Q3 Results: సన్‌ఫార్మా లాభం ₹2,166 కోట్లు

హైదరాబాద్‌: ప్రముఖ ఫార్మా సంస్థ సన్‌ఫార్మా (Sun Pharma) త్రైమాసిక ఫలితాలను ప్రకటించింది. డిసెంబర్‌తో ముగిసిన మూడో త్రైమాసికంలో ఆ కంపెనీ రూ.2,166 కోట్ల ఏకీకృత నికర లాభాన్ని ప్రకటించింది. గతేడాదితో పోలిస్తే 5% పెరిగింది. గతేడాది ఇదే త్రైమాసికంలో లాభం రూ.2,058 కోట్లు. కార్యకలాపాల ద్వారా వచ్చే ఆదాయం అంతకు ముందు సంవత్సరం ఇదే త్రైమాసికంలో రూ.9,863 కోట్లతో పోలిస్తే ఈ త్రైమాసికంలో 14% పెరిగి రూ.11,240 కోట్లకు చేరుకుంది. కంపెనీ 2022-23 ఆర్థిక సంవత్సరానికి ఈక్విటీ షేర్‌కు రూ.7.50 మధ్యంతర డివిడెండ్‌ను కూడా ప్రకటించింది. మంగళవారం ఎన్‌ఎస్‌ఈలో ఈ షేరు ధర 1.35% తగ్గి రూ.1,037.50 వద్ద ముగిసింది.