దుర్గగుడి హుండీ ఆదాయం రూ.2.76 కోట్లు

కానుకలు లెక్కిస్తున్న దేవస్థానం సిబ్బంది

ఇంద్రకీలాద్రి,  న్యూస్‌టుడే : శ్రీ దుర్గామల్లేశ్వర స్వామి వార్ల దేవస్థానం హుండీల్లో భక్తులు సమర్పించిన కానుకలను మల్లికార్జున మహామండపం ఆరో అంతస్తులో సోమవారం లెక్కించారు. 19 రోజుల్లో హుండీల్లో వేసిన కానుకలను లెక్కించగా రూ.2.76 కోట్ల ఆదాయం వచ్చినట్లు ఆలయ అధికారులు తెలిపారు. బంగారం 478 గ్రాములు, 4.830 కిలోల వెండి వస్తువులను మొక్కుల రూపంలో భక్తులు చెల్లించుకున్నారు. అమెరికా డాలర్లు 1451, ఇంగ్లాండ్‌ పౌండ్లు 110, కెనడా డాలర్లు 85, అరబ్‌ ఎమిరేట్స్‌ దిర్హమ్స్‌ 110 హుండీల్లో వేశారు. ఇ-హుండీ ద్వారా రూ.70,541 భక్తులు సమర్పించారు. దేవస్థానం ఈవో రామారావు కానుకల లెక్కింపును పర్యవేక్షించారు.