ఆరోగ్య బీమా.. ఒకటికి మించి పాలసీలుంటే..
పెరుగుతున్న అనారోగ్య సమస్యలు, జీవన శైలి వ్యాధులు, కొవిడ్-19 లాంటి మహమ్మారుల వల్ల ఆరోగ్య బీమా పాలసీలకు ప్రాధాన్యం పెరిగింది. చాలామంది అదనపు రక్షణ కావాలని కోరుకుంటూ.. ఒకటికి మించి వీటిని తీసుకుంటున్నారు. పెరుగుతున్న
పెరుగుతున్న అనారోగ్య సమస్యలు, జీవన శైలి వ్యాధులు, కొవిడ్-19 లాంటి మహమ్మారుల వల్ల ఆరోగ్య బీమా పాలసీలకు ప్రాధాన్యం పెరిగింది. చాలామంది అదనపు రక్షణ కావాలని కోరుకుంటూ.. ఒకటికి మించి వీటిని తీసుకుంటున్నారు. పెరుగుతున్న వైద్య ఖర్చులను తట్టుకునేందుకు ఇది అవసరమూ అవుతోంది. ఈ నేపథ్యంలో రెండు లేదా అంతకు మించి ఆరోగ్య బీమా పాలసీలున్నప్పుడు క్లెయిం చేసేటప్పుడు ఎలాంటి జాగ్రత్తలు తీసుకోవాలో తెలుసుకోవాల్సిన అవసరం ఉంది.
అనారోగ్యంలో ఆర్థిక కష్టం రాకుండా ఆరోగ్య బీమా పాలసీ తోడుంటుంది. ఆధునిక చికిత్స పద్ధతులు, ఇతర అనేక కారణాలతో నేడు వైద్య ద్రవ్యోల్బణం నానాటికీ పెరుగుతోంది. మారుతున్న ఈ అవసరాలకు తగ్గట్టుగా పాలసీ మొత్తాన్నీ, సంఖ్యనూ పెంచుకోవాల్సిందే. ఇదే సమయంలో అవసరం వచ్చినప్పుడు పరిహారం పొందేందుకు అనుసరించాల్సిన మార్గాలు, అందించాల్సిన పత్రాలు, ఇంటి వద్ద చికిత్సకు ఏ విధంగా క్లెయిం చేసుకోవాలిలాంటి అంశాలపై అవగాహన ఉండాలి.
నగదు రహిత చికిత్స కోసం..
ప్రస్తుతం చాలామంది ఉద్యోగులు రెండు పాలసీలు తీసుకుంటున్నారు. యాజమాన్యం అందించే బృంద బీమా పాలసీతోపాటు, వ్యక్తిగతంగా కుటుంబానికి అంతటికీ వర్తించేలా మరో పాలసీ తీసుకుంటున్నారు. కొంతమంది సొంతంగానే రెండు వేర్వేరు కంపెనీల నుంచి పాలసీలను తీసుకుంటారు. అనారోగ్య పరిస్థితుల్లో పాలసీ నెట్వర్క్ ఆసుపత్రిలో చేరి, నగదు రహిత చికిత్స పొందేందుకు వీలవుతుంది. అప్పుడు అక్కడ ఒక పాలసీని వినియోగించుకునేందుకు వీలుంది. ఒకవేళ చికిత్స ఖర్చు పాలసీ మొత్తాన్ని మించిపోతే.. అప్పుడు రెండో బీమా సంస్థ నుంచి ఆ అదనపు మొత్తాన్ని క్లెయిం చేసుకోవచ్చు. దీనికోసం ఆసుపత్రి నుంచి బిల్లులన్నీ తీసుకోవాలి. మొదటి బీమా సంస్థ చెల్లించిన పరిహారం వివరాలనూ జత చేయాల్సి ఉంటుంది. కొన్నిసార్లు ఆ ఆసుపత్రి రెండు బీమా సంస్థల నెట్వర్క్లోనూ ఉండొచ్చు. ఇలాంటప్పుడు.. ఆ బీమా సంస్థలను సంప్రదించి, నగదు రహిత చికిత్సకు అనుమతిస్తారా? లేదా రీఇంబర్స్మెంట్ చేసుకోవాలా అనేది తెలుసుకోవాలి. చికిత్స ఖర్చు అధికంగా అవుతుందని అనుకుంటేనే రెండు పాలసీలు ఉన్న విషయాన్ని ఆసుపత్రికి తెలియజేయండి.
నెట్వర్క్ ఆసుపత్రి కాకుండా..
మీరు తీసుకున్న రెండు బీమా సంస్థల నెట్వర్క్ జాబితాలో లేని ఆసుపత్రిలో చేరారు అనుకుందాం. ఇలాంటప్పుడు పాలసీదారుడు ఆసుపత్రి బిల్లులను చెల్లించి, ఆ తర్వాత పరిహారం కోసం బీమా సంస్థలను సంప్రదించాల్సి ఉంటుంది. ఇలాంటప్పుడు క్లెయిం పత్రం పూర్తి చేసి, దానికి ప్రతి బిల్లునూ జత చేయాలి. వైద్య పరీక్షల నివేదికలు, ఎక్స్-రేలు తదితరాలన్నీ అందించాలి. ముందుగా ఎంత మొత్తానికి క్లెయిం చేసుకుంటున్నారన్నది చూసుకోండి. రెండు పాలసీల్లో ఏది అధిక మొత్తం అందిస్తుందో దాని కోసం దరఖాస్తు చేసుకోండి. ఒక పాలసీ పూర్తిగా వాడుకున్న తర్వాత అధికంగా అయ్యే మొత్తాన్ని రెండో బీమా సంస్థ నుంచి రాబట్టుకోవచ్చు. అయితే, దీనికోసం బిల్లులన్నింటినీ ఆసుపత్రి అధీకృతం (అటెస్టేషన్) చేయాలి. మొదటి బీమా సంస్థ ఇచ్చిన క్లెయిం వివరాలనూ తప్పనిసరిగా జత చేయాలి. అప్పుడే రెండో బీమా సంస్థ అధికంగా అయిన మొత్తాన్ని చెల్లిస్తుంది.
ఇతర ఖర్చుల మాటేమిటి?
సాధారణంగా ఆసుపత్రిలో చేరే ముందు.. ఇంటికి వెళ్లిన తర్వాత కొన్ని ఖర్చులు అవుతుంటాయి. ఆరోగ్య పరీక్షలు, మందులు, ఇతర వ్యయాలు ఇందులో ఉంటాయి. బీమా సంస్థలు ఆసుపత్రిలో చేరకముందు, ఇంటికి వెళ్లాక 60 రోజుల వరకూ అయ్యే ఖర్చును చెల్లిస్తుంటాయి. కొన్నిపాలసీల్లో ఫిజియోథెరపీ ఇతర చికిత్సలకు అయ్యే ఖర్చులకు క్లెయిం రాకపోవచ్చు. ప్రత్యేకంగా పాలసీలో వీటికీ పరిహారం ఇస్తామనే నిబంధన ఉంటేనే ఇది వర్తిస్తుంది. మీ దగ్గర ఉన్న పాలసీల్లో ఇలాంటి చికిత్సలకూ పరిహారం లభిస్తుందా చూసుకోండి. వర్తిస్తే ఆ బీమా సంస్థకు క్లెయిం కోసం దరఖాస్తు చేసుకోవచ్చు.
ఒకటికి మంచి పాలసీలున్నప్పుడు ఆర్థికంగా రక్షణ పెరుగుతుంది. పాలసీలను ఎంచుకునేటప్పుడు నియమ నిబంధనలు ఒకటికి రెండుసార్లు పరిశీలించాలి. బృంద బీమా పాలసీ ఉన్న బీమా సంస్థ నుంచే వ్యక్తిగత పాలసీని తీసుకోవడం వల్ల క్లెయిం పరిష్కారం మరింత వేగంగా జరిగేందుకూ అవకాశం ఉంది. టాపప్ పాలసీలను ఎంచుకునేటప్పుడూ ఇదే సూత్రం వర్తిస్తుంది. బీమా తీసుకునేటప్పుడు ఎట్టి పరిస్థితుల్లోనూ ఆరోగ్య సమాచారంలో దాపరికం లేకుండా చూసుకోవాలి. చిన్న పొరపాటు చేసినా బీమా సంస్థ క్లెయింను తిరస్కరించే అవకాశం ఉంది.
- భాస్కర్ నెరుకార్, హెడ్-హెల్త్ అడ్మినిస్ట్రేషన్, బజాజ్ అలియాంజ్ జనరల్ ఇన్సూరెన్స్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి. -
ఆరోగ్య బీమా రూల్స్లో మార్పులు.. పాలసీదారులకు ప్రయోజనం
IRDAI : ఆరోగ్య బీమా పాలసీల నిబంధనల విషయంలో బీమా నియంత్రణ, అభివృద్ధి ప్రాధికార సంస్థ కొత్త నిబంధనలు తీసుకొచ్చింది. వీటి ద్వారా బీమా కస్టమర్లకు మరింత ప్రయోజనం చేకూరనుంది. -
మిడ్ క్యాప్ ఫండ్లపై రాబడులు ఎంతెంత?
దేశీయంగా పెట్టుబడులకు వివిధ మ్యూచువల్ ఫండ్ల పథకాలు ఉన్నాయి. ఈ మ్యూచువల్ ఫండ్లలో మంచి ఫలితాలను అందించిన కొన్ని మిడ్ క్యాప్ ఫండ్లను ఇక్కడ చూడొచ్చు. -
కొత్త ఏడాదిలో పన్ను విధానం ఎంచుకుంటున్నారా? ఇవి తెలుసుకున్నాకే..!
Income tax: కొత్త ఆర్థిక సంవత్సరంలో వేతన జీవులు పన్ను విధానం యాజమాన్యానికి తెలియజేయాలి. టీడీఎస్ కోసం మీకు నప్పే పన్ను విధానం ఎంచుకోవడం మంచిది. -
పదవీ విరమణ తర్వాత రూ.1 కోటి నిధి సరిపోతుందా?
చాలా మంది పదవీ విరమణ నిధికి రూ.1 కోటి సరిపోతుందని అనుకుంటారు. ఎలాంటి విషయాలు పదవీ విరమణ నిధిని, రాబడిని ప్రభావితం చేస్తాయి. రూ.1 కోటి నిధి సరిపోతుందా? లేదా? ఇక్కడ తెలుసుకోండి.. -
జీవిత బీమా.. అనుబంధ పాలసీలు తీసుకున్నారా?
ఊహించని పరిస్థితుల నుంచి మీ కుటుంబ ఆర్థిక భవిష్యత్తుకు రక్షణ కల్పించేది జీవిత బీమా. సంపాదించే ప్రతి ఒక్కరూ తన ఆర్థిక ప్రణాళికల్లో దీనికి తగిన స్థానం ఇవ్వాల్సిందే. ఆయుర్దాయం పెరుగుతోంది. అదే సమయంలో జీవన శైలీ మారుతోంది. -
లక్ష్య సాధనకు సిప్ మార్గం
స్టాక్ మార్కెట్లో చిన్న మొత్తాలతోనూ మదుపు చేసేందుకు క్రమానుగత పెట్టుబడి విధానం (సిప్) తోడ్పడుతుంది. గతంతో పోలిస్తే ఇప్పుడు సిప్ ద్వారా మదుపు చేసే వారు పెరిగారు. యాంఫీ గణాంకాల ప్రకారం చూస్తే.. గత నెలలో దాదాపు 42.87 లక్షల కొత్త సిప్ ఖాతాలు ప్రారంభమయ్యాయి. -
విహార యాత్రలో ధీమాగా
వేసవి సెలవులు వచ్చేశాయి. ఈ కాలంలో చల్లని ప్రాంతాలకు వెళ్లేందుకు చాలామంది ఆసక్తి చూపిస్తుంటారు. ఇందులో చాలామంది విదేశాలకు వెళ్లేవారూ ఉంటారు. ఈ నేపథ్యంలో విదేశీ ప్రయాణాల్లో అనుకోని అవాంతరాలు, అనారోగ్యం వచ్చినప్పుడు తోడుండేలా బీమా తీసుకోవడం మంచిది. -
టర్మ్ బీమా ప్రీమియంలు ఎంతెంత?
చిన్న వయసులోనే జీవిత బీమా తీసుకుంటే ప్రీమియం తక్కువగా ఉంటుంది. వివిధ బీమా సంస్థలు వసూలు చేసే ప్రీమియంలు ఎంతెంతున్నాయో ఇక్కడ చూడండి.
తాజా వార్తలు (Latest News)
-
ఆర్టీసీ ప్రయాణికుల వద్దకే శ్రీ సత్యసాయి తాగునీరు
-
లాభాల్లో స్టాక్ మార్కెట్ సూచీలు.. సెన్సెక్స్ @ 74,434
-
ప్రతి మ్యాచ్లో అది పనిచేయదు, అయినా..: కమిన్స్
-
ఈనాడు.నెట్లో టాప్ 10 వార్తలు @ 9 AM
-
స్వతంత్ర అభ్యర్థి విడదల రజని కిడ్నాప్ వ్యవహారంపై దుమారం
-
మంత్రిగారి నగదు ‘బదిలీ’లకు కోడ్ ఉన్నా ఆమోదం