Digital Loans: డిజిటల్ రుణాలు...తస్మాత్ జాగ్రత్త!
యూపీఐ ఆధారిత చెల్లింపులతో భారత్ ఒక విప్లవాన్ని సృష్టించింది. ఇదే సమయంలో పలు ఫిన్టెక్ సంస్థలు ప్రజలకు సులభంగా రుణాలను అందుబాటులోకి తీసుకొచ్చాయి
యూపీఐ ఆధారిత చెల్లింపులతో భారత్ ఒక విప్లవాన్ని సృష్టించింది. ఇదే సమయంలో పలు ఫిన్టెక్ సంస్థలు ప్రజలకు సులభంగా రుణాలను అందుబాటులోకి తీసుకొచ్చాయి. డిజిలాకర్, వీడియో ఆధారిత కేవైసీలాంటి సాంకేతికతలతో అడిగిన వారికి వెంటనే అప్పులు ఇచ్చేస్తున్నాయి. ఇ-కామర్స్ సైట్లలో ఒక వస్తువును కొన్నంత సులభంగా ఇప్పుడు డిజిటల్ రుణాలూ అందుబాటులోకి వస్తున్నాయి. కొంత కాలం క్రితం పలు వివాదాలకూ కారణం అయ్యాయి. ఇటీవలి కాలంలో కొంత నెమ్మదించినా.. మళ్లీ ఇప్పుడు వీటి జోరు కనిపిస్తోంది. ఈ నేపథ్యంలో అప్పులు అందించే యాప్ల విషయంలో కాస్త అప్రమత్తంగా ఉండాల్సిందే. తప్పనిసరి పరిస్థితుల్లో అప్పులు తీసుకోవాల్సి వస్తే తెలుసుకోవాల్సిన విషయాలేమిటో చూద్దాం.
అప్పు తీసుకోవాలని అనుకున్నప్పుడు ఆర్బీఐ అనుమతి ఉన్న సంస్థలనే ఎంచుకోవాలి. బ్యాంకులు లేదా బ్యాంకింగేతర ఆర్థిక సంస్థలేవైనా సరే తప్పకుండా ఆర్బీఐ దగ్గర నమోదై ఉంటాయి. వీటి నుంచి మాత్రమే రుణం తీసుకోవాలి. ఆర్బీఐ గుర్తించని సంస్థల నుంచి ఎట్టి పరిస్థితుల్లోనూ అప్పు తీసుకోవద్దు. ఫోన్లలో, యాప్లలో మాత్రమే రుణం ఇచ్చే వారు తర్వాత మిమ్మల్ని అనేక రకాలుగా ఇబ్బంది పెడతారని మర్చిపోవద్దు. గతంలో ఇలాంటి అనుమతి లేని సంస్థలపై ఆర్బీఐ కఠిన చర్యలు తీసుకుంది. అయినప్పటికీ కొన్ని సంస్థలు చట్ట విరుద్ధంగా రుణాలను ఇస్తున్న సంఘటనలు కనిపిస్తున్నాయి. ఇలాంటి వాటికి దూరంగా ఉండటమే మేలు.
అర్హతను తెలుసుకోండి...
సాధారణంగా ఆదాయం, క్రెడిట్ స్కోరు ఆధారంగా ఆర్థిక సంస్థలు మీ రుణ అర్హతను నిర్ణయిస్తాయి. మీకు స్థిరమైన ఆదాయం, మంచి స్కోరు (750 కి మించి) ఉంటే బ్యాంకు నుంచి రుణం తీసుకోండి. మీకు తక్కువ అర్హత ఉంటే బ్యాంకింగేతర ఆర్థిక సంస్థల (ఎన్బీఎఫ్సీ)ను ఎంచుకోండి. మీ క్రెడిట్ స్కోరు ఎల్లప్పుడూ తెలుసుకుంటూ ఉండండి. తక్కువ నిబంధనలు, వడ్డీతో రుణం తీసుకునేందుకు మీ క్రెడిట్ స్కోరు ఉపకరిస్తుంది.
రుసుములు చూడండి..
మీ రుణ అర్హత వడ్డీ రేటును ప్రభావితం చేస్తుంది. మంచి స్కోరున్నప్పుడు తక్కువ వడ్డీ రేటుకు రుణం తీసుకునేందుకు ప్రయత్నించాలి. ఇప్పటికే తీసుకున్న రుణాలకు చెల్లింపులు ఆలస్యమైతే.. మీ స్కోరు తగ్గుతుంది. ఇలాంటప్పుడు వడ్డీ పెరుగుతుంది. రుణం తీసుకునేటప్పుడు అన్ని రుసుములనూ జాగ్రత్తగా పరిశీలించండి. ఇందులో మీ వార్షిక వడ్డీ రేటూ ఉండాలి. రుణ పరిశీలనా రుసుము, ఆలస్య/ముందస్తు చెల్లింపులకు వర్తించే ఛార్జీలు తెలుసుకోవాలి. ఆర్బీఐ నియంత్రిత రుణదాత ఈ వివరాలన్నీ తప్పనిసరిగా రుణగ్రహీతతో పంచుకోవాలి. ఇవన్నీ మీకు చెప్పడం లేదంటే.. కాస్త ఆలోచించాల్సిందే.
సమాచారం సురక్షితంగా
రుణగ్రహీత సమాచారాన్ని ఎంతో సురక్షితంగా చూసుకోవాల్సిన బాధ్యత ఆర్థిక సంస్థలదే. రుణాన్ని ఇచ్చేటప్పుడు అవసరమైన సమాచారాన్ని మాత్రమే సేకరించాలి. నియంత్రిత పద్ధతిలో మాత్రమే సంబంధిత అంశాల్ని మూడో సంస్థలకు (లోన్ ప్రొవైడర్లు, రికవరీ ఏజెన్సీల వంటివి) అందించాలి. చాలా సందర్భాల్లో కొన్ని యాప్లు ఫొటోలు, వీడియోల వంటి సున్నితమైన సమాచారాన్ని సేకరించడం, రుణగ్రహీత ఫోన్లో ఉన్న నంబర్లను తీసుకొని, స్నేహితులు, బంధువులకు ఫోన్ చేయడంలాంటివి జరిగాయి. ఇవన్నీ చట్ట వ్యతిరేకం. ఇలాంటి వాటి వలలో మీరు చిక్కుకోవద్దు. ఆర్బీఐ నియంత్రణలో ఉండే సంస్థల నుంచే అప్పు తీసుకోవడం సురక్షితం.
రుసుములు పోల్చుకోండి..
ఆన్లైన్లో అప్పు కోసం దరఖాస్తు చేస్తున్నప్పుడు ముందుగా వడ్డీ రేట్లు, రుసుములు, తిరిగి చెల్లించేటప్పుడు ఉండే నిబంధనలు, షరతులను పోల్చి చూసుకోండి. అన్ని నియంత్రిత సంస్థలూ ఆన్లైన్లో ఈ సమాచారాన్ని అందిస్తాయి. పేరు తెలియని రుణదాతల నుంచి రుణం తీసుకుంటే.. తర్వాత చిక్కులు తప్పవు.
సమయానికి చెల్లించండి
మీ రుణాన్ని సకాలంలో, పూర్తిగా చెల్లించడం మంచిది. ఇది మీ క్రెడిట్ స్కోరును మెరుగుపరుస్తుంది. ఆలస్యమైతే మీ స్కోరు దెబ్బతింటుంది. సెటిల్మెంట్లాంటి వాటిని నివారించండి. మీ బాకీని పూర్తిగా తీర్చాలనే లక్ష్యాన్ని పెట్టుకోండి. చెల్లింపు ఆలస్యం అయినప్పుడు రుణదాతకు ఆ విషయాన్ని తెలియజేయండి. మీరు రుణాన్ని చెల్లిస్తున్న క్రమంలో ఎప్పటికప్పుడు క్రెడిట్ స్కోరును సరిచూసుకోండి. కొన్నిసార్లు రుణదాతలు రుణం తీర్చిన విషయాన్ని క్రెడిట్ బ్యూరోలకు చెప్పరు. ఇలాంటి సందర్భాల్లో రుణగ్రహీతల క్రెడిట్ స్కోరు దెబ్బతింటుంది.
అవసరం ఉంటేనే..
డిజిటల్ రుణాలు సులభంగా లభిస్తాయి. కానీ, ఇస్తున్నారు కదా అని అప్పు చేయడం ఎప్పుడూ మంచిది కాదు. మీకు అవసరం ఉండి, తిరిగి చెల్లించేందుకు సౌకర్యవంతంగా ఉన్నప్పుడే అప్పు తీసుకోవాలి. ఒకేసారి బహుళ రుణాల కోసం దరఖాస్తు చేయొద్దు. ఇవన్నీ మిమ్మల్ని అప్పుల ఊబిలోకి లాగుతాయి. భవిష్యత్తులో ఆర్థిక ఇబ్బందులను సృష్టిస్తాయి.
అధిల్ శెట్టి, సీఈఓ, బ్యాంక్బజార్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అప్పు చేసి ఇల్లు కొంటున్నారా?
సొంతిల్లు.. ప్రతి ఒక్కరి కల. దీన్ని నిజం చేసుకునే క్రమంలో గృహరుణం తీసుకుంటాం. తొలిసారి ఇల్లు కొనుగోలు చేస్తున్నవారూ.. ఇప్పటికే ఉన్నదాన్ని మార్చి, పెద్దది తీసుకోవాలనుకున్నా. -
క్రెడిట్ కార్డు.. ఇలా తీసుకుందాం
క్రెడిట్ కార్డులు మన రోజువారీ ఆర్థిక లావాదేవీల్లో ఒక భాగం అయ్యాయి. ఇప్పుడు యూపీఐ ఆధారిత చెల్లింపుల కోసమూ వీటిని ఉపయోగించుకునేందుకు వీలవుతోంది. -
క్రెడిట్ కార్డు రుణం ఎప్పుడు తీసుకోవడం మేలు?
అత్యవసర పరిస్థితిల్లో క్రెడిట్ కార్డు మెరుగైన ఆర్థిక రక్షణ ఇస్తుంది. ఎలాంటి ఇబ్బందులు ఎదురైనప్పుడు క్రెడిట్ కార్డు ఉపయోగించి తాత్కాలికంగా ఆర్థిక రక్షణ పొందొచ్చో ఇక్కడ చూద్దాం. -
ఎస్బీఐ కార్డు నుంచి 3 ట్రావెల్ క్రెడిట్ కార్డులు.. ప్రయోజనాలివే..!
SBI Credit Card: ఎస్బీఐ కార్డు విమాన ప్రయాణికుల కోసం మూడు ప్రత్యేక క్రెడిట్ కార్డులను తీసుకొచ్చింది. వాటిలోని ప్రయోజనాలు, ఫీజుల వివరాలు ఎలా ఉన్నాయో చూద్దాం..! -
ఉత్పత్తి రంగంలో మదుపు
దేశీయ వినియోగం, ఎగుమతులు పెరుగుతున్న నేపథ్యంలో మన దేశంలో ఉత్పత్తి రంగం గతంలో ఎన్నడూ లేనంత అధిక వృద్ధిని నమోదు చేయబోతోంది. -
ప్రయాణంలో తోడుగా..
ప్రయాణాలు చేసే వారికి ఉపయోగపడేలా ఎస్బీఐ కార్డ్ కొత్త క్రెడిట్ కార్డును తీసుకొచ్చింది. ఎస్బీఐ కార్డ్ మైల్స్ ఎలైట్, ఎస్బీఐ కార్డ్ మైల్స్ ప్రైమ్, ఎస్బీఐ కార్డ్ మైల్స్ పేర్లతో మూడు రకాలుగా అందిస్తోంది. -
ఐసీఐసీఐ, యెస్ బ్యాంక్లో మే 1 నుంచి కొత్త సర్వీస్ ఛార్జీలు!
Bank charges: సేవింగ్స్ ఖాతాకు సంబంధించిన పలు సేవలపై విధించే ఛార్జీలను ఐసీఐసీఐ, యెస్ బ్యాంకులు సవరించాయి. మే 1 నుంచి ఇవి అమల్లోకి రానున్నాయి. -
ఆర్డీలపై వివిధ బ్యాంకులు ఆఫర్ చేసే వడ్డీ రేట్లు ఇవే..
దేశంలో దాదాపు అన్ని బ్యాంకులు రికరింగ్ డిపాజిట్ అందిస్తున్నాయి. ఈ ఆర్డీలపై వివిధ బ్యాంకుల్లో వడ్డీ రేట్లు ఎంతెంత ఉన్నాయో ఇక్కడ చూడండి. -
వాలెట్ డబ్బుతోనూ యూపీఐ చెల్లింపులు
రోజువారీ జీవితంలో యూపీఐ (యూనిఫైడ్ పేమెంట్స్ ఇంటర్ఫేస్) అంతర్భాగంగా మారింది. ఎన్పీసీఐ చొరవతో ఎన్నో సంస్థలు ఇప్పుడు ఈ సేవలను అందిస్తున్నాయి. -
గృహ రుణాలపై బ్యాంకులు వసూలు చేసే వడ్డీ రేట్లు ఇవే..
మెరుగైన క్రెడిట్ స్కోరు ఉన్నవారికి, ఇంటి రుణాలపై వివిధ బ్యాంకులు వసూలు చేసే వడ్డీ రేట్లను ఇక్కడ చూడొచ్చు. -
క్రెడిట్ కార్డు బాధ్యతగా వాడండి
మీ జేబులో ఉన్న క్రెడిట్ కార్డు.. ఒక అద్భుతమైన ఆర్థిక సాధనం. చేతిలో డబ్బు లేకపోయినా కొనుగోళ్లకు ఇబ్బంది లేకుండా ఇది ఉపయోగపడుతుంది. దీన్ని మీరు సరైన మార్గంలో ఉపయోగిస్తే.. అది మీ కోసం ఎన్నో పనులు చేస్తుంది. -
ఎఫ్డీ రేట్లు పెంచిన బజాజ్ ఫైనాన్స్.. వారికి 8.85% వరకు వడ్డీ
బజాజ్ ఫైనాన్స్ ఫిక్స్డ్ డిపాజిట్లపై వడ్డీ రేట్లు పెంచింది. సీనియర్ సిటిజన్లకు గరిష్ఠంగా 8.85 శాతం, సాధారణ పౌరులకు 8.6 శాతం వడ్డీ అందిస్తోంది. -
‘అమృత్ కలశ్’ గడువు మరోసారి పెంపు.. ఎప్పటి వరకంటే?
SBI news: స్టేట్ బ్యాంక్ ఆఫ్ ఇండియా తన ‘అమృత్ కలశ్’ డిపాజిట్ పథకం గడువును మరోమారు పొడిగించింది. -
విదేశీ విద్యా రుణాలు, వివిధ అంశాల గురించి తెలుసుకోండి?
విద్యార్థులు విదేశీ చదువుకు..రుణ సంస్థల నుంచి పొందే ఆర్థిక సహాయంతో పాటు కొన్ని ముఖ్యమైన ఇతర అంశాల గురించి తెలుసుకోవాలి, అవేంటో ఇక్కడ చూడండి. -
రుణాలు.. తొందరగా తీర్చేద్దాం
అవసరానికి అప్పు చేయడం కొన్నిసార్లు తప్పకపోవచ్చు. తీసుకున్న రుణాన్ని తొందరగా తీర్చేయడమే ఆర్థిక క్రమశిక్షణ. వ్యక్తిగత రుణాలు, క్రెడిట్ కార్డులు.. ఇలా సులభంగా రుణం దొరికే మార్గాలున్న రోజుల్లో మన వద్ద లేని డబ్బును ఖర్చు చేసేప్పుడు ఆలోచించాల్సిందే. -
రూపే కార్డు వాడుతున్నారా? యూపీఐ యాప్ ద్వారా ఇక EMIగా మార్చుకోవచ్చు!
రూపే క్రెడిట్ కార్డు వాడుతున్న వారికి కొత్త ఫీచర్లు అందుబాటులోకి రానున్నాయి. యూపీఐ యాప్లో త్వరలో కొన్ని కొత్త ఫీచర్లు పలకరించబోతున్నాయి. -
బ్యాంకుల్లో లేటెస్ట్ ఫిక్స్డ్ డిపాజిట్ వడ్డీ రేట్లు ఇవే!
చాలా ప్రభుత్వ, ప్రైవేట్ రంగ బ్యాంకులు ఫిక్స్డ్ డిపాజిట్లపై ఆకర్షణీయమైన వడ్డీ రేట్లను అందజేస్తున్నాయి. -
డెబిట్ కార్డు ఛార్జీలను పెంచిన ఎస్బీఐ
డెబిట్ కార్డులపై నిర్వహణ ఛార్జీలను ప్రభుత్వ రంగ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియా (ఎస్బీఐ) సవరించింది. కొత్త ఛార్జీలు ఏప్రిల్ 1 నుంచి అమల్లోకి రానున్నాయి. -
అనధికారిక లావాదేవీలపై యూజర్ల ఆందోళన.. స్పందించిన యాక్సిస్ బ్యాంక్
యాక్సిస్ బ్యాంకు కస్టమర్లు కొందరు తమ క్రెడిట్ కార్డుల్లో అనధికారిక లావాదేవీలు జరుగుతున్నట్లు సామాజిక మాధ్యమాల్లో పోస్టులు పెడుతున్నారు. దీనిపై బ్యాంక్ స్పందించింది. -
Flash Pay: కీ చైన్తో పేమెంట్స్.. ఫెడరల్ బ్యాంక్ నుంచి ఫ్లాష్ పే
Federal Bank flash pay: ఫెడరల్ బ్యాంక్ స్మార్ట్ కీ చైన్ను తీసుకొచ్చింది. కాంటాక్ట్ లెస్ పేమెంట్ల కోసం దీన్ని వినియోగించుకోవచ్చు. -
పిల్లల పేరిట ఎఫ్డీ
పెట్టుబడికి రక్షణ, రాబడికి హామీ ఉన్న పథకాల్లో ఫిక్స్డ్ డిపాజిట్లు (ఎఫ్డీ) ముందుంటాయి. పిల్లల చదువులు, ఇతర అవసరాల కోసం పెట్టుబడి పెట్టాలనుకుంటున్న తల్లిదండ్రులు వీటికి ప్రాధాన్యం ఇస్తుంటారు
తాజా వార్తలు (Latest News)
-
‘ఆఫ్టర్ 9’ పబ్పై దాడి.. 160 మందిని అదుపులోకి తీసుకున్న పోలీసులు
-
మ్యాక్సీ ఆటతీరుపై కామెంట్.. పార్థివ్కు తప్పని బాడీ షేమింగ్
-
దండంతో సరి.. హామీలు మరిచారేం మరి
-
నిజం చెప్పటమే నేరమా..? 572 మంది ఉపాధ్యాయులకు నోటీసులు
-
బ్రెజిల్ను ముంచెత్తిన వరదలు.. 60 మంది మృత్యువాత
-
మీరూ వద్దు మీ డబ్బూ వద్దు.. వైకాపా తాయిలాలకు తలవంచని ఓటర్లు