అవసరమైన రుణం తీసుకున్నప్పుడు అందులో ఉండే చిక్కులనూ తెలుసుకోండి.
పన్ను మినహాయింపు..
విద్యారుణానికి చెల్లించే వడ్డీపై సెక్షన్ 80ఈ ప్రకారం పూర్తి మినహాయింపు వర్తిస్తుంది. గరిష్ఠంగా ఎనిమిదేళ్లపాటు ఈ మినహాయింపును అనుమతిస్తారు. దీర్ఘకాలిక రుణాన్ని ఎంచుకునేటప్పుడు ఈ నిబంధన గురించి మర్చిపోవద్దు.
గుర్తుంచుకోండి..
* రుణం తీసుకునే ముందు తగిన పరిశోధన అవసరం. ఎంపిక చేసుకున్న కోర్సు, దానికయ్యే ఖర్చు, ఇతర వ్యయాలన్నింటినీ దృష్టిలో పెట్టుకోండి.
* ప్రముఖ విశ్వవిద్యాలయాల్లో చదువుకోవాలనుకునే వారికి రుణాలు తేలిగ్గానే లభిస్తాయి. విస్తృతమైన పరిశోధనలు చేసి కళాశాలలను ఎంచుకోవాలి. రుణం కోసం బ్యాంకును సొంతంగా, ముందుగానే సంప్రదించండి. ఎంత రుణం వరకూ అర్హులో తెలుసుకోండి. దాన్ని బట్టి, మీ ప్రణాళికలు ఉండాలి. బ్లాక్లిస్టులో ఉన్న కాలేజీల్లో చేరేవారికి రుణాలు అందవు.
* రుణానికి వర్తించే వడ్డీ రేటు, పాక్షిక చెల్లింపులు, ముందస్తుగా తీర్చేయడం తదితర నిబంధనలు తెలుసుకోండి.
* వీసా ఇంటర్వ్యూ సమయంలో మీ చదువు, కాలేజీ వివరాల గురించే కాకుండా.. మీ కోర్సు, ప్రొఫెసర్లు, కోర్సు ఖర్చుపై మీకున్న అవగాహన, పొందిన రుణం తదితర వాటిపైనా ప్రశ్నలు ఉండే అవకాశం ఉంటుంది. వీటికి సమాధానాలు స్పష్టంగా ఇవ్వాలి.
-ఫణి శ్రీనివాసు
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వాలెట్ డబ్బుతోనూ యూపీఐ చెల్లింపులు
రోజువారీ జీవితంలో యూపీఐ (యూనిఫైడ్ పేమెంట్స్ ఇంటర్ఫేస్) అంతర్భాగంగా మారింది. ఎన్పీసీఐ చొరవతో ఎన్నో సంస్థలు ఇప్పుడు ఈ సేవలను అందిస్తున్నాయి. -
గృహ రుణాలపై బ్యాంకులు వసూలు చేసే వడ్డీ రేట్లు ఇవే..
మెరుగైన క్రెడిట్ స్కోరు ఉన్నవారికి, ఇంటి రుణాలపై వివిధ బ్యాంకులు వసూలు చేసే వడ్డీ రేట్లను ఇక్కడ చూడొచ్చు. -
క్రెడిట్ కార్డు బాధ్యతగా వాడండి
మీ జేబులో ఉన్న క్రెడిట్ కార్డు.. ఒక అద్భుతమైన ఆర్థిక సాధనం. చేతిలో డబ్బు లేకపోయినా కొనుగోళ్లకు ఇబ్బంది లేకుండా ఇది ఉపయోగపడుతుంది. దీన్ని మీరు సరైన మార్గంలో ఉపయోగిస్తే.. అది మీ కోసం ఎన్నో పనులు చేస్తుంది. -
ఎఫ్డీ రేట్లు పెంచిన బజాజ్ ఫైనాన్స్.. వారికి 8.85% వరకు వడ్డీ
బజాజ్ ఫైనాన్స్ ఫిక్స్డ్ డిపాజిట్లపై వడ్డీ రేట్లు పెంచింది. సీనియర్ సిటిజన్లకు గరిష్ఠంగా 8.85 శాతం, సాధారణ పౌరులకు 8.6 శాతం వడ్డీ అందిస్తోంది. -
‘అమృత్ కలశ్’ గడువు మరోసారి పెంపు.. ఎప్పటి వరకంటే?
SBI news: స్టేట్ బ్యాంక్ ఆఫ్ ఇండియా తన ‘అమృత్ కలశ్’ డిపాజిట్ పథకం గడువును మరోమారు పొడిగించింది. -
విదేశీ విద్యా రుణాలు, వివిధ అంశాల గురించి తెలుసుకోండి?
విద్యార్థులు విదేశీ చదువుకు..రుణ సంస్థల నుంచి పొందే ఆర్థిక సహాయంతో పాటు కొన్ని ముఖ్యమైన ఇతర అంశాల గురించి తెలుసుకోవాలి, అవేంటో ఇక్కడ చూడండి. -
రుణాలు.. తొందరగా తీర్చేద్దాం
అవసరానికి అప్పు చేయడం కొన్నిసార్లు తప్పకపోవచ్చు. తీసుకున్న రుణాన్ని తొందరగా తీర్చేయడమే ఆర్థిక క్రమశిక్షణ. వ్యక్తిగత రుణాలు, క్రెడిట్ కార్డులు.. ఇలా సులభంగా రుణం దొరికే మార్గాలున్న రోజుల్లో మన వద్ద లేని డబ్బును ఖర్చు చేసేప్పుడు ఆలోచించాల్సిందే. -
రూపే కార్డు వాడుతున్నారా? యూపీఐ యాప్ ద్వారా ఇక EMIగా మార్చుకోవచ్చు!
రూపే క్రెడిట్ కార్డు వాడుతున్న వారికి కొత్త ఫీచర్లు అందుబాటులోకి రానున్నాయి. యూపీఐ యాప్లో త్వరలో కొన్ని కొత్త ఫీచర్లు పలకరించబోతున్నాయి. -
బ్యాంకుల్లో లేటెస్ట్ ఫిక్స్డ్ డిపాజిట్ వడ్డీ రేట్లు ఇవే!
చాలా ప్రభుత్వ, ప్రైవేట్ రంగ బ్యాంకులు ఫిక్స్డ్ డిపాజిట్లపై ఆకర్షణీయమైన వడ్డీ రేట్లను అందజేస్తున్నాయి. -
డెబిట్ కార్డు ఛార్జీలను పెంచిన ఎస్బీఐ
డెబిట్ కార్డులపై నిర్వహణ ఛార్జీలను ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా (ఎస్బీఐ) సవరించింది. కొత్త ఛార్జీలు ఏప్రిల్ 1 నుంచి అమల్లోకి రానున్నాయి. -
అనధికారిక లావాదేవీలపై యూజర్ల ఆందోళన.. స్పందించిన యాక్సిస్ బ్యాంక్
యాక్సిస్ బ్యాంకు కస్టమర్లు కొందరు తమ క్రెడిట్ కార్డుల్లో అనధికారిక లావాదేవీలు జరుగుతున్నట్లు సామాజిక మాధ్యమాల్లో పోస్టులు పెడుతున్నారు. దీనిపై బ్యాంక్ స్పందించింది. -
Flash Pay: కీ చైన్తో పేమెంట్స్.. ఫెడరల్ బ్యాంక్ నుంచి ఫ్లాష్ పే
Federal Bank flash pay: ఫెడరల్ బ్యాంక్ స్మార్ట్ కీ చైన్ను తీసుకొచ్చింది. కాంటాక్ట్ లెస్ పేమెంట్ల కోసం దీన్ని వినియోగించుకోవచ్చు. -
పిల్లల పేరిట ఎఫ్డీ
పెట్టుబడికి రక్షణ, రాబడికి హామీ ఉన్న పథకాల్లో ఫిక్స్డ్ డిపాజిట్లు (ఎఫ్డీ) ముందుంటాయి. పిల్లల చదువులు, ఇతర అవసరాల కోసం పెట్టుబడి పెట్టాలనుకుంటున్న తల్లిదండ్రులు వీటికి ప్రాధాన్యం ఇస్తుంటారు -
సిబిల్ నివేదికలో తప్పులుంటే
రుణం తీసుకోవాలంటే.. బ్యాంకులు ముందుగా పరిశీలించేది క్రెడిట్ నివేదికనే. ఇందులో ఎలాంటి తప్పులూ దొర్లకుండా మనం జాగ్రత్తలు తీసుకోవాలి. లేకపోతే మనకు అవసరం ఉన్నప్పుడు రుణం కోసం వెళ్తే దరఖాస్తును తిరస్కరించే అవకాశం ఉంది. -
Personal Loans: వ్యక్తిగత రుణాల వడ్డీ రేట్లు ఎలా ఉన్నాయ్?
ప్రస్తుతం అన్ని బ్యాంకులు వ్యక్తిగత రుణాలను అందిస్తున్నాయి. వివిధ బ్యాంకులు వసూలు చేసే వడ్డీ రేట్లు ఎంతెంతో ఇక్కడ చూద్దాం... -
Home loan: జీరో ప్రాసెసింగ్ ఫీజు.. 8.3% వడ్డీకే హోమ్లోన్
Bank of India home loan offer: బ్యాంక్ ఆఫ్ ఇండియా గృహ రుణాలపై వడ్డీ తగ్గించింది. ప్రాసెసింగ్ ఫీజు సైతం రద్దు చేసింది. మార్చి 31 వరకు ఈ ఆఫర్ ప్రకటించింది. -
ప్రత్యేక ఎఫ్డీలను ప్రారంభించిన నార్త్ ఈస్ట్ స్మాల్ ఫైనాన్స్ బ్యాంక్
నార్త్ ఈస్ట్ స్మాల్ ఫైనాన్స్ బ్యాంకులో ప్రత్యేక ఫిక్స్డ్ డిపాజిట్లపై గరిష్ఠంగా 9.25% వడ్డీ వరకు పొందొచ్చు. -
Credit Card: క్రెడిట్ కార్డును పరిమితికి మించి వాడుకోవచ్చా?
Credit Card: క్రెడిట్ వాడకంపై తరచూ ఎదురయ్యే కొన్ని కీలక సందేహాలకు ఇటీవల ఆర్బీఐ సమాధానాలు ఇచ్చింది. అవేంటో చూద్దాం..! -
వ్యక్తిగత రుణాలు మోసాల బారిన పడొద్దు
ఎలాంటి హామీ లేకుండా లభించే వ్యక్తిగత రుణాలు అవసరమైనప్పుడు ఎంతో ఉపయోగపడతాయి. మన అవసరాలను ఆసరాగా తీసుకొని, సైబర్ మోసగాళ్లు మన కష్టార్జితాన్ని కాజేసేందుకు సిద్ధంగా ఉంటారు. -
Gold Loans: బంగారు రుణాలపై వడ్డీ రేట్లు ఏ బ్యాంకులో ఎంతెంత?
సురక్షితమైన రుణం కాబట్టి బ్యాంకులు బంగారంపై సరసమైన వడ్డీ రేట్లకు వేగంగా రుణాలందిస్తున్నాయి. వివిధ బ్యాంకులు వసూలుచేసే వడ్డీ రేట్లు ఇక్కడ చూద్దాం.. -
FD Rates: సీనియర్ సిటిజన్ల ఎఫ్డీలపై వడ్డీ రేట్లు ఇవే..
చాలా ప్రభుత్వ, ప్రైవేట్ రంగ బ్యాంకులు సీనియర్ సిటిజన్లకు అత్యధిక వడ్డీ రేటును అందిస్తున్నాయి. 1, 3, 5 ఏళ్ల ఎఫ్డీలపై వడ్డీ రేట్లను ఇక్కడ చూడండి.
తాజా వార్తలు (Latest News)
-
323km రేంజ్.. 155km టాప్ స్పీడ్తో అల్ట్రావయోలెట్ కొత్త ఎలక్ట్రిక్ బైక్
-
తిరుపతిలో తెదేపా కార్యకర్తలపై వైకాపా శ్రేణుల రాళ్ల దాడి.. ఉద్రిక్తత
-
అదేం కొట్టుడు.. పంత్ నువ్వేనా క్రికెట్కు ఏడాదిన్నర దూరమైంది?
-
అభిమాన హీరోను కొట్టాలంటే భయమేసింది: మృణాల్ ఠాకూర్
-
ఈనాడు.నెట్లో టాప్ 10 వార్తలు @ 1 PM
-
కోటక్ బ్యాంకు షేరు ఢమాల్.. రూ.37,500 కోట్ల సంపద ఆవిరి!